بخصوص شريط الإيرباج راسلت رينو فرنسا

[MohammedAladel]

السلام عليكمك دخلت على موقع رينو الرسمى

وبعتلهم رسالة بأسمى وشرحتلهم فيه موقفنا من شريط الأيرباج وإن مفيش ميجان فى مصر مبتغيروش قلتلهم كمان على حتة المطاط اللى بتركب عشان تمنع الأتربة ( الحقيقة حتى لو كانت راكبة الشريط هيتقطع برضه بس هى حجة لأنها مبتنزلش فى التقفيل التركى )

وحكيت المفيد كله وزيادة وقلت لهم إن التوكيل فى مصر بينكر أنه عيب تصنيع الرسالة أرفقتها باللغة الأنجليزية طبعا

تانى يوم وصلتنى رسالة من الأستاذة نها حسيت مشرفة خدمة العملاء وقالت لى أرسل رقم شاسيه سيارتك ورقم هاتفك الشخصى بعتتهم أمبارح

كلمنى النهاردة الباش مهندس محيى وتطرقنا الحديث

المهم للأسف فى النهاية قال لى إن شريط الأيرباج من القطع الاستهلاكية وطبيعى إنه يبوظ بعد فترة معينة ودا بطابع تصميمه مش عيب تصنيع ولا حاجة هما مصممينه لكدا عشان يبيعوا ويكسبوا وأحنا كرينو مصر مش بإيدنا حاجة..... وأحنا كنا بنجيبه فى ميجان 1 الشريط لوحده

لكن للأسف دلوقتى شركة فاليو مش بتدينا غير العلبة كلها المالتى فانكش وشريط الإيرباج مع بعض

إنتو إيه رأيكم ؟

[speed_magnum]

دي قلة ادب
ما العربيات كلها فيها ايرباج

[dedo_ryo]

استغلااااااااااااااااااااااااااااااااااااااااال للناس بس خطوه حلوه انك كلمت رينو فرنسا و وضحتلهم الاستغلال اللي احنا فيه

[MohammedAladel]

قال لى لو مش مصدق روح أسأل فى فولكس وسكودا مش أحنا بس !

[mahmoudfawzypr]

بامانة هما صادقين ....واحد صاحبي معاه بيجو 406 موديل 2000 وعنده الشريط ده لسه مقطوع من حوالي 4 شهور ولمبة الايرباج منورة عنده وواحد تاني معاه بي ام 318 موديل 2006 عنده نفس الحكاية

[MohammedAladel]

ولا مؤاخذة يا جماعة مكنش ينفع أشوف الصورة دى ومرفقهاش بالموضوع

[ahmed_hanafi]

انا حاسس ان موضوع شريط الايرباج دة موجود في العربيات الفرنساوي بس... لكن مش موجود في الياباني...متهيألي ممكن نحاول تاني مع رينو فرنسا يمكن لما يلاقوا شكاوي كتير يحاولو يصلحو المشكلة دي ....ممكن تكت لنا الايميل بتاع رينو فرنسا علشان نبقي نبعت احنا كمان ؟؟

[MohammedAladel]

موجود فى العربيات اليابانى برضه بس مش بالصورة البشعة دى

أدخل على www.renault.com و contaact us وعيطلهم
طيب واللى عايز يشكى رينو نفسها ؟؟

[pop13]

لالالالا انا معاية النسر 2007 و فيها نفس المشكلة

[Ahmed Selim]

الموضوع غالباً مش هيحصل فيه حاجة لأن فعلاً الموضوع مختلف..........بيحصل عند ناس كتير بس مش كل الناس و بتختلف ظروف حصوله من واحد للتاني........يعني أنا حصل معايا على 80 يمكن لو أنا فاكر صح........فيه ناس تانية بيحصل معاها على أقل من كده و فيه ناس بيحصل معاها على أعلى من كده و فيه ناس مش بيحصل معاها.

واضح أن الموضوع بيعتمد بالدرجة الأولى على وصول و تراكم التراب على الشريط.

ده غير أن مؤخراً شوفت على المنتدى الموضوع ده حصل مع أكتر من واحد معاهم عربيات ياباني.....زي العضو byma تقريباً و العضو pop13 .

[Shiref_mohamed]

الموضوع عندنا في الميجان مختلف شويه لآن كان ممكن يكون تصميم علبة الشريط احسن من كده شويه..
ولاكن برضه في عربيات تانية كتير بيتقطع فيها الشريط مش بس الفرنساوي وانا نفسي لسه مصلحه لواحد صاحبي معاه لانسر 2004.
بس الى لاحظته ان الناس الى سواقتهم عنيفة وبيلفو الدركسيون بسرعه بتفطع عندهم الشريط بسرعه اكبرمن الناس الى سواقتها هاديه

[MohammedAladel]

السبب الرئيسى فى قطع الشريط هو لسان الشريط البلاستيك لما بيتكسر لأنه عامل زى ياى كدا عامل زى السوسته الورق بس من البلاستيك بقى مع كتر اللف وعوامل الجو بيتكسر

لكن التراب مش هو السبب على فكرة يعنى لو مفيش اللسان دا الشريط هيبقى صعب إنه يتقطع بس طبعا اللسان دا مهم لأنه بيضم الشريط ويخليه ياخد مساره الصحيح

عموما أنا قرأت كتالوج بتاع عربيات يابانى مكتوب فيها إن الشريط لما بيتقطع يتغير بواحد جديدة معنى كدا إنه خلوه حاجة استهلاكية زيه زى الفلتر والكاوتش طبعا كلها نوايا خبيثة لاستنزاف أموالنا :)

[solly1979]

الموضوع عندنا في الميجان مختلف شويه لآن كان ممكن يكون تصميم علبة الشريط احسن من كده شويه..
ولاكن برضه في عربيات تانية كتير بيتقطع فيها الشريط مش بس الفرنساوي وانا نفسي لسه مصلحه لواحد صاحبي معاه لانسر 2004.
بس الى لاحظته ان الناس الى سواقتهم عنيفة وبيلفو الدركسيون بسرعه بتفطع عندهم الشريط بسرعه اكبرمن الناس الى سواقتها هاديه

الشريط جوااة براح كويس لانه يلف اكتر من اخر الدركسيون
يعنى الميجان بتلف لفه ونص يمين وشمال
الشريط بيلف لفتين كاملين يمين وشمال ودة انا جربته بنفسى لما فكيته وجيت اركبه لفيته يمين وشمال علشان اشوف اخرة ايه اكيد براحه
يعنى الموضوع مش موضوع لف الدركسيون بعنف ولا حاجه هو تصميمه فى الميجان زفت
وفعلا زى مقال MohammedAladel موضوع التراب دة ولا يقطع الشريط ولا حاجه من الاخر ملوش تأثير
انا مطلعه زى الفل من جوة والشحم بتاع الفابريكه موجود

[MohammedAladel]

الشريط جوااة براح كويس لانه يلف اكتر من اخر الدركسيون
يعنى الميجان بتلف لفه ونص يمين وشمال
الشريط بيلف لفتين كاملين يمين وشمال ودة انا جربته بنفسى لما فكيته وجيت اركبه لفيته يمين وشمال علشان اشوف اخرة ايه اكيد براحه
يعنى الموضوع مش موضوع لف الدركسيون بعنف ولا حاجه هو تصميمه فى الميجان زفت
وفعلا زى مقال mohammedaladel موضوع التراب دة ولا يقطع الشريط ولا حاجه من الاخر ملوش تأثير
انا مطلعه زى الفل من جوة والشحم بتاع الفابريكه موجود

بتقول لمين الشريط فيه مساحة زيادة للف يا محمد باشا :)

الأستاذ شريف أول واحد صلح الشريط تقريبا هنا على المنتدى وهو عارف إن فيه مساحة زيادة للف الشريط

طريقة السواقة العنيفة فى لف الدركسيون هتأثر فعلا وهتخلى اللسان يتكسر بصورة أسرع مع مراعاة إنه بلاستيك وتغيير عوامل الجو وتأثيرها على البلاستيك :)

[solly1979]

بتقول لمين الشريط فيه مساحة زيادة للف يا محمد باشا :)

الأستاذ شريف أول واحد صلح الشريط تقريبا هنا على المنتدى وهو عارف إن فيه مساحة زيادة للف الشريط

طريقة السواقة العنيفة فى لف الدركسيون هتأثر فعلا وهتخلى اللسان يتكسر بصورة أسرع مع مراعاة إنه بلاستيك وتغيير عوامل الجو وتأثيرها على البلاستيك :)

المهم ان فى معلومه طلعت صح هههههه الحمدلله ان فيه مساحه زيادة
كنت عارف انت بقا انه فيه لفتين يمين وشمال هههههههههه
والله ممكن يطلع كلامك صح انا سوقتى عنيفه ولما بركن بلف الدركسيون يسرعه اوى
واكيد هى ديه الى قطعت الباشا