سؤال عن فرامل الميجان 2

[amr fouad]

معايا عربية ميجان 2 هاتشباك مانيوال
الفرامل لما بدوس البدال بينزل معايا للأخر والفرامل بتبقى ضعيفة فبعض الاحيان
رحت لميكانيكى قاللى السيرفو بايظ لازم يتغير
غيرت السيرفو وبرضوا ظهرت تانى المشكلة .
حد يفيدنى يا رجالة الميجان.

[speed_magnum]

متابع

[dedo_ryo]

طيب ايه اخبار منسوب زيت الفرامل في خزان السيرفو ؟؟ و هل التيل و الطنابير تمام ولا لا
و حضرتك غيرت السيرفو بجديد ولا استيراد و عمل كام سعره

[amr fouad]

غيرت السيرفو بواحد استيراد ب 350 جنية وبالنسبة لمستوى الزيت مش بينقص والتيل والطنابير تمام

[Ahmed Selim]

عندك كذا أحتمال

أولهم أن الماستر اللى جبته يكون بايظ برضه

و ممكن تشيك على مساتر الفرامل اللى على كل عجلة و تشوف فيه تسريب زيت فرامل من أى حتة ولا لأ.

و ممكن تاخد هوا من الفرامل و لو أنه إحتمال ضعيف.

[mohamed elshae]

غير تيل فرامل خلفي وبعد ما يطبع اعمل رجلاش صح وخد هواء حتلاقي الفرامل علي الشعرة ان شاء الله بس مدام الزيت مبينقصش يبقي المساتر كويسة واتاكد من الخرطوم اللي جاي من الانجكشن علي السيرفو ممكن يبقي مش راكب كويس او مقطوع بسيط وان شاء الله خير

[amr fouad]

شكرا يا رجالة

[amr fouad]

انا زهقت والله من الارف بتاعت الفرامل
غيرت 3 مساتر عمومى وسيرفو وخرطوم السيرفو ومفيش فايدة
اخر حاجة عملتها جبت مستر جديد من التوكيل من كام يوم ب 990 جنية
وركبتوا وبرضوا الفرامل زى ماهيه
اعمل اييييييييييييييييييييييييييه

[amr fouad]

انا زهقت والله من الارف بتاعت الفرامل
غيرت 3 مساتر عمومى وسيرفو وخرطوم السيرفو ومفيش فايدة
اخر حاجة عملتها جبت مستر جديد من التوكيل من كام يوم ب 990 جنية
وركبتوا وبرضوا الفرامل زى ماهيه
اعمل ايييييييييييييييييييييييي ييه

[MohammedAladel]

غيرت السيرفو تانى ؟؟

ياريت تغير الميكانيكى بتاعك وزى ما قال الأستاذ أحمد ممكن يكون السيرفو بايظ

[Shiref_mohamed]

ليه ده كله ؟؟؟؟؟؟؟؟؟؟؟؟؟
اولاً وقبل ما تغير اي شئء كان لازم تغير الميكانيكي ده لآنه بيفتي
عطل السيرفو = فرامل محجره (يعني الدواسة محتاجه 2 معاك عشان تفرمل العربية)
الى عندك مش عيب سيرفو خالص
والى يخلي حضرتك تجيب ماستر عمومي من التوكيل بـ 900 جنيه كنت تسيبك من الميكانيكي التعبان ده وتكشف عليها في التوكيل..
عموماً قدر الله وماشاء فعل انصحك اما تروح التوكيل او مركز خدمة معتمد زي فرنش موتورز او تشوف ميكانكيكي تاني بس يكون بيفهم

[amr fouad]

انا فعلا وديت العربية التوكيل انهارده وقالولى هيتعمل تقرير الاول عن حاله العربية عشان بقالها اكتر من سنة مجتش التوكيل وبكرة هيطلع التقرير وربنا يسهل يا رب شكرا يا رجاله على الاهتمام ولما اعرف ايه السبب ان شاء الله هبقى ابلغكوا

[amr fouad]

[overline]
انا كنت فالتوكيل امبارح وقالولى هتسيب العربية وبكره هنقولك ايه المشكلة
المهم انهارده كلمونى وقالولى المهندس كشف على العربية ولقى المساتر والخراطيم سليمة ومفيش تسريب زيت وقالولى المشكلة فى الماستر العمومى وقالوا هنغيره ونجرب ولو فيه حاجة تانية هنقولك
يا ترى الكلام ده صح ولا ....
[/overline][overline][/overline]

[amr fouad]

الحمد لله المشكلة اتحلت وطلع الماستر هو السبب

[تامر.محمد]

امال ايه اللي كان اتغير الاول ؟