شريط الايرباج

[وائل مختار]

سلاموا عليكم رجاله الميجان
انا لسه شارى عربيه ميجان استيشن اكستريم وشريط الايرباج بتاعها مقطوع وبالتالى مثبت السرعه مش شغال وسمعت ان شريط الايرباج ممكن يتصلح بدل ما اغيره هل الكلام ده مضبوط وياترى مين افضل واحد يصلحه ولكم جزيل الشكر

[mohamed-adel]

http://www.nilemotors.net/Nile/304678-a.html

[MohammedAladel]

http://www.nilemotors.net/Nile/304678-a.html

[MohammedAladel]

http://www.nilemotors.net/Nile/304678-a.html

إيه الصدفة الجميلة دى أحنا الاتنين عملنا نفس المشاركة فى نفس التوقيت بس انت سبقتنى بكام ثانية

[bmya]

بيتصلح بس عاوز واحد فنان
انا كنت بعمل شغل في العفشه والعفشجي كان غبي وقطعلي الشريط وسألت عليه لقيته ب 900 جنيه في التوكيل
سألت لقيت ناس بتصلحه في المنصوره ب 300 جنيه
لحد ماكنت عند الكهربائي بتاعي بيقولي
لمبه الايرباج منوره ليه خير حكيتله الحكايه قالي سيبهالي قلت له ياعم مش عاوز فتي الله يخليك قالي ملكش دعوه قلت كده كده بايظه نجرب وخلاص
المهم فك الدركسيون وطلع الايرباج وسيبته ومشيت ورجعتله بعد شويه لقيته بيقفلها وركبنا الايرباج وشيلنا البطاريه وركبناها تاني اللمبه طفيت وشغاله ز الفل الحمد لله

[mohamed-adel]

يا باشا اهنيك على الموضوع دة الموضوع دة ممكن ياخد احسن موضوع فى القسم لو فيه مسابقة ولا حاجة

وان شاء الله قريب هعمل تقرير عن صيانة 120 الف بالاسعار الجديدة لانى بصراحة نفسى افيد القسم دة

[MohammedAladel]

يا باشا اهنيك على الموضوع دة الموضوع دة ممكن ياخد احسن موضوع فى القسم لو فيه مسابقة ولا حاجة

وان شاء الله قريب هعمل تقرير عن صيانة 120 الف بالاسعار الجديدة لانى بصراحة نفسى افيد القسم دة

وأحنا منتظرينك يا باشا

بص يا أستاذ محمد الموضوع دا أنا عملته من فترة مش قليلة لورا

اللى حصل كالآتى كنت بدخل كل موضوع ألاقى الناس بيشكتوا من الشريط دا ....... بصراحة مكنتش أعرف إيه هو خالص

لحد ما الأستاذ شريف محمد عمل الموضوع داhttp://www.nilemotors.net/Nile/293085-a-2.htm بس هو كان مختصر شوية .... قرأت الموضوع وفى نفس اليوم اللى قرأت فيه الموضوع الشريط عندى ا تقطع هاهاهاهاهاها
بعدها بشهر كدا ابتديت أفكر أعمله وبدأت أفك .... بس بصراحة غلبنى بجد على بال ما فهمت الدنيا ماشية أزاى وعملت الموضوع دا فيه كل حاجة

وبقول للاستاذ وائل ياريت حضرتك سواء هتعمل الموضوع بنفسك أو حد هيعملهولك ياريت تقرأ الموضوع عشان تفهم إيه اللى بيحصل

الفن كله فى حاجتين

لحام الشريط عن شرط يكون كل الوصلات سليمة ومش ملسمة بعض
ولف الشريط اللفة الصحيحة

الشريط يا جماعة عبارة عن كابل ماشى جواه سلوك نحاس رقيقة جدا هما عددهم 7 للعربيات اللى فيها مثبت سرعة واللى من غير مثبت بيبقى الشريط فيه 5 بس

لما بيتقعطع الشريط وتفضل ماشى بيه مقطوع ..... إنت كدا بتدمره أكتر

عارفين ليه ؟؟

عشان الشريط مع لف الدركسيون وهو مقطوع بيتكسر جوا والتراكات النحاس اللى جواه بتفصل

وكدا أحنا بنكون محتاجين شريط جديد

ممكن نلاقى شريط زيه ونقص منه فى طابعة أبسون

فى آخر الموضوع الباش مهندس هشام ecybrarian ..... دلنى على مصدر ممكن أى حد يجيب كابل زى الشريط اللى عندنا وسعره 2 جنيه ونصف

[نينو]

طيب ياباشا ايه هو المصدر ده لاني عاوز اجيب زيو لجهاز عندي سي دي عاوز اعملو و شكرا

[MohammedAladel]

الشركة دى بتبيع اشباه الموصلات وكابلات الداتا وشرائح ذكية
Search Results : RAM Electronics

[وائل مختار]

تمام يا رجاله بس برضه انا عاوز تليفون حد يكون موثوق منه يعملوهولى ويشغل مثبت السرعه بتاع العربيه مع العلم انا اتكلمت مع عادل بتاع صقر قريش فى الموضوع ده قالى متعملش شريط الايرباج غير فى التوكيل

[MohammedAladel]

فى التوكيل بيغيروه

معتقدش إن فيه صنايعية عندها وقت إنهم يصلحوه :)