هي هبدة ولا نتشة في فتيس الفلوانس؟

[ahmed_hanafi]

السلام عليكم يا رجالة....
انا اشتريت الفلوانس ٢٠١٣ الفئة التانية اوتوماتيك e3ً من شهر ......لكن انا ملاحظ ان النتشة اللي الناس بتتكلم عليها بتظهر لما تمشي كتير أو لما العربية بتكون سخنت مش باردة يعني وبعدين بدأت أحس بيها كأنها هبدة مش نتشة بس هبدة خفيفة مش جامدة وفي نفس الوقت هي مش نتشة .....كمان لاحظت ان لو انا كابس جامد تقريبا النتشة أو الهبدة مش بتحصل ولما بدوس براحة واسايس العربية بتحصل وخصوصا لو ال rpm اقل من ٢ كمان في حاجة لاحظتها لما بكون ماشي مسافة كبيرة وبعدين أجي اركن واجيب مارشيدير مع اول دوسة فرامل بسمع صوت طقة بس مبتحصلش تاني لحد لما امش مسافة كبيرة تاني واجي أجيب مارشيدير وأدوس فرامل بتحصل الطقة تاني ......معلش انا أسف ان انا طولت عليكم بس الموضوعين دول منكدين عليا اوي....العربية ما شاء الله ممتازة بس الموضوعين دول مخليني مش عارف أتمتع بالعربية

أرجو من كل واحد عنده خبره في الموضوع دة يقولي وانصحوني اعمل إيه

[amrrashed]

كانت بتحصل عندى فى السي فور بين الاول والتانى فى هبده خفيفة على السرعات البطيئة بين الاول والتانى وسمعت حكاوى كتير ... معلش مردتش عليك بس هى دى تجربتى

[MohammedAladel]

فعلا تأثيرها بيبان على عدد لفات معينة للموتور بس هى طبيعية لا تقلق أما دبة المارشدير هى اللى غريبة مش معقول تكون قاعدة فتيس دا العربية جديدة


على العموم هو نفس فتيس الميجان 2 تقريبا والسوفت وير اللى كانوا بيعملوه للميجان 2 كان بيختار ميعاد مناسب لنقلة الغيار مع عدد لفات المحرك لكن أحنا عندنا أكتر من نمط للقيادة حسب دوسة رجلك هى النتشة بتظهر مع أنماط ومبتظهرش مع أنماط وهتحسها أكتر لما تسوق بالطريقة القيادة المانيوال

لا تقلق من الحتة دى وهى عادية

[MARTINDALE]

بص اللي انا متاكد منه انها نتشه . لكن ممكن تتحول لهبده في حاله واحده انا جربتها كذا مره .... لما تكون واخد يوتيرن مثلا وكاسر الدريكسون للاخر وخصوصا لو كان الشارع واخد مطلع , اكبس بنزين جامد العربيه هتهبد مافيش كلام . غير كده هيه نتشه بسيطه مابقتش احس بيها .

[omskmaher]

متعملش حاجه استمتع بعريتك وبعها بعد 10 سنين كل الرينو فلوانس كده بس الشكل الجديد غيرو المتور والفتيس

[Moratoz]

ئل انا عرفه انها نتشه طبيعيه في العربيه دي بس لو في هبدة اعتقد ان دا مش الطبيعي ومحتاج تبقي العربيه سخنه وتروح التوكيل اننا لسه في الضمان وفي مشاركات في القسم ان تقريبا لو هبدة التوكيل بيغير سالونيد في الفتيس أكشف علشان تطمن

[ahmed_hanafi]

فعلا تأثيرها بيبان على عدد لفات معينة للموتور بس هى طبيعية لا تقلق أما دبة المارشدير هى اللى غريبة مش معقول تكون قاعدة فتيس دا العربية جديدة


على العموم هو نفس فتيس الميجان 2 تقريبا والسوفت وير اللى كانوا بيعملوه للميجان 2 كان بيختار ميعاد مناسب لنقلة الغيار مع عدد لفات المحرك لكن أحنا عندنا أكتر من نمط للقيادة حسب دوسة رجلك هى النتشة بتظهر مع أنماط ومبتظهرش مع أنماط وهتحسها أكتر لما تسوق بالطريقة القيادة المانيوال

لا تقلق من الحتة دى وهى عادية

طيب الطقة اللي في المارشدير دي تبقي ايه ؟؟؟ وهية عاملة زي ما يكون ترس بيعشق في ترس او حجة حديد بتخبط في حاجة حديد...هي مش جامدة بس ملفتة جدا ..

[ahmed_hanafi]

ئل انا عرفه انها نتشه طبيعيه في العربيه دي بس لو في هبدة اعتقد ان دا مش الطبيعي ومحتاج تبقي العربيه سخنه وتروح التوكيل اننا لسه في الضمان وفي مشاركات في القسم ان تقريبا لو هبدة التوكيل بيغير سالونيد في الفتيس أكشف علشان تطمن

هو الطبيعي بتاعها نتشة لكن ساعات بكون هبدة ....يعني هي لما بتكون نتشة انا مش بكون مركز معاها لكن اللي بيخليني اخد بالي اني بحس بهبدة خفيفة في بعض الاحيان طبقا لطريقة الدوسة علي البنزين

[mo7elmy]

بص باباشا هو الى حسيته برضو نتشة بس وهى خفيفة وهى على حسب دوسة رجلك يعنى فعلا هو نمط معين فى السواقة الى يأكدلى دة انه فعلا فى نفس الشارع الى ماشى ووقفت كذا مرة فيه فاحيانا يبقى فيه نتشة واحيانا لا وتقريبا بدأت اعرف ازاى اتفاداها بنمط ودوسة وضغطة معينة انما الهبدة دى محصلتش خالص لا فى الامامى او الخلفى......... انا برضو العربية بقالها معايا شهر زيك وعامل 500 كيلو .... واجمالا العربية الله اكبر محترمة جداجدا ومتنساش اننا اخر ناس جايبين قبل الزيادة ودة من فضل ربنا علينا والى تقريبا زاد 8000 فى الفئة بتاعتنا بنفس شكلها وموضوع الشكل الجديد فدة ليه تمن تانى ومش قليل ومتهايلى فقدت ميزة ( عربية بالامكانيات دى وبالسعر دة ) الى هى ميزة عربيتنا

[hayoub26]

السلام عليكم يا رجالة....
انا اشتريت الفلوانس ٢٠١٣ الفئة التانية اوتوماتيك e3ً من شهر ......لكن انا ملاحظ ان النتشة اللي الناس بتتكلم عليها بتظهر لما تمشي كتير أو لما العربية بتكون سخنت مش باردة يعني وبعدين بدأت أحس بيها كأنها هبدة مش نتشة بس هبدة خفيفة مش جامدة وفي نفس الوقت هي مش نتشة .....كمان لاحظت ان لو انا كابس جامد تقريبا النتشة أو الهبدة مش بتحصل ولما بدوس براحة واسايس العربية بتحصل وخصوصا لو ال rpm اقل من ٢ كمان في حاجة لاحظتها لما بكون ماشي مسافة كبيرة وبعدين أجي اركن واجيب مارشيدير مع اول دوسة فرامل بسمع صوت طقة بس مبتحصلش تاني لحد لما امش مسافة كبيرة تاني واجي أجيب مارشيدير وأدوس فرامل بتحصل الطقة تاني ......معلش انا أسف ان انا طولت عليكم بس الموضوعين دول منكدين عليا اوي....العربية ما شاء الله ممتازة بس الموضوعين دول مخليني مش عارف أتمتع بالعربية

أرجو من كل واحد عنده خبره في الموضوع دة يقولي وانصحوني اعمل إيه

أحمد باشا... أنا عندي نفس المشكلة بالظبط بالظبط سي ما حضرتك و صفتها بعلاقتها بالعربية لما تكون سخنت و الrbm اقل من 2 و فى المارشيدير... تماما كأني أنا اللي بتكلم..
و انا عربيتي ميجان 2006 ماشية 80000.... و مش عارف أعمل ايه ... سالت كذه واحد شغالين في رينو بس كلامهم ما اقنعنيس و حاسس انهم عايزين يفتحوا شغل و خلاص...
على العموم انا حجزت في التوكيل بكره الاثنين ان شاء الله و خلينا نتابع مع بعض لان المشكلة زي ما حضرتك و صفتها و ليس كما تحاول بعض ردود الزملاء المحترمين هنا توصفيها,,, و ان شاء الله بسيطة

[ahmed_hanafi]

أحمد باشا... أنا عندي نفس المشكلة بالظبط بالظبط سي ما حضرتك و صفتها بعلاقتها بالعربية لما تكون سخنت و الrbm اقل من 2 و فى المارشيدير... تماما كأني أنا اللي بتكلم..
و انا عربيتي ميجان 2006 ماشية 80000.... و مش عارف أعمل ايه ... سالت كذه واحد شغالين في رينو بس كلامهم ما اقنعنيس و حاسس انهم عايزين يفتحوا شغل و خلاص...
على العموم انا حجزت في التوكيل بكره الاثنين ان شاء الله و خلينا نتابع مع بعض لان المشكلة زي ما حضرتك و صفتها و ليس كما تحاول بعض ردود الزملاء المحترمين هنا توصفيها,,, و ان شاء الله بسيطة

يا ريت يا باشا لما تروح التوكيل تقولي عملوا ايه بالضبط وايه المشكلة ...وربنا يسهل وتطلع حاجة بسيطة ان شاء الله