الفلوانس الحبيبة اتخبطت

[wael-mohamed]

يا جماعة برجاء الافادة العربية بتاعتي اتخبطت النهارده الباب الخلفي شمال وجزء من الرفرف الخلفي اتخبطت. الباب الخلفي باظ تقريبا
وانا مامن على العربية تفتكروا التوكيل هيعملها كويس وفرع ايه الي كويس في السمكرة والدكوكوا وتفتكروا هترجع زي ما كانت
برجاء الافادة وقدر الله و ماشاء فعل

[MohammedAladel]

تعيش وتخبط يا باشا

الباب سمكرته فيها شغل كتير عشان القطع الصلب اللى فيه وبالتالى ه تبقى غالية وشغل لحامات وكدا فطبعا باب جديد أحسن

[S O P H O S]

الحمد الله انك بخير ..

[AlGazar2]

الحمد لله انها جت على قد كده
التوكيل هيغيرلك الباب و يسمكر الرفرف و مش هتبان اكيد بعد كده ان شاء الله

[bugsy_40]

الحمد لله على سلامتك أولا و قدر ألله و ما شاء فعل الباب للأسف مابيتسمكرش حتى لو قطعت فى الصاج إللى جواه و هما كده كده فى التوكيل مش بيسمكروا عموما

[HOSSAM_GABRE]

انا اعرف ناس كتير سمكرت ابواب العربية من غير تغيير على الرغم من ان البعض هنا بيقول ان ابواب العربية صعب تتسمكر
يا ريت الافادة من واقع التجربة .