عندي مشكله فى الجير , ارجو المساعده

[eng_gahmed]

السلام عليكم
انا عندي رينو ميجان 2005 جير اتوماتيك
امبارح وانا سايق لاقيت الجير مش بينقل بعد التالت وكمان حرف ال d اللى فى شاشة الكمبيوتر مش شغال
طفيت العربيه لحد ما بردت , لاقيت حرف ال d رجع نور تاني والجير بقى ينقل كويس اوي
انهارده عملتها تاني بس بقى حرف ال d يروح ينور ويطفى والعربيه تروح مرزوعه , وكمان بقيت لما اجيب الجير على ال n حرف ال n مش بينور والعربيه مش بتحس انها على ال n اصلا


ارجو الافاده , الله يكرمكم

[nodey]

شيك علي الزيت عند واحد فاهم في جير الرينو
ممكن يكون ناقص زيت
او محتاج سلونيد فالف

[moh158]

اعتقد ده سببه سويتش النقلات هو اللي مش بيخلي النقلة تطلع علي الشاشة و كمان بيأخر النقلة

[eng_gahmed]

شيك علي الزيت عند واحد فاهم في جير الرينو
ممكن يكون ناقص زيت
او محتاج سلونيد فالف

وده هيكون سبب الهبد اللى سعات بيحصل , وهل دي جاجه كبيره ولا بسيطه
ولو مشيت بالعربيه لمدة يومين عشان مش هينفع اروح للتوكيل غير يوم السبت , ممكن ده يخلي المشكله كبيره

[eng_gahmed]

اعتقد ده سببه سويتش النقلات هو اللي مش بيخلي النقلة تطلع علي الشاشة و كمان بيأخر النقلة

وده ممكن يكون سبب الهبد , وسعر السويتش ده تقريبا فى التوكيل بكام

[moh158]

وده ممكن يكون سبب الهبد , وسعر السويتش ده تقريبا فى التوكيل بكام

بص يا باشا هو ممكن يكون سبب الهبد علشان بيرسل إشارة للفتيس مش في وقتها فبيخلي النقلة مش في معادها و بيسبب الهبدة دي

ثمنه استيراد ٣٠٠ جنيه مش عارف في التوكيل بكام

[eng_gahmed]

بص يا باشا هو ممكن يكون سبب الهبد علشان بيرسل إشارة للفتيس مش في وقتها فبيخلي النقلة مش في معادها و بيسبب الهبدة دي

ثمنه استيراد ٣٠٠ جنيه مش عارف في التوكيل بكام

الف شكر , اخر سؤال , عشان السويتش ده يتغير عايز ميكانيكى فاهم اوي ولا الموضوع سهل , اي ميكانيكي ممكن يغيره

[ahmed_hanafi]

الف شكر , اخر سؤال , عشان السويتش ده يتغير عايز ميكانيكى فاهم اوي ولا الموضوع سهل , اي ميكانيكي ممكن يغيره

روح لعادل في صقر قريش آو عمر اوتوماتيك في صقر بردو

[Dr.kordy90]

الهبده دي معروفه سببها سولنيد فالف وبيتغير بس اكشف عن بتاع فتايس متخصص في جير الرينو وبسيطه ان شاء الله

[saeed85]

في واحد في صقر قريش اسمه ناصر بتاع رينو ، العيب ده كان في عربيت واحد صاحبي و صلحها هناك و راجل ماشاء الله عليه بيجيب العيب عالطول غير الي راحلهم و قعدوا يفتوا و عنده كمان قطع الغيار فنصيحه روحله عشان الرينوا كلها حساسات و محدش يفتيلك فيها هتقف في مكانها