إعـــــــلان

Collapse

.

,
See more
See less

فك الكنترول قاعدةالبطارية,علبةفلتر الهواء ,بوابة الهواء.فيلرزيت فتيس.علبةفيوزات ميجان

Collapse
X
 
  • Filter
  • الوقت
  • Show
Clear All
new posts

  • فك الكنترول قاعدةالبطارية,علبةفلتر الهواء ,بوابة الهواء.فيلرزيت فتيس.علبةفيوزات ميجان

    السلام عليكم

    الكلام دا أنا عملته من فترة لورا شوية بس كنت بقلب فى الصور لقيتهم قلت أشرحلكم جايز عشان نستفيد كلنا

    أنا مبدئيا كنت بغير فلتر الهواء بس لاحظت وجود رمل من تحت الفلتر معدى وراه قلت أفك العلبة اللى فيها الفلتر

    أنا عملت الكلام دا بالليل قبل الفجر بساعة كدا ...... كنت مضايق قوى ومش مركز بس معرفش ازاى عملت كدا

    عشان كدا تعبت .....وحتى وأنا بركب تعبت برضه ...لأن عشان نفك علبة فلتر الهواء لابد من فك (البطارية .. قاعدة البطارية ... الكنترول )

    نسمى الله ونبدأ بفك فلتر الهواءhttp://www.nilemotors.net/Nile/305905-a.html

    بعدين نفك البطارية ..... فيه مسمار ألانكيه مثبتها بحتة حديدة زنق كدا نفكها بالألانكيه النجمة نفك الضفيرة السالب اولا ثم الضفيرة الموجب
    نطلع البطارية .... ودى قاعدة البطارية ... فيها كام مسمار ألانكيه نجمة نفكهم برضه

    بعدين نفك المسمار اللى ماسك الكنترول فى القاعدة مفتاح 10



    بعدين فى أول القاعدة من قدام فيه صامولة رابطة ضفيرة السلوك كلها فى قاعدة البطارية نفكها مفتاح 10 برضه






    دلوقتى هنفك فيش الكنترول نفسه هو ليه 3 فيش راكبين فيه على شماله ... فكهم كالآتى

    زى ما أحنا شايفين فى الصورة فيه 3 فيش ليهم 3 مشابك المشابك دى زى ما أنا مشاور بالسهم بنشدها من تحت لفوق بشكل دائرى هى بلاستيك طبعا و مع الشد دا هنلاقى الفيشة بتطلع معانا برا
    بصراحة قرفتنى وطبعا عشان دا بلاستيك والعربية 2007 وسخونة ال موتور أكيد أتأثرت وبقت أضعف فربما تتكسر وأحنا بنفك زى اللى تحت خالص فى الصورة بس عادى هتركب برضه



    زى ما أحنا شايفين أول فيشة طلعت ولونها أخضر فى أزرق وهى أصغر من الفيشتين اللى لسة باقيين وفيها 28 pin......أربع صفوف بالعرض *7 صفوف بالطول

    ودى الفيشة التانية لونها برتقانى فى بنى تقريبا مليش فى الألوان قوى

    ودى الفيشة التالتة والأخيرة اللى من تحت خالص ولونها برتقانى من ورا فى أسود

    ملحوظة : الفيشتين التانية والتالتة فيهم 48 pin وهما زى بعض فى الحجم وعدد السنون اللى جواهم عشان نبقى نميزهم بإن لونهم مختلف.... الفيش قرفونى فى فكهم بصراحة
    أحنا كد فكينا الكنترول خلاص نشده لفوق هيطع معانا بسهولة ودى صوره ليه هو بيبقى فيه جزء معدن أهو معرفش دا ألومونيوم ولا تيتانيوم مع ألومونيوم وهو مشرح باين عشان يبرد الكنترول

    الكنترول مكتوب عليه Johnson Controls

    ومكتوب عند الفيش بتاعته Sagem بالرغم من إنى سمعت إن سيمنز هى اللى عاملاه بس طلع إن ساجم وجونسون كنترولز

    نيجى بقى لقاعدة البطارية نطلعها طبعا هتعاكسنا السلوك اللى فوقيها بس نسايسها هتطلع معانا
    شايفين الزور دا اللى باين من القاعدة قبل ما نفكها دا مسار الهواء اللى بيدخل العلبة اللى بيركب فيها الفلتر وعندى زى ما أنتو شايفين فيه حتت مكسورة

    ودى القاعدة نفسها

    حاجات هنقدر نشوفها لما نشيل قاعدة البطارية :
    هنشوف قاعدة الفتيس مش هى دى برضه

    دلوقتى أنا هفك العلبة اللى بيركب فيها فلتر الهواء عشان أنضفها من جوا اللى بيدخل ذرات التراب فيها هو إن الفلتر مع التركيب والفك الجلدة بتاعته ممكن تتقطع لما بتحك فى البلاستيك فيحصل تسريب!!!!
    فلازم ناخد بالنا كويس جدا وأحنا بنفك الفلتر ونركبه عشان الجلدة بتاعته ما تتقطعش زى ما فى الصورة كدا
    نفك المسمار بتاع القفيز اللى مربوط فى العلبة بتاع الفلتر ونشده علينا ونخلعه وممكن نفك من ناحية بوابة دخول الهواء لو عايز تطلع العلبة بالماسورة الجلد اللى رايحة لبوابة الهواء نفك برضه المسمار بتاع القفيزونشدها لورا

    ونشيل الخرطوم دا نفسى أعرف هو خرطوم إيه مش عارف خاص بحساس الهواء ولا إيه بالضبط ؟


    شايفين الماسورة البلاستيك اللى مشاور عليها بالأخضر فى الصورة دى بقها داخل فى بق علبة الفلتر بطريقة معينة
    لو بصينا فى نهايتها من ورا من ناحية الأكصدام هنلاقيها ليها فتحتين واحدة رايحة للماسورة دى اللى بتدخل الهواء من فوق فى الأكصدام هنفكها منها
    الفتحة التانية ودى راكبة فى ماسورة نازلة لتحت ناحية الرفرف الشمال للعربية معنى كدا إن العربية بتتنفس من مكانين ..... هنفكها من الماسورة دى
    عشان نقدر نطلع الماسورة اللى راكبة فى بق علبة فلتر الهواء ودى صورتها بعد ما فكيتهم من بعض
    بصراحة بصراحة دى أصعب حتة وهتبقى اصعب وأصعب فى التركيب لأن المواسير دى هتعاكسك وإنت بتركبها من تانى فى بعض ومش هتبقى عارف تدخل علبة فلتر الهواء
    هى ليها طريقة معينة فى الفك أو التركيب بعد ما حررنا الماسورة اللى داخلة على علبة الفلتر من الماسورتين اللى فى وش الأكصدام واللى رايحة لتحت ناحية الرفرف
    نرجع للماسورة نفسها ونحاول نشدها لورا سنة ونلفها وهى فيها حتة بتبقى مش كاملة بس عندى أنا مكسورة
    وبعدين بنطلعها

    بنشد العلبة علينا هى بتبقى متثبتة بحتة جلد اللى مشاور عليها فى الصورة دى
    دا شكل العلبة بعد ما فكيتها ومعلم فيها باللون الأحمر على الحتة البارزة دى عشان ناخد بالنا وأحنا بنركبها بترك الأول


    نلاحظ فى الصورة دى الخرم بتاع الخرطوم مقابل للفتحة بتاع حتة الخرطوم اللى بارزة عن الخرطوم اللى رايح لبوابة الهواء

    دى الحتة البارزة معلم عليها بالأحمر حدش يعرف فايدتها إيه ؟ أو مصممة ليه بالشكل دا ؟

    أنا نضفت البوابة برضه ودا موضوعها أنا كنت عايز أفك البوابة كلها بس للأسف فيه مسامير مزنوقة عايزة يد لقم سستم بس أنا نضفتها مكانها وخلاص

    بعدين ركبت كل حاجة فى مكانها بس تعبت قوى ......... لزقت الحتة المكسورة ببلاستر بحيث إنها متسربش هواء


    الصورة الأخيرة للفلتر الجديد اللى ركبته
    ودا سيرفو الفرامل والماسورتين اللى داخلين فيه بتوع الزيت وعلبة الزيت


    ودا تقريبا مكان تزويد الزيت للفتيس الأوتوماتيكى

    ودى علبة الفيوزات بعد ما نفك الغطاء بتاعها فيه مسمارين ألانكيه نجمة نفكهم
    [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

  • #2
    مجهود اكثر من رائع و تستحق علية الشكر
    [SIGPIC][/SIGPIC] اذا نجحت فى خداع شخص ما فلا تظن انة غبى و لكنة كان يثق بك

    Comment


    • #3
      الله ينور يا كبييييييييييير .......... ايه اخبارك يارب تكون بخير
      [CENTER][B][FONT="Comic Sans MS"]مصري و أبتكر [/FONT][/B] [/CENTER]

      Comment


      • #4
        الحمد لله بخير يا صديقى ... الأمتحان التانى كان صعب ولكن عدى بسلام والحمد لله ... أدعيلى

        إنت عامل إيه ؟
        [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

        Comment


        • #5
          الحمد لله .................... شد حيلك و ركز في المزاكره و ربنا هيكرمك ان شاء الله
          [CENTER][B][FONT="Comic Sans MS"]مصري و أبتكر [/FONT][/B] [/CENTER]

          Comment


          • #6
            الله ينور عليك ويا صبر ايوب

            Comment


            • #7
              تسلم ايدك ياباشا متألق دائما
              [B][FONT=Tahoma][COLOR=darkgreen][COLOR=darkgreen][FONT=Tahoma][B]يا نفس لا تقنطي من زلةٍ عظمت إن الكبائر في الغفران كاللمم [/B][/FONT][/COLOR][/COLOR][/FONT][/B][FONT=Tahoma][COLOR=darkgreen]
              [B][COLOR=darkgreen][FONT=Tahoma][B]لعل رحمة ربي حين يقسمها تأتي على حسب العصيان في القسم [/B][/FONT][/COLOR][/B]
              [B][B][COLOR=darkgreen][FONT=Tahoma]يارب [/FONT][/COLOR][COLOR=darkgreen][FONT=Tahoma]الطف بعبدك في الدارين إن له صبراً متى تدعه الأهوال ينهزم[/FONT][/COLOR][/B][/B]
              [/COLOR][/FONT]

              Comment


              • #8
                ما شاء الله.....ربنا ينفع بك الجميع
                [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

                Comment


                • #9
                  مجهود جبار وتقرير اكثر من رائع

                  Comment


                  • #10
                    شكراااااااااااااااااااا

                    Comment

                    Working...
                    X