سؤال لخبراء ميجان 2

[Shiref_mohamed]

بص يا باشا الموضوع دا http://www.nilemotors.net/nile/306318-2-120-a.htmlبس لو هتعمل موضوع ياريت تصور من العربية يعنى حساس الهواء تاخده صورة حساس أكسجين حساس كامة أى حاجة ينفع تلقطها صورة وصورلنا الأجزاء الكهربية بالمرة اللى فى حوض الموتور ولك جزيل الشكر يا أستاذ شريف

محمد حبيبيى والله
يعني انتا عاوزني افكك الحساسات كلها عشان اصورها ياعم:b4_556: ماشي ليك عليا بإذن الله يبقى بصور الحساسات كلها + الإسم المختصر لكل حساس + الإسم الكامل لكل حساس + الوظيفة والفائده من وجود الحساس من عدمه + الحساسات الى ممكن توقف العربية والحساسات الى بتاثر بالسلب على الأداء واى خدمة لوحوش الرينو

[zakariaa]

والله يا جماعة انا متوقعتش الردود السريعة و الككتيرة دى شكرا ﻹهتمامكوا بجد ،انا عارف ان الشعب بتاعنا بيطلع سمعه على العربية والناس تمشى واراه ،عشان أنا بعانى من الحكاية دي عشان انا كنت راكب فورد وعارف يعنى ايه تركب عربية محترمة ، وده رأى في رينو بردو كلها بس انا طول عمرى بحب الميجان شكلا و ثبات على الطريق والأمان عموما زى الفورد ، فكنت حابب أسمع كلامكوا اللي يطمن ده والناس اللى معاها العربية تعرف عنها اكتر من اى حد، انا كنت عايز أقول إن العربيات الكورى لو فعلا مش بتعطل بس عوامل الأمان فيها لا تقارن بالعربيات المحترمة ده لو افترضنا إن فيهم عوامل امان أصلا. شكرا ليكوا بجد.

[MohammedAladel]

يا أستاذ زكريا لا شكر على واجب اللى أى حاجة عايز تعرفها أسأل ولو حد يعرف مش هيتأخر عليك بالرد إن شاء الله

والحمد لله وبدون مبالغة الأعضاء هنا بيقولوا الحقيقة ومحدش بيبالغ فى الوصف إطلاقا

وأنا لما جبت عربيتى كان بمساعدة الوحوش هنا كل كلامهم سليم 100 100

[Marlboro011]

وكمان ليها مكانيكيون فاتحين فى المقطم وفى صقر قريش لو مش عايز تروح التوكيل وبيعملوا الصيانه زى التوكيل بالظبط وبتكون شايف كل حاجه بتحصل فى العربيه مش زى التوكيل مش بتشوفها الا لما الفاتوره تجيلك وعندهم كمان نفس الاجهزه بس سؤال واحد بس هل ممكن نكشف على العربيه عند اى ميكانيكى من الناس الحلوة وبالخصوص طارق بتاع المقطم سمعته سبقاه وانسان محترم جدا جدا ومش بيعقدك مبدع مش حافظ وشكر للزملاء

[MohammedAladel]

لو إنت واثق فيه ... هيعرف يقيملك العربية كويس كموتور فتيس وكهرباء
بس سمكرة معتقدش .... وارجع للمواضيع المثبتة برضه وقيم بنفسك

[haythamkmal]

إن شاء الله انا بجهز موضوع كامل متكامل وبحاول ادعمه بالصور عن كل الحساسات الى في الرينو الميجان (طالع اشاعه انهم 120 حساس) ووظيفة كل حساس وفايدته وايه هي الحساسات الى موجوده في الميجان ومش موجوده في العربيتا التانية (تقريبا مفيش)

شوقتنا ، وربنا يوفقك

[ze3ooooo]

قدر الله و ما شاء فعل
العربية بتاعتى إتخبطت يا جماعة.
منهم لله سواقين النقل...,
بإختصار
مراية جنب يمين كهربائية.
رفرف يمين.,
الفانوس اليمين الزجاج بس هوا اللى إتكسر بس النور كله شغال....,
أرجوكم إلحقونى علشان انا بجد حزيييييييييين جدا جدا جدا على نفسى و على العربية اللى أنا فعلا بحبها قوى.
أعمل غيه و أروح فين و ألاقى الحاجات دى فين بأسعاار كويسة.
وهل فى حد يعرف أسعار الحجات دى إيه فى الحرفيين او فى صقر قريش....,
و الحمد لله إن أنا و أولادى طلعنا منها سالمين....,
الرجاء الإهتمام و سرعة الرد.

[MohammedAladel]

بعتلك على الخاص

[ze3ooooo]

بعتلك على الخاص

أنا مش لاقى حاجة على الخاص

[ze3ooooo]

بلييييييييز لو سمحتو يا جماعة حد يسعفنىىى أرجوكم

[moh158]

الحمد لله انك بخير ،، لا تقلق الحاجات دي بسيطة أن شاء الله

روح صقر قريش عند زمزم و هتلاقي كل اللي انت عايزه و بسعر معقول برضه ممكن تكلمني علي الخاص علشان اظبطلك معاه