أخيييييراً تم تغيير طقم الكاوتش لميجي الحبيبة

[abdo_2812]

السلام عليكم ورحمة الله وبركاته

وحوشنا الحبايب حبيت أشارككم تجربة تغيير الكاوتش الجديد
تم بحمد الله تعالى تغيير الكاوتش بعد أن وصل إلى حالة يرثى لها والمحفظة كانت بعافية شويتين فماكنتش عارف أغيرهم خالص الفترة اللي فاتت لكن في الآخر الظروف حكمت واضطريت أتصرف وأغيرهم.


المهم ... الحمدلله تم شراء طقم كاوتش Continental ألماني تاريخ إنتاجه في منتصف 2012 تقريباً والحمدلله، وسعر فردة الكاوتش الواحدة بـ 650ج (المفروض إن السعر ده مميز جداً بفضل الله لأنه من واحد حبيبي جداً )

وكان المجموع 2600 ج بالتركيب والترصيص والحمدلله.

زي ما قلت حبيت أشارككم التجربة ولي سؤال صغير: حد هنا يعرف في أنواع الأجهزة اللي بتتوصل على الولاعة وتستخدم لنفخ الكاوتش؟؟ أنا عرفت إنها عملية جدا لكن الأنواع الموجودة في مصر أغلبها رديئة جدا فياريت لو حد يتكرم ويفيدنا بأنواع أو أسعار حاجات محترمة، وجزاكم الله كل خير مقدما :)

[egyptiandiver]

Good luck

[S O P H O S]

مبروك الكاوتش ..

[haythamkmal]

مبروك على الكاوتش بس اعتقد السعر عالى شويه ، انا سألت علية من شهر كده "بس مقاس 15" كان ب 550 جنيه الفرده عند اشرفكو مدينة نصر

بالنسبة للمنفاخ ، فهو ممتاذ وعملى جدا ، النوع اللى عندى لونه اسود وفى المقدمة جزء احمر وتحته لمبة ، وفى نوع تلنى برده كله حديد فى حديد مع واحد صاحبى ممتاذ ، بس هو بطئ شوية فى النفخ الا لو رفعت العربية على كوريك ، بيبقى سريع

[MohammedAladel]

تعيش وتغير يا با شا ألف مبروك السعر كويس
المنفاخ أغلب الانواع صينى بالفعل بس يا أستاذ هانى جبته منين وبكام ؟؟

[solly1979]

مبروك على الكاوتش بس اعتقد السعر عالى شويه ، انا سألت علية من شهر كده "بس مقاس 15" كان ب 550 جنيه الفرده عند اشرفكو مدينة نصر

بالنسبة للمنفاخ ، فهو ممتاذ وعملى جدا ، النوع اللى عندى لونه اسود وفى المقدمة جزء احمر وتحته لمبة ، وفى نوع تلنى برده كله حديد فى حديد مع واحد صاحبى ممتاذ ، بس هو بطئ شوية فى النفخ الا لو رفعت العربية على كوريك ، بيبقى سريع

يا باشا أكيد دة ال ١٩٥/٦٥/١٥ انا لسه شاريه للعربيه النترا ب ٥٢٠ المانى v
لكن أكيد المقاس دة ١٦ طالما ب ٦٥٠

[speed_magnum]

لسه شاريه من شهر
كونتيننتال الماني كونتي بريميوم 2 مقاس 205/55r16الفردة ب 610. تاريخ حديث

[mohamedbook]

انا مقاس كوتشي 195 /15/65
فيه واحد في وادي النيل المتفعرع من جامعة الدول عنده
الجودير الالماني سعر الفرده 470
والكونتانينتل الالماني سعر الفرده 470
والبردجستون فرنساوي سرعة v سعرة الفرده 500
اما التريخ الاسبوع ال 29 سنة 2012
انا الحقيقة شريت البرجستون
بس الي مستغربلة اني اول مرة اشوف بردجستون فرنساوي
الي بلقية في السوق بيكون اما ياباني او تايلاندي

[ahmed_hanafi]

ألف مبروك

[abdo_2812]

جزاكم الله كل خير جميعاً على المرور الجميل :)

لسه شاريه من شهر
كونتيننتال الماني كونتي بريميوم 2 مقاس 205/55r16الفردة ب 610. تاريخ حديث

بالفعل المقاس عندي 16 وهو نفس المقاس اللي حضرتك كاتبه بالظبط وسرعة V
لو اللي حضرتك جبته نفس المواصفات دي وألماني والسرعة v ونفس السعر اللي حضرتك قلته ده يبقى ماشاء الله راااائع وربنا يباركلك فيه

وبخصوص المنفاخ أنا بتمنى لو حد يعرف ماركة أو نوع معين يدلني عليه

وحاجة كمان حابب أنبه عليها، الغطاء بتاع البلف اللي بتوع الكاوتش بيرموه أو ياخدوه ده مهم جدا جدا وبيحمي البلف والإبرة بتاعة البلف، تاني يوم ما ركبت الكاوتش عجلة نامت ولقيت المشكلة من الإبرة بتاعة البلف فرحت غيرتها واشتريت شوية غطيان بلف كملت اللي ناقص عندي وشلت الباقي في العربية علشان طبعا محدش هايسيبه راكب في حاله يومين على بعض !!

[MohammedAladel]

هى غطيان البلف بتتباع كمان هههههههه والصنايعيية بياخدوها !!!!!!!!!

عندى هنا الصنايعى يفكها ويرمى على طول ..... بس لو رحت ازود من عند أى حد باخد غطا البلف ببلاش

[abdo_2812]

هى غطيان البلف بتتباع كمان هههههههه والصنايعيية بياخدوها !!!!!!!!!

عندى هنا الصنايعى يفكها ويرمى على طول ..... بس لو رحت ازود من عند أى حد باخد غطا البلف ببلاش

حضرتك أنا مرة سألت الراجل قالي الواحد بـ 50 قرش :d
بصيتله بصة وحشة ومشيت بصراحة :))

[karimooo]

اولا الف مبروك ,ثانيا عن تجربة الكوتش طري و نضيف جدا و مالوش صوت بس خد بالك من الجوانب ضعيفة شوية يعني لو خبطة بجنب الكوتش في رصيف بيطلع كورة هواء في الجنب عالطول و في المستقبل انشاء الله انصح بالبريدجستون كل المميزات السابقة موجودة بلااضافة الي الجوانب بتستحمل اكتر بكتير .بالنسبة للسعر ممكن تسأل عند اولاد بيومي اللي تحت كوبري الدقي بجوار جاد في شارع التحريرانا كنت لسه جايب فردة بدل اللي طلعت كورة من عنده قريب كانت نفس المقاس 16 -205 -بس كانت ال wالماني بريميم برضه ب 600 و الw ده المفروض انه اعلي من v

[medori]

انا مقاس كوتشي 195 /15/65
فيه واحد في وادي النيل المتفعرع من جامعة الدول عنده
الجودير الالماني سعر الفرده 470
والكونتانينتل الالماني سعر الفرده 470
والبردجستون فرنساوي سرعة v سعرة الفرده 500
اما التريخ الاسبوع ال 29 سنة 2012
انا الحقيقة شريت البرجستون
بس الي مستغربلة اني اول مرة اشوف بردجستون فرنساوي
الي بلقية في السوق بيكون اما ياباني او تايلاندي

انا ان شاء الله ناوى اغير الكاوتش قريب اوى يعنى، بس انا اول مره اعرف موضوع البريدجستون الفرنساوى ده!! و كمان الفرده ب500 جم بس!! السعر ده مش قليل شويه؟ هى الموديل بتاعها ايه؟

[medori]

انا لسه قافل مع fit & fix دلوقتى، قالى ان الفرده التورانزا اليابانى ال R15 195/65 عامله 706 بالتركيب و الترصيص، بسألوا فيه بريدجستون فرنساوى قالى كان فيه زمان بس معدش بينزل و كان ال run flat بس