أفضل زيت لمحركات رينو

[Tarek1]

السلام عليكم يا شباب.

سؤالي بخصوص أفصل زيت موتور للرينو و هل التخليقي ولا المعدني؟؟

أنا شايف ان مكتوب علي العربيات Total بس انا عارف أن دي أحيانا بتكون deals و مش لازم يكون ده أفضل زيت. أو ممكن يكون الوضع في مصر مختلف . يعني أقصد متلا Total في مصر مش كويس متلا...

أنا أصلي جربت ال Total النص تخليقي مع اللانسر و بصراحه كان ضايع, موت سحب العربية.

و تقبلوا خالص تحياتي.

[Deshahcoka]

موت سحب ايه بس .. انا مجرب توتال 10 الف و خمس الف :] و زيت فتيس at42

زيت تحفة .. اهم حاة من توكيل او بنزينة ...

[Tarek1]

موت سحب ايه بس .. انا مجرب توتال 10 الف و خمس الف :] و زيت فتيس at42

زيت تحفة .. اهم حاة من توكيل او بنزينة ...

أنا كنت مغير الزيت فى محطة توتال التجمع. و الله كان هيخلينى أبيع العربية من كتر ما بقت ثقيلة.فى السحب.
لما جه معاد التغير، حطيت موبيل وان و الفرق كان شاسع. أنا قولت ساعتها يمكن علشان ده معدنى و ده تخليقى، أو يمكن توتال مش مناسب مع اليابانى. علشان كده أنا بسأل.

شكرا.على مرورك.

[mostafanageib]

ةالله انا بستعمل شيل خمس تلاف و ماشى معايا كويس و بسمع ان شيل احسن من موبيل كمان

[Deshahcoka]

أنا كنت مغير الزيت فى محطة توتال التجمع. و الله كان هيخلينى أبيع العربية من كتر ما بقت ثقيلة.فى السحب.
لما جه معاد التغير، حطيت موبيل وان و الفرق كان شاسع. أنا قولت ساعتها يمكن علشان ده معدنى و ده تخليقى، أو يمكن توتال مش مناسب مع اليابانى. علشان كده أنا بسأل.

شكرا.على مرورك.

مش عشان كدة انا مستغرب لحضرتك ...

انا كنت بحط موبيل للبي ام كان 7 لتر عشان مكنة 6 سلندر و كان مبيقعدش 3 الف كيلوا على بعض و بيتحرق ...

غيريت لشيل بقيت احطه للبي ام بقى حلاوة و زي الفل و كنت بحطه للكيا من اول ما جبتها

و بعدين بقالي سنة غيرت من شيل لتوتال و فعلا فرق شاسع حسيت توتال مميز و انضف ... غشر شيل تلاقيه مرمي و متضمنش اصله ايه :)

ممكن انتا نفسيتك هيأتلك كدة :( و ممكن فعلا عشان هوا زيت تقيل و كويس خلا الموتور تقيل و ده افضل من انوا يكون خفيف و يخلي الموتر مسلوع :)

[MohammedAladel]

أنا بصراحة جتلى عقدة من توتال معرفش ليه

على العموم حط أى نوع زيت محترم يعجبك مش شرط توتال يعنى وأنا مقدرش أقول إنه وحش بس أناغيرته لشل وشايف إن صوت الموتور بقى أهدى بكتير معاه

شل ألترا 5w40

وبالنسبة لتوتال ورينو فعلا دى تعاملات

[Formulator]

@ Deshahcoka

أول واحد أشوفه بيشكر فـ التوتال ده؟؟!!!
سواء الـSynthetic اللى هو Quartz 9000، أو الـSemi-synthetic..

شوف
عز-العرب: ستروين-بروتون-كرايسلر
رينو: ميجان-فلوينس واللوجان وإخواتها.. وأعرف كتيييييييير غيروا وفكوا منه

كله بيسب فـ التوتال ده شتيمة آخر حاجة؟؟!!
صوت عالى، ضعف فـ السحب.. وزيادة فـ إستهلاك البنزين وكمان عمره قصير!!

وخد بالك من حاجة: مستحيل يكون التوتال Quartz اللى بيتباع فـ مصر ده.. هو نفس الـelf الفرنساوى؟؟!!! No-way

@ Tarek1

لو ينفع انك تجيب الزيت بمعرفتك؟ (وتغيره فـ التوكيل يعنى):
يبقى الشيل ألترا أو LiquiMoly أو كاسترول Edge

[medo99_pc]

متابع باهتمام...

[Deshahcoka]

@ deshahcoka

أول واحد أشوفه بيشكر فـ التوتال ده؟؟!!! :b4_444:
سواء الـsynthetic اللى هو quartz 9000، أو الـsemi-synthetic..

شوف
عز-العرب: ستروين-بروتون-كرايسلر
رينو: ميجان-فلوينس واللوجان وإخواتها.. وأعرف كتيييييييير غيروا وفكوا منه

كله بيسب فـ التوتال ده شتيمة آخر حاجة؟؟!!
صوت عالى، ضعف فـ السحب.. وزيادة فـ إستهلاك البنزين وكمان عمره قصير!!

وخد بالك من حاجة: مستحيل يكون التوتال quartz اللى بيتباع فـ مصر ده.. هو نفس الـelf الفرنساوى؟؟!!! No-way

@ tarek1

لو ينفع انك تجيب الزيت بمعرفتك؟ (وتغيره فـ التوكيل يعنى):
يبقى الشيل ألترا أو liquimoly أو كاسترول edge

باشا بتتكلم بجد حضرتك !؟ ؟!

اصلوا انا شايف كله محصل بعضه من الاخر يعني !

[Land_Cruiser]

هو توكيل رينو بيوافق ان العميل يجيب معاه الزيت اللى عايزه و يغيرهولوا و لا لأ؟

[MohammedAladel]

Dr.formulator ......... أنا متفق معاك جزئيا بس معرفش هل فعلا فيه فرق بين توتال وبين Elf

زيت الفتيس بتاع العربية الأصلى بيبقى ELF ............ الناس اللى غيرته ل توتال فى التوكيل أو برا بيقولوا إنه مش زى الأصلى أبدا والفتيس ممكن يسخن على السرعات العالية !!!!!!

بس دا معناه إنهم مثلا بينزلوا لينا حاجة أقل أو توتال دا فرع درجة تانية مثلا ؟؟ طبعا الكلام دا مش أكيد ومش مصدق وجايز يكون الحقيقة غير كدا


دا غير إن العضو Yoko قال إنه حط توتال فى عربيته أداءها بقى زفت

عير أن الصنايعى اللى ميعرفش حاجة ههههه ..... أول ما قلت له توتال ... قال لى حرام عليك تحطه فى ملاكى !!!!!!!

طبعا دا كلام مش جايز يكون صحيح

[Tarek1]

شكرا.جزيلا لكل المشاركين، و ياريت كل اللي عنده تجربه مع زيت موتور فى رينو يفيدنا.

أنا كنت على طول بحط موبيل 1 فى عربيتى القديمه اللانسر و كانت شايفه كويس، مس مؤخرا سمعت كلام كتير أنه بقى فى منه مضروب يا ترى حد عنده معلومات عن الموضوع ده؟؟

أنا مع الرأى انى أجيب زيت من بره التوكيل، بس أى نوع أفضل؟

بالنسبة للزيوت الجديدة دى ليكومول و فالفولين... أنا معرفش حد مجربهم و هل هما مناسبين للرينو؟؟ مثلا ايكويمول كاتبين فى الاعلان أفضل زيت للمحركات الألمانى!!

تحياتى.

[MohammedAladel]

كل الزيوت اللى حضرتك بتتكلم عليها تنفع بالتأكيد أهم حاجة أختار اللزوجة الصح

يعنى مثلا رينو ميجان يوصى باستخدام لزوجة 5w40

عايز زيت محترم حط شل ألترا 5w40 عن تجربة كويس جدا .... عن تجربة أعضاء هنا فى قسم رينو قالوا إنه من أفضل الزيوت ف السوق

[Formulator]

باشا بتتكلم بجد حضرتك !؟ ؟!
اصلوا انا شايف كله محصل بعضه من الاخر يعني !

لأ طبعا الفروق كبييييييييييييييييرة جدا؟!!! ومش عـ الورق بس على فكرة!

- التجارب فـ مواتير مختلفة طلعت أسوأ نوعين -المفروض انهم synthetic- فـ مصر: الموبيل-1 والتوتال quartz؟!!

وحضرتك تقدر تتابع: سهولة الـcold-strat، إستهلاك البنزين، صوت الموتور، قابليته للـrevving لـrpm عالية.. بينقص ولا لأ؛ وشكل/لزوجة الزيت بعد ما ينزل.

هى دى النقاط اللى بنحكم بيها على الزيوت الـsynthetic
وفيه عربيات فيها مقياس حرارة الزيت (مش الـcoolant مؤشر الحرارة).. دى caliber مهم أوى -غالبا فـ العربيات التربو أو المتونة، وممكن تركبه aftermarket!

Dr.formulator ......... أنا متفق معاك جزئيا بس معرفش هل فعلا فيه فرق بين توتال وبين Elf
زيت الفتيس بتاع العربية الأصلى بيبقى ELF ............ الناس اللى غيرته ل توتال فى التوكيل أو برا بيقولوا إنه مش زى الأصلى أبدا والفتيس ممكن يسخن على السرعات العالية !!!!!!
بس دا معناه إنهم مثلا بينزلوا لينا حاجة أقل أو توتال دا فرع درجة تانية مثلا ؟؟ طبعا الكلام دا مش أكيد ومش مصدق وجايز يكون الحقيقة غير كدا
دا غير إن العضو Yoko قال إنه حط توتال فى عربيته أداءها بقى زفت

الـOEM Factory-fill اللى بييجى فـ العربية
elf فـ الرينو
Mobil-1 فـ الـmerc
والكاسترول فـ الـvw

دول مختلفين تماما -أيوه completely different- عن الـrecommended فـ الصيانات!!
حتى لو كانوا نفس الإسم-التجارى والـspecs؟!!

مثال: زيت الفتيس المانيوال الفابريقة بيبقى 75w-90؛ معظم اللى هتلاقيه بعد كده بيبقى 75w-80؟؟!!!

بالنسبة للتوتال كواتز 9000
كل التجارب اللى شفتها فـ مواتير الفيات والفولكس التربو للزيت ده: سيئة جدا

[Tarek1]

كل الزيوت اللى حضرتك بتتكلم عليها تنفع بالتأكيد أهم حاجة أختار اللزوجة الصح

يعنى مثلا رينو ميجان يوصى باستخدام لزوجة 5w40

عايز زيت محترم حط شل ألترا 5w40 عن تجربة كويس جدا .... عن تجربة أعضاء هنا فى قسم رينو قالوا إنه من أفضل الزيوت ف السوق

شكرا جزيلا لحضرتك على الافاده.

و بالنسبة للزوجه، دى بتبقى مكتوبه فى الكتالوج ةلا أعرفها منين؟

تحياتى.