جمارك فلوانس 2013

[وائل الجندي]

ممكن يا شباب تشاركونا بارائكم وبتجاربكم
انا ان شاء الله هشتري فلوانس من السعودية قريب بس عايز أعرف الجمارك بتاعتها كام فياريت يا رجالة الي نزل فلوانس قبل كدة من الخليج يقولنا تجربته عشان نستفاد منها او الي يعرف حد نزلها يقولنا دفع كام وبيتحاسب ازاي على الكماليات الي فالعربية وكان موديل كام وياريت ينصحنا الي ليه تجربة الواحد ينزل من أي ميناء تعاملها أحسن يعني يقولنا تجربته كاملة ولا يبخل علينا لأني في ناس كتير هتستفاد من الي هيقوله
لأني الواحد خايف من موضوع الجمارك ده انتو طبعا عارفين السرقة الي بتحصل
منتظر ردودكم القيمة

[hsemam]

باشا انا كنت سمعت معلومة مش متأكد منها
ان توكيل رينو في مصر مبيتعاملش في العربيات الفلوانس الخليجي خالص و لا بيجبلها قطع غيار و لا حتي بيرضي يعملها صيانة دور انت و اتأكد اذا كانت المعلومة دي صح ولا لأ

[ahmed255741]

جمارك الفلوانس بتنزل كل سنه 10% من سنه 2011 زي الاوربي بس دي اتفاقية مع تركيا زي الاتحاد الاوربي بس الفرق ان الاوربي الاتفاقية بدات من 2010 بتنزل كل سنه 10% يعني تقريبا حيبقي الجمارك 28 % بالاضافة للضريبة الي بتكون ثابته للفئة دي وبتكون 12.5%

[وائل الجندي]

باشا انا كنت سمعت معلومة مش متأكد منها
ان توكيل رينو في مصر مبيتعاملش في العربيات الفلوانس الخليجي خالص و لا بيجبلها قطع غيار و لا حتي بيرضي يعملها صيانة دور انت و اتأكد اذا كانت المعلومة دي صح ولا لأ

لا يا باشا الموضوع غلط وفي ناس سألت وقالولها بنشتغل فيها عادي
وبعدين الشكل الجديد خلاص بقي قريب جدا من الشكل الخليجي حتى الموتور والفتيس بقيو زي بتوع الخليجي

[وائل الجندي]

جمارك الفلوانس بتنزل كل سنه 10% من سنه 2011 زي الاوربي بس دي اتفاقية مع تركيا زي الاتحاد الاوربي بس الفرق ان الاوربي الاتفاقية بدات من 2010 بتنزل كل سنه 10% يعني تقريبا حيبقي الجمارك 28 % بالاضافة للضريبة الي بتكون ثابته للفئة دي وبتكون 12.5%

والله يا باشا انا سمعت ميت حسبة وميت رقم للجمرك فعشان كدة انا قولت ياريت لو حد لي تجربة عملية يحكهالنا احسن او حد صاحبه ولا حد يعرفه مر بتجربة جمركية يحكهالنا

[وائل الجندي]

متابع

[dr_k]

بص هو الجمرك في الطبيعي بيكون حوالي من 66 ل 69% وخصم 10 % لاول سنة و5% لكل سنة بعد كدة بحد اقصى 50%
بالنسبة للاوروبي الوضع مختلف شوية فيه خصم 4% كل سنة ابتداءا من 2008 على ما انا فاكر بس اللى اعرفه ان لازم العربية تكون جاية من اوروبا يعني حتى لو اوروبي وجاية من خارج اوروبا ما يمشيش عليها الخصم ده

[وائل الجندي]

بص هو الجمرك في الطبيعي بيكون حوالي من 66 ل 69% وخصم 10 % لاول سنة و5% لكل سنة بعد كدة بحد اقصى 50%
بالنسبة للاوروبي الوضع مختلف شوية فيه خصم 4% كل سنة ابتداءا من 2008 على ما انا فاكر بس اللى اعرفه ان لازم العربية تكون جاية من اوروبا يعني حتى لو اوروبي وجاية من خارج اوروبا ما يمشيش عليها الخصم ده

هما مش كانوا 61% بقيو من 65% الي 69% والله الواحد معارف يعمل أيه فالسرقة الي بتعملها مصر دي يعني حرام عليهم عايزين يسرقو المواطن بكل الطرق يعني حرام نركب عربية زي بقية شعوب العالم
الواحد هنا فالسعودية دخله مثلا 10 الاف ريال والعربية ب50 الف ولا 60 الف واحنا الواحد دخله ألف جنيه والعربية 160 ألف ولا 170 ألف ده حرام ولا حلال يعني

[Hosam_Optrawy]

هحاول ابسطلك الحسبه بس ركز معايا :)

اولا لازم ان شاء الله لما تشترى طبعا تبقى المالك الأول وشاريها فى نفس سنة الموديل ويبقى معاك الفاتورة وتصدق عليها من الجهات الرسمية ( معرفش ايه هى الجهات دى بالظبط ) , المهم نفترض مثلا ان سعر العربيه 60 الف ريال

بعد كدا يتضاف اليها قيمة الشحن اللى هى النولون + التأمين + التفريغ ( برضه معرفش ايه النولون دا ) , هانفترض ان الشحن هايكلفك 5 الاف ريال

يبقى الاجمالى 65 الف ريال , تحولهم لجنيه مصرى يبقى هو دا سعر العربيه اللى هايحسبولك عليه الجمرك

الجمرك بيبقى 40 % ضريبة وارد + 15 % ضريبة مبيعات + 3 % رسم تنمية , وبيتحسبوا بشكل تراكمى عشان كدا بيعدوا ال 60 % لكن لو حسبناهم لوحدهم هايبقوا 58%

يعنى لو افترضنا مثلا تمن العربيه 100 الف جنيه

يبقى 40 % بتاعت ال 100 الف = 40 الف

15 % بتاعت ال 140 الف = 21 الف

3 % بتاعت ال 161 الف = 4830

الاجمالى 66 الف او 66 % من تمن العربيه

خصم الإستعمال بيكون 10 % لأول سنه على ضريبة الوارد فقط اللى هى ال 40 % مش على كل الإجمالى , وكل سنة بعدها 5 % لحد ماتوصل ل 50 % خصم , يعنى ال 40 % اللى فى الاول بعد اول سنة يبقى 36 % وبعد 9 سنين او اكتر يبقوا 20 % , وفى كل الاحوال هاتضيف عليهم ال 15 % وال 3 % دول مابيتغيروش ولا بيقلوا

حاجه اخيره عربيتك معليهاش الخصم بتاع الاوروبى ولا حتى التركى لانها جاية من كوريا

اتمنى انك ماتكونش توهت منى واسف على الاطاله :)

[وائل الجندي]

هو من الاخر يا جماعة مش هيخلوك تستفاد بفرق جنيه عن سعرها في مصر
بل ممكن تكون أغلى بعد السرقة بتاعتهم أقصد الجمارك

[dr_tamer_sh]

هحاول ابسطلك الحسبه بس ركز معايا :)

اولا لازم ان شاء الله لما تشترى طبعا تبقى المالك الأول وشاريها فى نفس سنة الموديل ويبقى معاك الفاتورة وتصدق عليها من الجهات الرسمية ( معرفش ايه هى الجهات دى بالظبط ) , المهم نفترض مثلا ان سعر العربيه 60 الف ريال

بعد كدا يتضاف اليها قيمة الشحن اللى هى النولون + التأمين + التفريغ ( برضه معرفش ايه النولون دا ) , هانفترض ان الشحن هايكلفك 5 الاف ريال

يبقى الاجمالى 65 الف ريال , تحولهم لجنيه مصرى يبقى هو دا سعر العربيه اللى هايحسبولك عليه الجمرك

الجمرك بيبقى 40 % ضريبة وارد + 15 % ضريبة مبيعات + 3 % رسم تنمية , وبيتحسبوا بشكل تراكمى عشان كدا بيعدوا ال 60 % لكن لو حسبناهم لوحدهم هايبقوا 58%

يعنى لو افترضنا مثلا تمن العربيه 100 الف جنيه

يبقى 40 % بتاعت ال 100 الف = 40 الف

15 % بتاعت ال 140 الف = 21 الف

3 % بتاعت ال 161 الف = 4830

الاجمالى 66 الف او 66 % من تمن العربيه

خصم الإستعمال بيكون 10 % لأول سنه على ضريبة الوارد فقط اللى هى ال 40 % مش على كل الإجمالى , وكل سنة بعدها 5 % لحد ماتوصل ل 50 % خصم , يعنى ال 40 % اللى فى الاول بعد اول سنة يبقى 36 % وبعد 9 سنين او اكتر يبقوا 20 % , وفى كل الاحوال هاتضيف عليهم ال 15 % وال 3 % دول مابيتغيروش ولا بيقلوا

حاجه اخيره عربيتك معليهاش الخصم بتاع الاوروبى ولا حتى التركى لانها جاية من كوريا

اتمنى انك ماتكونش توهت منى واسف على الاطاله :)

تسلم ايدك ياباشا كلام سليم 100% مفيش ولا كلمه بعد كده

[midnightman_74]

ممكن يا شباب تشاركونا بارائكم وبتجاربكم
انا ان شاء الله هشتري فلوانس من السعودية قريب بس عايز أعرف الجمارك بتاعتها كام فياريت يا رجالة الي نزل فلوانس قبل كدة من الخليج يقولنا تجربته عشان نستفاد منها او الي يعرف حد نزلها يقولنا دفع كام وبيتحاسب ازاي على الكماليات الي فالعربية وكان موديل كام وياريت ينصحنا الي ليه تجربة الواحد ينزل من أي ميناء تعاملها أحسن يعني يقولنا تجربته كاملة ولا يبخل علينا لأني في ناس كتير هتستفاد من الي هيقوله
لأني الواحد خايف من موضوع الجمارك ده انتو طبعا عارفين السرقة الي بتحصل
منتظر ردودكم القيمة

هى فلوانس من السعودية كام سي سي ؟؟

[Gamal.Eid]

السلام عليكم ياريت فعلا لو حد عارف جمركها كام يدلنا انا انضميت والحمد لله لوحوش الفلونس ومنتظر الاستلام خلال اسبوع ان شاء الله وجايبها برضه من السعودية وناوى انزلها مصر

[وائل الجندي]

انت جبتها من فين فالسعودية يا أستا جمال
وأخدتها بكام وعملولك خصومات عليها ولا وجبت اي فئة من الفئتين الي هنا
منتظر ردك دروري لأني قريب هشتري واحدة ان شاء الله

[Moratoz]

في الاخر ممكن تكون ارخص بحوالي 10.000 جم