مالك جديد للميجان 2 وعندي شوية اسئلة اتمني تجاوبوني عليها

[mohmdomar]

1- بيجيلي رسالة check gearbox وانا ماشي والفتيس الاوتوماتك ما ينقلش وبتتظبط لنا اقفل العربية واشغلها تاني
2-فتحة السقف لما بحاول افتحها بتفتح وتقفل علي طول زي ما تكون في حاجة حاشاها
3-مؤشر الينزين بيخرف بيديلي ان التانك فاضي وانا لسة مفول وساعات بيشتغل بس اقصل حاجة بيوصلها النص حتي لو التانك فول
4-المفروض لما ادوس علي زرار الغلق مررتين في الريموت الازاز لو مفتوح بيقفل بس دا مش بيحصل
5-الازاز الكهربا بتاع السواق مش وان تاتش زي الباقي
6- هي عادي ان يبقي فيه نتشة خفيفة ما بين النقلات في الفتيس؟ (مش دايما خصوصا وانا مسرع)

اتمني حد يجاوبني حتي لو مش علي كل الاسئلة وشكرا جزيييلا

[mohmdomar]

7- الـ Automatic Lighting بيفضل شغال في النور

[ecybrarian]

1- بيجيلي رسالة check gearbox وانا ماشي والفتيس الاوتوماتك ما ينقلش وبتتظبط لنا اقفل العربية واشغلها تاني
2-فتحة السقف لما بحاول افتحها بتفتح وتقفل علي طول زي ما تكون في حاجة حاشاها
3-مؤشر الينزين بيخرف بيديلي ان التانك فاضي وانا لسة مفول وساعات بيشتغل بس اقصل حاجة بيوصلها النص حتي لو التانك فول
4-المفروض لما ادوس علي زرار الغلق مررتين في الريموت الازاز لو مفتوح بيقفل بس دا مش بيحصل
5-الازاز الكهربا بتاع السواق مش وان تاتش زي الباقي
6- هي عادي ان يبقي فيه نتشة خفيفة ما بين النقلات في الفتيس؟ (مش دايما خصوصا وانا مسرع)

اتمني حد يجاوبني حتي لو مش علي كل الاسئلة وشكرا جزيييلا

1- لو الرسالة بتيجي مع رسالة تانية Check engine يبقى كويلات ودي بسيطة..عموما انت لازم تكشف بالكمبيوتر لأنها ممكن تكون حاجة تانية غير الكويلات. تكون مثلا سيلينويد فالف

2- غالبا محتاجة تنضيف

3- كهرباي يعمل Rest يرستت مؤشر العوامة...او هاتحتاج تغير المؤشر..المؤشر ممكن يتعير من غير العوامة على فكرة

4 و 5 كدا انت عندك مشكلة في كنترول الزجاج..الكونترول دا بيبقى وحدة زراير الزجاج في باب السواق

6 طبيعي..بس مش طبيعي انها تبقى ما بين كل النقلات

7- الـ Automatic Lighting بيفضل شغال في النور

لو قبل المغربية بساعة كدا مثلا يبقى عادي..لكن في عز الضهرية المفروض مايشتغلش



وبرضة انتظر الخبراء في المنتدى...ممكن يبقى عندهم حلول ادق

[mohmdomar]

الف شكر علي ردك يا ecybrarian

لا الرسالة دي بتيجي لواحدها ولما بتيجي الفتيس مش بينقل غير لما ابطل العربية وادور تاني يشتغل عادي

ياريت لو اي حد يقدر يأكد علينا الاجابات دي

[MohammedAladel]

3_ تكون مبطل العربية وإنت بتفول بنزين .... وبص على الموضوع دا http://www.nilemotors.net/Nile/293058-reset-2-a.html

بالنسبة لخاصية الأضاءة الليلية الطبيعى أنه ينور قبل المغرب بساعة كدا مع غروب الشمس لكن فى عز النهار مفروض ماينورش

[medori]

1- بيجيلي رسالة check gearbox وانا ماشي والفتيس الاوتوماتك ما ينقلش وبتتظبط لنا اقفل العربية واشغلها تاني
اكشف عليها عشان ممكن تكون كذا حاجه، ممكن زيت او سولونيد او حتى تكون فيشه من علبه الفيوزات. شوف الوضوع ده برضه http://www.nilemotors.net/Nile/30777...k-geerbox.html
2-فتحة السقف لما بحاول افتحها بتفتح وتقفل علي طول زي ما تكون في حاجة حاشاها
مقدرش افيدك فى ديه عشان معنديش اى تجارب مع فتحه السقف قبل كده، بس اعتقد ان فى حاجه فى المجرى بتاعتها فالعربيه بتحسها و تقوم قفلاها تانى
3-مؤشر الينزين بيخرف بيديلي ان التانك فاضي وانا لسة مفول وساعات بيشتغل بس اقصل حاجة بيوصلها النص حتي لو التانك فول
اطفى العربيه قبل ما تفول و المفروض ده يظبطها، بس برضه احتمال يكون المؤشر عايز يتعاير تانى عشان المفروض يظبط لما تطفى العربيه و تدور تانى و يقرا صح
4-المفروض لما ادوس علي زرار الغلق مررتين في الريموت الازاز لو مفتوح بيقفل بس دا مش بيحصل
5-الازاز الكهربا بتاع السواق مش وان تاتش زي الباقي
واضح ان صاحب العربيه حصل معاه مشكله فى وحده الرفع و لغاها عشان كده مش بيرفع و كمان السنتر مش شغال
6- هي عادي ان يبقي فيه نتشة خفيفة ما بين النقلات في الفتيس؟ (مش دايما خصوصا وانا مسرع)
انا عربيتى مانيوال فمش هقدر افيدك فى الموضوع ده

اتمني حد يجاوبني حتي لو مش علي كل الاسئلة وشكرا جزيييلا