لمبة AirBag + services بتنور وتطفى

[solly1979]

باشا انا عارف تاريخ العربيه من الزيرو كانت مع مديرى ومحدش حط ايدة فيها الا فى التوكيل
وانا شاريها من سنتين بعمل صيانه مع فرنش موتورز على طول انا واثق ان محدش حط ايده فى العربيه حتى بتصليح حاجه صغير
الكيس طالع ما بين الطارة والفبرة السودة الى تحتيها
شويه كدة وانزل اعملك صورة كبيرة شويه

ادى يا باشا صور احسن شويه
هتلاقى فى اول صورة باين فى الكيس طرفين الخيط الابيض الى مقطوع
انا دورت دلوقتى واللمبه منورتش فضلت فترة منورتش اول ملفيش الدركسيون يمين وشمال نورت

[url=http://imageshack.us/photo/my-images/826/airbag2w.jpg/]ImageShack

[solly1979]

وديه صورة من الجنب

ImageShack� - Online Photo and Video Hosting

[Ahmed Selim]

كده فيه لغز...............لغز الكيس البلاستيك ههههههههه

أنا عربيتي 2005 و مكنش فيها الكيس ده.........محمد عربيته 2007 و بيقول أنه مشافهوش قبل كده برضه.

لازم حد يفك و يشوف الدنيا فيها أيه يا باشا.

[MohammedAladel]

صدقنى يا باشا دى افتكاسة مصرية

يعنى أول مرة كنت هغير فيها فلتر هواء فكيته لقيت تحته طعمية !!!

متستغربش

[Ahmed Selim]

أزيك يا صديقى عامل إيه يارب تكون بخير

هو طالما مثبت السرعة شغال يبقى بالتأكيد الشريط مش مقطوع

واللى بيعمل الطقطقة دى لسان الشريط البلاستيك

وأنا الشريط لما اتقطع عندى فى الأول مكنش بيطقطق بعدها بكام يوم بدأ يطقطق

بس مثبت السرعة عطل من ساعة ما عطل الشريط

هو فعلا الحل هو الفك لو أنا كنت قريب منه كنت عملتهوله

الله يخليك يا محمد..........أنت عامل أيه ؟

بص أنا موضوع الشريط ده حصل معايا فى نص ساعة بدون مبالغة.

كنت بغسل العربية و مكنش فيها أى مشكلة.......خلصت و و أنا خارج من المحطة سمعت التكتكة و اللمبة نورت فى 5 ثواني مع بعض.........و طلعت من على البنزينة على الراجل اللى غيرها على طول.

[solly1979]

صدقنى يا باشا دى افتكاسة مصرية

يعنى أول مرة كنت هغير فيها فلتر هواء فكيته لقيت تحته طعمية !!!

متستغربش

لو افتكاسه فعلا يبقى التوكيل اكيد لان محدش حط ايدة فى العربيه
ان شاء الله هروح لحد يفك الدنيا يوم السبت الجاى وابلغكوا بأخر الاخبار
نشوف موضوع الكيس دة ايه بالظبط بس ان شاء الله ملقيش فول وطعميه هههههه

[MohammedAladel]

لو افتكاسه فعلا يبقى التوكيل اكيد لان محدش حط ايدة فى العربيه
ان شاء الله هروح لحد يفك الدنيا يوم السبت الجاى وابلغكوا بأخر الاخبار
نشوف موضوع الكيس دة ايه بالظبط بس ان شاء الله ملقيش فول وطعميه هههههه

على أساس إن التوكيل مش فى مصر والصنايعية اللى فى التوكيل مش مصريين ما هم لما يترفدوا أو يتقاعدوا أو أى حاجة تانية بيروحوا يفتحوا ورش برا ويتنططوا علينا ويبوظوا عربياتنا

[solly1979]

اوافيكم بأخبار السادسة
الملبه دلوقتى منورة على طول
وسمعت صوت طقطقه بسيطه وانا بلف يمين اوى شمال مافيش صوت
وبردة لسه مثبت السرعة شغال
لما افك على يوم السبت ان شاء الله هقلوكوا إيه الحكايه

[MohammedAladel]

لو طقطقة بلاستيك ... أبشر ... الشريط لو مفكتهوش قريب جدا هيتقطع لأن دلوقتى عندك لسان الشريط مكسور بالتأكيد

الموضوع عايز واحد فنان يفكه ويلحم اللسان أو يجيب علبة دواء بلاسيتك ويقص منها حتة زى لسان الشريط ويلحمها (فكرة محترمة ) بس معتقدش حد من الصنايعية هيعمل لك كدا أو فيه روح وصبر لكدا

[solly1979]

انهاردة الحمد لله حليت لغز الكيس
رحت صقر قريش اصبح علشان واحد يفك ويشوف الدنيا فيها إيه بصراحه المكان فظيع وقطع غيار بالعبيط وناس شغالين فى الميجان بالهبل
المهم شاف الكيس راح شدوا من مكانه رحت مزعقله لتكون بتشد حاجه غلط ولا حاجه
المهم طلعو طلع الكيس الى بيحطوا على الدركسيون فى الصيانه فى فرنش موتورز انا جالى زهول
أتأكد انه شريط بعد مراجعه جميع الفيش الى تحت الكراسى مكنش محتاجه نفك اصلا
وقالى كان عندة ميجان ٢٠٠٧ من كام يوم المثبت مش شغال والايرباج شغاله عادى زى حالتى واحد شغال والتاني لا
المهم استيراد هناك ب ٨٠٠ جنيه بمثبت ومن غير مثبت ممكن ٦٠٠
سيبته وقلت أشوف فى الحرفيين

المهم انا اتنرفزت من موضوع الكيس دة رحت طالع على فرنش موتورز الرحاب وحكيت للمهندس خالد الحكايه
قالى ازاى الكيس هيخش وحتى لو دخل ميعملش حاجه فى الشريط علشان دة مقفول عليه
وقالى لو حابب أطفيلك اللمبه علشان لو فى حاجه تانيه فى العربيه لمبه ال services تبقى مقفوله لغية متشترى واحد
على الكمبيوتر اتاكدنا انه مدى error على الشريط الاول
وكانوا هيعملو امر شغل قلتلهم مش مستهله وعملهولى كادو وشالى الفيشتين بتوع الايرباج علشان متنورش تانى
وطبعا المثبت وقف بس مش مشكله دلوقتى

السؤال الكيس ممكن يقطع الشريط ولا عمر افتراضى زى مهوما بيقولوا ٣ سنين او ١٠٠ الف ؟

[MohammedAladel]

بص يا باشا أنا قلت اللى عندى

الكيس دا ملهوش اى علاقة بالشريط وهتلاقى اللى عمل شغل فى العربية بعد ما خلص شغل مكنش فيه سلة زبالة راح زنقه ولا الدركسيون ولا لفه كدا حولين الدركسيون عشان التراب ميدخلش على الشريط جوا

فأنسى أمر الكيس

الحاجة التانية اللى عايز أؤكدهالك واللى أكدتها قبل كدا .... أستحالة يكون الشريط مقطوع والمثبت يشتغل عايز تصدقنى صدق مش عايز براحتك .... بس أنا فكيته وعارف نظام عمله كويس جدا

اللى بيطقطق دا صوت لسان الشريط المكسور

[solly1979]

بص يا باشا أنا قلت اللى عندى

الكيس دا ملهوش اى علاقة بالشريط وهتلاقى اللى عمل شغل فى العربية بعد ما خلص شغل مكنش فيه سلة زبالة راح زنقه ولا الدركسيون ولا لفه كدا حولين الدركسيون عشان التراب ميدخلش على الشريط جوا

فأنسى أمر الكيس

الحاجة التانية اللى عايز أؤكدهالك واللى أكدتها قبل كدا .... أستحالة يكون الشريط مقطوع والمثبت يشتغل عايز تصدقنى صدق مش عايز براحتك .... بس أنا فكيته وعارف نظام عمله كويس جدا

اللى بيطقطق دا صوت لسان الشريط المكسور

أنا مقتنع بكلامك بس كل الاتجاهات راحه لشراء شريط إستيراد لان محدش بيصلحه
أنا معاك ان الشريط اللسان بتاعه بس هو الي مقطوع والنتيجة علي الكمبيوتر
انه مدي error علي شريط الاير باج مع العلم ان مثبت السرعه شغال
هو لسه في اوله لان كمان صوت التكتكه وانا بلف يمين أوي غير ملحوظ

من الاخر شريط إستيراد مفيش حل ولا إيه ؟

[MohammedAladel]

لو الشريط دا عندى كنت صلحته ....

للأسف مفيش حل غير أنك تشترى شريط استيراد وهيبوظ تانى

الشريط اتقطع عندى بعد 5 سنين دا الجديد

متضمنش حالة الاستيراد بقى مع الركنة وكان قاعد قد إيه فى العربية اللى كان راكب فيها وأنت وحظك

بس سعره مرتاح

800 جنيه كتير بصراحة

[MohammedAladel]

أنا مقتنع بكلامك بس كل الاتجاهات راحه لشراء شريط إستيراد لان محدش بيصلحه
أنا معاك ان الشريط اللسان بتاعه بس هو الي مقطوع والنتيجة علي الكمبيوتر
انه مدي error علي شريط الاير باج مع العلم ان مثبت السرعه شغال
هو لسه في اوله لان كمان صوت التكتكه وانا بلف يمين أوي غير ملحوظ

من الاخر شريط إستيراد مفيش حل ولا إيه ؟

لسان الشريط دا حتة بلاستيك بتضم الشريط عشان يلف فى مساره الصحيح

لما بتتكسر بتسمع صوت الطقطقة ولو كان المثبت شغال كما يجب فعلا يبقى السلوك الخاصة بالإيرباج بس هى اللى فاصلة ولكنها فى مكانها

لكن الشريط لسة متقطعش

[Ahmed Selim]

طيب الحمد لله أن تم حل لغز الكيس البلاستيك.

دلوقتي أنت مفيش قدامك حل غير تصليح الكابل أو شراء واحد مستعمل أو شراء واحد جديد من التوكيل.

هنستبعد أخر حل........

الحل الأول معرفش حد ممكن يعمله.......عاوزة حد يكون فاهم و عنده طولة بال........و ده شبه مش متوفر اليومين دول :)

يبقى مفيش قدامك غير حل أخير أنك تجيب واحد إستيراد و أنت و نصيبك......أو تحاول تصلحه بنفسك لو تعرف.