ايه أعراض عطل حساس الكامة ؟؟

[abdo_2812]

السلام عليكم ورحمة الله وبركاته

ازيكم ياوحووووش؟
دلوقتي أنا جيت أكشف على العربية بجهاز بتاع واحد جاري كان بيجربه فيا :)
المهم الجهاز طلعلي إن العربية فيها حساس كامة ... أنا عاوز أعرف ايه أعراض عطل حساس الكامة ده وبيعمل ايه في العربية علشان أنا من خلال قرائتي عنه معنديش المشاكل الكبيرة اللي مكتوب انه بيسببها !!
طبعا الحمدلله إن معنديش المشاكل أنا مش زعلان :)
بس عاوز أعرف تفاصيل أكتر علشان أعرف أحدد هل أكشف بجهاز تاني ولا ممكن يكون فيه مشكلة لا تستدعي تغييره (زي تنظيف أو توصيل) لأن أنا حتى مش فاهم مكانه فيه ولا بيركب ازاي !

معلش طولت عليكم وفي انتظار ردكم الكريم :)

[moh158]

اولا مبروك عليك ميجي :)

ثانيا حساس الكامة لو فيه مشكلة هيخلي العربية تبطل منك علي السلانسيه

ثالثا لو عايز تغيره أنصحك تجيب الاصلي في حدود ٢٥٠ جنيه

[ahmed_hanafi]

السلام عليكم ورحمة الله وبركاته

ازيكم ياوحووووش؟
دلوقتي أنا جيت أكشف على العربية بجهاز بتاع واحد جاري كان بيجربه فيا :)
المهم الجهاز طلعلي إن العربية فيها حساس كامة ... أنا عاوز أعرف ايه أعراض عطل حساس الكامة ده وبيعمل ايه في العربية علشان أنا من خلال قرائتي عنه معنديش المشاكل الكبيرة اللي مكتوب انه بيسببها !!
طبعا الحمدلله إن معنديش المشاكل أنا مش زعلان :)
بس عاوز أعرف تفاصيل أكتر علشان أعرف أحدد هل أكشف بجهاز تاني ولا ممكن يكون فيه مشكلة لا تستدعي تغييره (زي تنظيف أو توصيل) لأن أنا حتى مش فاهم مكانه فيه ولا بيركب ازاي !

معلش طولت عليكم وفي انتظار ردكم الكريم :)

ممكن اعرف الجهاز اللي عند جارك اسمع إيه وجابه منين ؟؟؟

[hugan]

متابع

[mohamedbook]

لازم تغيرة لانة باثر علي سحب السيارة وخصوصا في السرعات العاليا
وبكده بتضغط علي الموتور
وهو مهم جدا
بس اتاكد من جهاز تاني

[MohammedAladel]

أيوة ياريت تقول لنا معلومات أكثر عن الجهاز

مش شرط إن الجهاز جابلك كود عطل يبقى بالفعل الحاجة بايظة

لأن هو ليه ظروف كتيرة ممكن مثلا يكون حصل عطل وراح الكمبيوتر سجله كدا يعنى مش بالضرورة يكون الجهاز دقيق أساسا أو متوافق مع السيارة

[abdo_2812]

شكرا ليكم على التفاعل يارجالة وجزاكم الله كل خير
بالنسبة للجهاز أنا مس عارف نوعه لكن هو فيه أنواع عربيات كتير مش بس رينو يعني فيه سكودا وبي إم وفولكس وغيرهم كتير وهو بيدخل على الماركة ويختار موديل العربية

كمان هو جايب أعطال تاني موجودة أو كانت موجودة
والعطلين اللي لسه موجودين وفعلا لما صفرنا الأعطال ظهروا تاني هم حساس الكامة وده اللي مش متأكد منه وبسألكم عليه، التاني حساس لحرارة بتاع التكييف وده اللي بيكون مع حساس المطر وده فعلا مخلوع عندي بسبب تغيير زجاج من المالك السابق ومش عارف أثبته أو أوديه لمين يظبطه
حاجة كمان خليتني أثق في الجهاز غير إنه جايب أعطال كانت موجودة فعلا واتحلت سابقاً وفعلا جايبها مش أكتيف
الحاجة دي هي إن المهندس كان بيجرب الجهاز قدامي فقعد يشغل ويطفي وظائف كتير في العربية دي المساحات والنور واللوك وال abs ووظائف كثيرة أنا مش فاكرها دلرقتي كان بيشغلها بأوامر تست من الجهاز
وكمان أنا فعلا حاسس بمشكلة في العربية على السرعة العالية بس من فوق ١٣٠ مثلا لكن كنت برجع الموضوع لأسباب أخرى زي الكاوتش وحالة الطريق وكده وكنت بقول بيتهيألي أو بظن إني ببالغ لأني بحس بأقل حاجة في العربية ومش باحب أهملها

[abdo_2812]

حاجة كمان وهي إن الجهاز مش بيدي كود العطل فقط لكن بيكتب إسم قطعة الغيار البايظة يعني كان كاتبلي مثلا فيما أذكر cam shaft sensor

[Tarek1]

ممكن نعرف الجهاز جايبه منين؟ من مصر ولا بره؟

[abdo_2812]

لأ في الحقيقة أنا مش عارف تفاصيل جايبه منين ونوعه ايه وكده وماركزتش في الكلام ده معاه.

[MohammedAladel]

أنا شفت واحد على سوق ب 550 تقريبا