زيادة اسعار الصيانة للميجان

[mohamed-adel]

السلام عليكم يا وحوش

طبعا انا داخل على صيانة 120 الف ف دخلت على موقع رينو وعرفت انها ب 2400 روحت اتصلت ب 16202 وكلمت خدمة العملاء هناك عشان احجز لقيتهم بيقولوا ان تكلفة الصيانة بقيت 3650 جنية قولتلهم ليه قالولى عشان سعر الدولار على ف طبعا قطع الغيار غليت قولت مش لازم توكيل اتصلت ب طارق الى فى الهرم قالى كانت ب 1800 بقت ب 2000 عشان نفس الكلام اية رايكوا اروح لطارق ولا اخلينى فى التوكيل بردة مع انى مستحرم ال 1600 الزيادة دول + وش الفانوس الخلفى اتشرخ وعايز اغيرة هل بيتباع لوحدة ولا لازم الفانوس كلة وبكام

[abdo_2812]

بالنسبة للصيانة أعتقد مش مستاهلة توكيل لو انت واثق في الراجل ده وفي جودة شغله.
بالنسبة للفانوس أنا لسه متعرض لنفس الموقف من أسبوع وكانت زوجتي معاها العربية وسواق ميكروباص علشان ياخد غرزة ويعدي منها راح لاطش الفانوس كسر الوش برضو فأنا اتصلت بجمال القاضي في الحرفيين (كنت تعاملت معاه قبل كده في تركيب زجاج استيراد ومعايا رقمه من العقيد خالد ربنا يبارك فيه) وقالي الفانوس الخلفي استيراد بـ 350ج لكن أنا لسه مارحتش عملته لسه بصراحة.

[egyptiandiver]

الله يعينك يا باشا بجد... و بعدين الدولار زاد من 5 ل-10% لو مصمم يزود يبقى الزيادة بنفس النسبة على قطع الغيار و بس... مش المصنعية عشان هو أكيد مش هيزيد مرتبات الفنيين و المهندسين و العمال!

[MohammedAladel]

أعملها برا .... الفانوس مش هتلاقيه غير استيراد أو جديد ومش هيبقى غالى

[MohammedAladel]

العربية بسيطة ومش معقدة ميكانيكى محترم يعرف ربنا تقف عليه وهو بيعمل كل فتفوتة فى العربية هيعمل لك الشغل اللى أنت عايزه

من تغيير سيور وفلاتر وزيت

[AlGazar2]

عشان الدولار ارتفع من 6.20 الى 6.50
يرفع الصيانه 1600 جنية

توكيل غريب و شكله بيشتغل على نهايته بامانة لانه كده هيفقد ميزه انه توكيل محترم

[MohammedAladel]

آسف لتعدد المشاركات بنسى والله

شوف ياباشا الموضوع دا فيه حاجات ممكن تعملها بنفسك http://www.nilemotors.net/Nile/321055-2.html

[Ahmed Selim]

أعتقد و الله أعلم أنك تعملها برة و أنت أولى بالفرق.

بس أهم حاجة يكون حد محترم و أنت واثق في شغله.....

و أعتقد برضه أن الصيانة برة التوكيل متعملش أكتر من 1500.....بفرض أنك هتجيب حاجات محترمة مش أى كلام.

سؤال معلش.....هل أنت سألتهم السعر شامل طرمبة المياه ولا لأ ؟

لو شامل طرمبة المياه و عاوز تعمل الصيانة فى التوكيل قولهم مش عاوز أغيرها.....هتفرق معاك جامد.

[mohamed-adel]

الف شكر ليكم انا نويت خلاص اعمل الصيانة برة واعتقد ان كله بعد كدة هيعمل زى بس محتار اروح لمين انا طارق دة عرفتوا من المنتدى وعايز رايكم اروحلة ولا عادل ولا حد تانى والفانوس لقيته استيراد ب 250 وجديد تركى ب200

[byada10]

متابع برضه علشان فاضلى 200 كيلو و ابقى 120

[mohamed-adel]

ياريت يا جماعة حد يدلنى على ميكانيى حلو عشان مش عندى استعداد ابهدل العربية لانى من بنى سويف ومفيش حد بيفهم هنا

[MohammedAladel]

وأنا من المنيا وبروح بنى سويف ومفيش حد يفهم هنا برضه

فيه فى صقر قريش والحرفيين ناس كتير

هو حضرتك عايز تغير حاجة معينة ؟

[MohammedAladel]

الزيوت والفلاتر ممكن تغيرها عندك فى بنى سويف بنفسك أو عند أى ميكانيكى يعرف ربنا تقف عليه برضه وتكون فاهم اللى هيحصل بالضبط

السيور خاصة سير كاتينة وطرمبة مياه محتاج حد يكون ركبه قبل كدا وإلا مش هيرضى يشتغل لك فيه ولو اشتغل هيعك وهيبوظلك المحرك

زيت الفتيس ممكن تغيره عندك فى بنى سويف سواء مانيوال أو أوتو

[solly1979]

انا مع شراء قطع الغيار من برة من حد مضمون والشغل يتم فى مركز خدمه معتمد بياخد مصنعيه بس وبتفرق جامد جداً في السعر الاجمالي
انا بجيب حاجتى من دمشق وبشتغل مع فرنش موتورز فى الرحاب
صباح الإنجاز وناس محترمه وفاهمين وبقف على العربيه وهما شغالين فيها