الأسعار الجديدة للرينو فلونس - Facelift

[Mohamed_Nafie]

شكله من الخارج يركب .. من جوه .. الله أعلم فين اماكن التثبت بتاعته.. بس أنا شايف إن الفانوس أصلا متغيرش ..
الفوانيس الاصليه(بجهازها) 6000 جنيه عند التوكيل آخر مرة سألت فيها من 9 شهور ... ده غير اللمبات تعملها 600~700 من خارج التوكيل ...

[horas3000]

كما توقعت هلاقي سعره هلامي
بس انت اكيد بتتكلم عن الزنون
انا بتكلم عن العادي بس بعدسات و انا اركب الزنون بره

انا اصلا بفكر اجيبه من تركيا راسا بس عايز اعرف سعره هناك كام

[Mohamed_Nafie]

كما توقعت هلاقي سعره هلامي
بس انت اكيد بتتكلم عن الزنون
انا بتكلم عن العادي بس بعدسات و انا اركب الزنون بره

انا اصلا بفكر اجيبه من تركيا راسا بس عايز اعرف سعره هناك كام

آه أكيد الزينون لانه مش فانوس بس .. ده فانوس وجهاز جوه الفانوس نفسه ..

العدسات الزنون والعدسات الهالوجن شكل بعض من بره ... الprojector نفسه مختلف ... في بروجكتر هلوجن هيبقى الزينون كويس فيه بس مش بمستوي الprojector الزينون .. وفي لأ وتلاقي النور زي نص دايره ..

أنا معرفش الprojector بتاع الهالوجين هنا نوعه ايه .. بس لو نازل Valeo .. هيبقى كويس وماشي مع الزينون..

أنا معرفش سعر اللي بعدسات هالوجن.. لسة العربيه جديدة .. فـأكيد لسة متوفرش ... بس الفانوس مش اقل من 1500 جنيه مستريح...

[mohamedq]

e1(manual): 145000 was 122000
e2: 155000 was 132000
e3: 165000 was 142000
e4: 175000 was 150000
e5: 188000 was 167000

لو سمحت ممكن اعرف كل فئة ايه الاوبشن بتاعتها و كل فئة زيادة ايه عن الفئة الاقل منها ؟

[mohammedgido]

ممكن لو أمكن شوية صور للعربية من الخارج والداخل مع مقارنتها بالقديمة علشان نعرف الفروق الي بتتكلموا عليها ؟

[Ultramisho]

موتور التيدا يا باشا ووقف العربيتين قصاد بعض واحكم بنفسك

انا فعلا ممكن اتقبل الكلام ده لان الفلونس في السعودية وهي بيتم استيرادها من اسيا الموتور بتاعها هو هو موتور التيدا وده كان مديها ميزة عن الفلونس في مصر قبل كده والحقيقة موتور التيدا كويس طبعا
بس السؤال ياترى التكييف الي في الموديل الجديد هو هو الي كان في القديم ببطء تبريده ولا غيروه بالتكييف الي في السعودية وده تكييف ثلاجة لا يقل عن التويوتا والهوندا والنيسان والهيونداى
ياريت لو كانوا اخدوا موتور التيدا يكونوا اخدوا التكييف الياباني معاه زي الفلونس الي في السعودية ودي مش مشكلة في تركيا يعني كلنا عارفين شهرة تكييف الماتريكس الرهيبة وكانت بتنتج في تركيا

ياريت لو حد يارجالة عنده فكرة عن تكييف الفلونس الجديدة يقولنا عليه هو هو زي القديم ولا في جديد

تحياتي

[Ultramisho]

التعديلات الجوهريه في الفليوينس:

1- الموتور اتغير وبقى موتور تيدا (118 حصان ) ايوة هو موتور التيدا نفسه
2- الفيتيس بقى cvt ستيبترونيك من 6 نسب
3- العدادات بقت ديجيتال
4- وش العربيه بقى مختلف

أستاذ باسم
ماسمعتش عن اي تغيير في التكييف ولا هو هو

اشكركم مقدما
مع خالص تحياتي

[mohammedgido]

ايه يا جماعة محمدش رد علي
كنت عايز اشوف صور مقارنة بين الجدية والقديمة لو امكن من الداخل والخارج

[Ultramisho]

أستاذ باسم
ماسمعتش عن اي تغيير في التكييف ولا هو هو

اشكركم مقدما
مع خالص تحياتي

أستاذ بسام معلش باعتذر للخطأ في الاسم أنا عارف كل واحد اسمه عزيز عليه وانا برضه اسمي هشام ولما حد يقولي هاشم باحس ان في حاجة غريبة ههه مع احترامي للاسم وجميع الاسماء
تحياتي للجميع

[horas3000]

ايه يا جماعة محمدش رد علي
كنت عايز اشوف صور مقارنة بين الجدية والقديمة لو امكن من الداخل والخارج

باشا التغيرات في الشكل الخارجي تكمن في الاكصدام الامامي بالشبكه
و من الداخل الفرق في العدادات و الكاسيت

و ده القديم




و ده الجديد

[mohammedgido]

متشكر جدا علي الاهتمام والرد والصور

لكن مش عارف حاسس ان الشكل القديم أحسن من الخارج
والشكل الجديد أحسن من الداخل بل راااااااائع .. وجهة نظر

[mohammedgido]

معلش سؤال تاني
هي زيادة الاسعار في الموديل الجديد دا سببة ايه
هل علشان الدولار ولا علشان التغيرات الي حصلت فيها عن القديم ؟

هي العربية موجودة ولا لسة منزلتش ؟

[horas3000]

هو عموما الشكل الجديد شبابي اكتر
بس عيبه انهم معملوش اي حاجه من ورا فالعربيه بقي عندها انفصام في الشخصيه كده
و التعديلات الداخليه حلوه بصراحه و العداد ده كان بينزل اصلا في الميجان 3 السبورت و في الفلوينس gt

و الارتفاع في السعر سببه الاتنين
العمله و التعديلات الجديده
و العربيه غير متوفره حاليا للاسف
في المعرض قالوا 4 شهور حجز

[ahmadm]

السلام عليكم

السيارة 115 حصان و ليست 118