الداستر ٢٠١٣ زادت ٥ آلاف جنيه رسميا

[Land_Cruiser]

السلام عليكم ،
يا جماعه الداستر موديل ٢٠١٣ زادت. ٥ آلاف جنيه رسميا عند الموزعين المعتمدين

فئه ال دفع الرباعى بقت. ب ١٤١ الف جنيه
فئه الدفع الثنائى بقت ب ١٣١ الف

مصدر المعلومه من السبع و هو موزع معتمد و الاسعار دى اسعار توكيل مش سوق سوداء

[rhct2010]

الحمدلله اشترتها قبل الغلا اشتريتها 134500 الحمد لله الحمدلله موديل 2013

[Land_Cruiser]

الحمد لله . ده سعرها من عند موزع محترم كمان يعنى لو حبيت تجيبها من حد تانى ممكن يتحط عليهم ٣ آلاف كمان و العربيه ما زادش فيها مسمار

[S O P H O S]

فعلا كده عند اي حد برا
هيبقي 8 وممكن 10 كمان ..!

[الصيداح]

هو بس اليومين دول علشان حكاية الدولار والجنيه
بس ربنا يهديهم ولما الدولار ينخفض شوية يرجعوا السعر مش يسيبوه زي ما هو

[وائل الجندي]

هو كل الداستر الي في مصر الفتيس عادي مش اتوماتيك يا شباب
منهم لله هنا فالسعودية العربية عجباني جدااااااااااااااااا وقير اتوماتيك و2000 سي سي بس نعمل أيه فالجمارك لو حبيت انزلها ادفعلي حوالي 300 الف جنيه لأني منزلش منها 1600 سي سي فالسعودية

[Land_Cruiser]

هو كل الداستر الي في مصر الفتيس عادي مش اتوماتيك يا شباب
منهم لله هنا فالسعودية العربية عجباني جدااااااااااااااااا وقير اتوماتيك و2000 سي سي بس نعمل أيه فالجمارك لو حبيت انزلها ادفعلي حوالي 300 الف جنيه لأني منزلش منها 1600 سي سي فالسعودية

ايوه يا فندم لو عايز تركب عربيه فى مصر لازم يبقى آخرها ١٦٠٠ سي سي علشان الضريبه و كمان استهلاك البنزين و من ساعه ما قالوا ان البنزين هيبقى بكوبونات من اول أبريل و ناس كتير صرفت نظر عن العربيات الكبيره و بالنسبه للى عنده مواتير أصغر بس تربو هتلاقيه بين نارين يا أما يدفع ٥.٨٥ فى اللتر او يحط ٩٢ و يتحمل اللى العربيه هتعمله فيه. على فكره الموتور بتاعها على البودى و الفتيس المانيوال مناسب جدا ليها كسحب و استهلاك بنزين معقول . هو اللى ممكن يعملوه فى الموديل اللى هو جر ثنائى أنهم يخللوه اتوماتيك و يفضل ١٦٠٠ سى سى برضه بس هما ما عملوش الفكره دى للاسف حتى الان لكن بالنسبه للجر الرباعى ملهاش غير ٢٠٠٠ سى سى و دى حتى لو جابوها فى مصر ما اعتقدش انها هتمشى فى السوق لان سعرها هينط لفوق جامد و هيدخل فى شريحه تنافسيه مع منافسين مش سهلين خالص مش زى دلوقتى هو تقريبا بيلعب فى الفئه دى لوحده

[Land_Cruiser]

هو بس اليومين دول علشان حكاية الدولار والجنيه
بس ربنا يهديهم ولما الدولار ينخفض شوية يرجعوا السعر مش يسيبوه زي ما هو

مفيش عربيه سعرها بينزل تانى يا باشا إلا لو كان فيها عيب او كان فى مشكله فى تسعيرها من البدايه . هى فى حركه هما عاملينها و أنهم خلاص هينزلوا فى السوق الفئه EOP اللى هى اقل من النسخه الحاليه اللى اسمها E2 و دى نازل منها برضه جر ثنائى و جر رباعى و ارخص عشر آلاف جنيه من الفئه الموجوده حاليا و هى بدون كمبيوتر رحلات و ABS و EBD و زجاج كهربا امامى فقط و بدون فوج لايت و الكاسيت مفيهوش mp3و شويه حاجات تانيه و بالتالى فهى هتحل محل الفئه الحاليه فى السعر و الفئه الحاليه طلعت لشريحه اعلى و برضه مازالت فيها لوحدها و بذلك هو مش بيغامر قوى بالنسبه للداستر تحديدا فاللى كان عامل حسابه عليها بالسعر ده و مفيش امكانيه لزياده السعر يبقى يجيب ال EOP بينما فى الموديلات التانيه زى اللوجان او الساندريو بعد ما غليت كده ملهاش حل غير ان المشترى يكون عنده امكانيه انه يدفع الزياده او يجيب مانيوال بدل من الاتوماتيك إذا كان الموديل في منه اتوماتيك و إلا هيضطر يصرف نظر عن الموديل و الماركه و لو ان فى الواقع مش هيبقى قدامه اختيارات لان حتى الماركات المنافسه زادت برضه و بالتالى يا أما يشترى بالسعر الجديد او يؤجل او يلغى قرار الشراء و هو و نصيبه بقى بعد كده

[gogo2012]

السلام على الناس الحلوين
فعلا سعر الداستر ذاد زى عربيات كتير
بس هى عربيه تستاهل وبالمناسبه انا فاجئت دسترتى بمناسبه عيد ميلادها الاول بهديه هتعجبكم كلكم نقلتها نقله كبيره انتظروا المفاجئه بالصور
تحياتى...........

[omskmaher]

منهم لله هجيب مستعمل كسر زيرو وخلاص اعمل ايه يعنى

[Land_Cruiser]

السلام على الناس الحلوين
فعلا سعر الداستر ذاد زى عربيات كتير
بس هى عربيه تستاهل وبالمناسبه انا فاجئت دسترتى بمناسبه عيد ميلادها الاول بهديه هتعجبكم كلكم نقلتها نقله كبيره انتظروا المفاجئه بالصور
تحياتى...........

أهلا بحضرتك يا باشا منور الموضوع و فى انتظار مفاجأتك

[Land_Cruiser]

على فكره ٥ او ١٠ آلاف جنيه لا يعدوا أرقام كبيره خالص . الفلوانس يا ساده نقلا من موضوع تانى زادت من ٢٣ الى ٢٥ الف جنيه لكل فئاتها. :b4_556:

[gogo2012]

شوف كده وقلى ايه رايك

دى فى دى + كاميرا خلفيه +بلوتوث+............
العربيه من الداخل اختلفت تماما

[Land_Cruiser]

ما شاء الله ايوه كده بس هو التوكيل مش هيقول حاجه عليه علشان ضمان الكهربا؟ كمان كنت عايز اسأل حضرتك على الديفندر الخلفى هو حضرتك ركبته من غير ما تخرم فى العربيه و لا عملت ايه و يا ريت صوره له من فضلك

[gogo2012]

بعيـــــد خالص عن دفيره العربيه - والمالتى كمان شغال تمام - بالنسبه للدفيندر انا لسه مركبتهوش بس هيكون من اولوياتى القادمه - افتح شنطه العربيه لو لقيت طبتين كده مكان الكاوتش الاحتياطى يبقى مافيش تخريم لان دول مكان تثبيت الدفيندر الخلفى
تحياتى