تزييق الفرامل و صيانة 10000

[drwaelhassan]

السلام عليكم يا شباب
معايا لوجان اوتوماتيك 2012 - الحمد لله كملت بيها 10000 و رايح أعمل الصيانة يوم السبت إن شاء الله.
فى شوية حاجات عايز أسئلكم عليها :

- من إمبارح و أنا سامع تزييق فى الفرامل - سألت أصدقائى قالولى مفروض أغير تيل الفرامل - الكلام ده صح؟؟؟ و لو صح هو التيل بيتغير كل 10000 ولا إيه - و لو لأ مفروض ده داخل فى الضمان ولا لأ ؟؟؟ و هل خطر إنى أمشى بيها لحد يوم السبت؟؟

- الحاجة اللى بشتكى منها من ساعة ما جيبت العربية - إن العربية لما تكون راكنة فترة طويلة (من بالليل للصبح مثلا) أول لما باجى أطلع بيها و أجيب الدريكسون على أخره أو قبل الأخر - بسمع صوت حكة جامدة - حد قابله الموضوع ده ؟ و لو قابله هل ليها حل فى التوكيل ؟؟؟

- موضوع نطرة الفتيس و خاصة من الثانى للثالث هل ليها تظبيطة؟

و شكرا جزيلا.

[AlGazar2]

صوت التزيقه ده ممكن من الجو خليهم ينضفوا الفرامل مفيش تيل بيتغير كل 10 الاف حتى المضروب بيقعد اكتر من كده - امشى عليها عادى بس متجريش و متكبسش فرامل جامد صوت الحكه دى لو الباور عندك هيدروليك ده صوت من الطرمبة خليهم يشيكوا عليه برضه و قولهم عليه فى الصيانه
نطرة الفتيس دى اعتقد بيظبطوا السوفت وير بتاع الفتيس

[Land_Cruiser]

دى مش اول مره اقرأ موضوع تغيير التيل على ١٠ آلاف ده . عامه لما حضرتك تروح الصيانه قلهم عليه و خللى بالك لو كنت مشيت فى المطر بتاع اليومين دول وارد ان التيل يكون عليه طين و محتاج تنضيف و خلاص