تقييم شامل للفلوانس

[ahmed_hanafi]

السلام عليكم ورحمة الله وبركاته

انا حبيت اعمل الموضوع دة علشان كل مالكي الفلوانس يقيموا العربية وبالتالي تكون خبرة مفيدة جداً لكل واحد عايز يشتري الفلوانس وكمان لو في مشكلة متكررة ممكن نتكلم مع التوكيل يحاول يشوف حل ليها وطبعا لما يكون الطلب من مجموعة أو من رابطة لمالكي السيارة أكيد التوكيل هيعمل ليها ألف حساب
انا يقترح أن يكون التقييم في صورة نقاط كالتالي :
١- الموديل
٢- عدد الكيلومترات
٣-أماكن الصيانة
٤- المشاكل التي واجهتك في السيارة
٥- تقييمك للتوكيل(كام من عشرة)
٦-حالة السيارة الآن معاك (كام من عشرة)
٧-التكييف (كام من عشرة)
٨-استهلاك البنزين(كام من عشرة)
٩-الاعتمادية (كام من عشرة)
١٠-اسعار قطع الغيار(غالية- متوسطة - رخيصة)
١١- تقييمك العام للسيارة (كام من عشرة)
١٢- هل ما زلت محتفظ بالسيارة أم بيعتها ؟
١٣ هل تنصح غيرك بشراء السيارة ؟


أسف علي الإطالة لكن بجد الموضوع مهم اوي وان شاء الله هيكون مفيد للكل
وجزاكم الله خيرا علي حسن تعاونكم

[HOSSAM_GABRE]

١- الموديل 2011
٢- عدد الكيلومترات 13000
٣-أماكن الصيانة رينو العامرية - الاسكندرية
٤- المشاكل التي واجهتك في السيارة حتى الىن لا يوجد باستثناء النتشة التى اجمع الكل انها عادية فى السيارة
٥- تقييمك للتوكيل(كام من عشرة) 9/10
٦-حالة السيارة الآن معاك (كام من عشرة) 10/10
٧-التكييف (كام من عشرة) 8.5/10
٨-استهلاك البنزين(كام من عشرة) 8.5/10 على الطوالى حلو قوى ( 250 فى الصفيحة ) فى البلد متوسط ( 175الى 190 تقريبا )
٩-الاعتمادية (كام من عشرة) مقدرشى احكم بس سوفت ناس عاملة كيلوات كتير بدون مشاكل جوهرية
١٠-اسعار قطع الغيار(غالية- متوسطة - رخيصة) انتشرت وبقت رخيصة وجوا التوكيل كمان رخصت
١١- تقييمك العام للسيارة (كام من عشرة) 8.5 /10
١٢- هل ما زلت محتفظ بالسيارة أم بيعتها ؟ طبعا محتفظ وهى دى عربية الواحد يفرط فيها
١٣ هل تنصح غيرك بشراء السيارة ؟ بالتأكيد

[ahmed_hanafi]

انتوا فين يا وحوش الفلوانس ؟؟؟؟

ليه مفيش حد دخل وقيم العربية غير الاستاذ / حسام ؟؟

مستني تقيمكوا .....

[mo7elmy]

انا كنت نفسى افيدك بس لسة بدرى عليا لكل التقييمات دى لانها 2013 استلام من 20 يوم ...... ولسة يا دوب 350 كيلو انما الى اقدر اقوله عربية جميلة وتستاهل فلوسها وربنا يباركلنا فيها كلنا

[ahmed_hanafi]

انا كنت نفسى افيدك بس لسة بدرى عليا لكل التقييمات دى لانها 2013 استلام من 20 يوم ...... ولسة يا دوب 350 كيلو انما الى اقدر اقوله عربية جميلة وتستاهل فلوسها وربنا يباركلنا فيها كلنا

متشكر يا باشا علي ردك وربنا يبارك لك في العربية وأنا كمان زيك لسة مستلم من ٢٢ يوم ونفسي اعمل حاجة أفيد بيها الناس
فياريت الوحوش القدام ميبخلوش علينا بالتقييم

[HOSSAM_GABRE]

على فكرة على الرغم من ان القسم مريح اليومين دول وخصوصا بالنسبة لملاك الفلوانس لكن الواضح ان دا ليه اسبابة
اولا ما فيش عربيات او موديلات جديدة نزلت
ان الفلوانس ما فيهاش مشاكل جديدة او جوهرية ودا شئ كويس

[ahmed_hanafi]

على فكرة على الرغم من ان القسم مريح اليومين دول وخصوصا بالنسبة لملاك الفلوانس لكن الواضح ان دا ليه اسبابة
اولا ما فيش عربيات او موديلات جديدة نزلت
ان الفلوانس ما فيهاش مشاكل جديدة او جوهرية ودا شئ كويس

يا باشا مش لازم يكون في مشاكل في العربية ....إحنا عايزين تقييم للسيارة زي ما حضرتك تكرمت مشكورا وعملت تقييم كويس اوي ....يا ريت ملاك الفلوانس ميبخلوش علينا

[KiDmAn_87]

والله انا كمان كان نفسي افيدك جدا بس برضو العربية 2013 و عامل بيها 129 كيلو بس

[MARTINDALE]

١- الموديل : 2012
٢- عدد الكيلومترات : 14100
٣-أماكن الصيانة : العبور
٤- المشاكل التي واجهتك في السيارة : العوامه واتغيرت في التوكيل
٥- تقييمك للتوكيل(كام من عشرة) : 10/10
٧-التكييف (كام من عشرة) : 8/10
٨-استهلاك البنزين(كام من عشرة) : 9/10
٩-الاعتمادية (كام من عشرة) : لسه ماجربتش
١٠-اسعار قطع الغيار(غالية- متوسطة - رخيصة) : ما اعتقدش انها رخيصه بس في مستوى كل فئتها
١١- تقييمك العام للسيارة (كام من عشرة) : بالنسبه لسعرها 10/10
١٢- هل ما زلت محتفظ بالسيارة أم بيعتها ؟ : معايا ولله الحمد
١٣ هل تنصح غيرك بشراء السيارة ؟ : بالتاكيد لو بيفكر في نفس الفئه السعريه ومش هيبيع لمده 4 سنوات على الاقل .

[ahmed_hanafi]

يا ريت لو الاستاذ بوكلا يشرفنا بتقييمه وباقي الاعضاء الكرام

[yalahwy2010]

١- الموديل 2011
٢- عدد الكيلومترات : 36000
٣-أماكن الصيانة : العبور
٤- المشاكل : مؤشر عوامة البنزين وتم اصلاحه فى الضمان وتقشير الطارة وتم تغيرها فى الضمان برضه
٥- تقييمك للتوكيل: 9/10
٦-حالة السيارة الآن معاك (كام من عشرة): 9/10
٧-التكييف (كام من عشرة) : 9/10
٨-استهلاك البنزين(كام من عشرة) 8/10 فى الطريق السريع وجوة البلد : 7.5/10
٩-الاعتمادية (كام من عشرة) مقدرشى احكم بس سوفت ناس عاملة كيلوات كتير بدون مشاكل جوهرية
١٠-اسعار قطع الغيار(غالية- متوسطة - رخيصة) حاجات وحاجات....يعنى تيل الفرامل رخيص وفلاتر الزيت والبنزين رخيصة برضه والبوجيهات نفس الكلام.....لكن الباقى سعره غالى....فلتر التكييف غالى (ب 300 جنيه تقريبا) ....لكن كمجمل قطع الغيار الدورية يتعبر معقول بالنسبة لعربية فى فئتها
١١- تقييمك العام للسيارة (كام من عشرة) 9/10
١٢- هل ما زلت محتفظ بالسيارة أم بيعتها ؟ الحمد لله وربنا يباركلى فيها....وعمرى ما هلاقى عربية بكماليتها وامكانيتها وبالسعر ده......مع العلم انى محسوك اوى فى العربيات ولى طلبات خاصة وكتيرة فى العربيات...والحمد لله موجود أغلبها فى الفلوانس
١٣ هل تنصح غيرك بشراء السيارة ؟ بالتأكيد

[ahmed_hanafi]

واضح ان ملاك الفوانس قليلين اوي في المنتدي