كويلات رينو ميجان من فاليو أخضر وبنى أصلى

[MohammedAladel]

السلام عليكم

يا جماعة فيه ناس قالت إن كويلات فاليو اللى رأسها خضراء مضروبة

الكلام دا مش صحيح ... فاليو بتعمل النوعين اللى رأسه بنى ودا القديم واللى رأسه خضراء دا الجديد الجيل الرابع ودا بيقولوا إن عالجوا فيه مشاكل الجيل السابق اللى هو لون رأسه بنى وعمره الأفتراضى أطول !!!!

بس دا ميمنعفش إن ممكن يكون فيه كويل مضروب رأسه لونها أخضر

[ahmed_hanafi]

شكرًا للتوضيح

[dedo_ryo]

الاصلي بيبقي مكتوب كل بياناته علي جسم الكويل نفسه حتي بلد الصنع بتبقي علي الجسم الاسود انما اللي المعلومات مكتوبه عالعمه ده التقليد الاصلي العمه لون فقط و اي حد ممكن يشوف الكويل الاصلي عنده في العربيه هيلاقي العمه ملونه بس انما التقليد بيبقي مكتوب عالعمه made in France و علي جسمه فاليو بس و الاصلي الكاوتشه بتاعته من تحت مختوم عليها sagem بس

[MohammedAladel]

يا ممدوح باشا اللى بينزل فى العربية سيجم ... فاليو دا حاجة أحنا بنركبها يعنى مينفعش نقارن بيانات السيجم ببيانات الفاليو


فيه نوع من بوش بس معرفش موجود عند وكيل بوش ولا لأ

[dedo_ryo]

يا ممدوح باشا اللى بينزل فى العربية سيجم ... فاليو دا حاجة أحنا بنركبها يعنى مينفعش نقارن بيانات السيجم ببيانات الفاليو
فيه نوع من بوش بس معرفش موجود عند وكيل بوش ولا لأ

بص انا مش هقولك اني اتشليت و انا عمال بعدي الطباشيره عالكتابه اللي في الجسم الاسود علشان تبان الكتابه و اقولك عليك واحد لا اتنين علشان انا عملت كويلين و بكده بطالب برد واحده من الاتنين و هي بحل مشكلتي مع المروحه و اسيبك مع الصور و شكلي هطلب التانيه فاااااااااااايش

[MohammedAladel]

ههههههههه مش فاهمك

على العموم أنا هسأل عن الكويل بتاع بوش دا لو كان موجود هجيبه

[dedo_ryo]

ده الاصلي اللي نازل في العربيه عندي اللي غيرته ... بص يا سيدي الكنترول مين اللي عامله ؟؟ جنسون صح و عند الفيش مختوم ساجيم يعني جنسون عاملاه ليتوافق مع مواصفات ساجيم
نفس الكلام رينو مبتعملش كويلات بس بتطلب من فلان يعملها كويلات باسمها و في حالتنا دي فاليو و متوافق مع مواصفات ساجيم بس و زي ما هي بتعمله طلبه بتعملك انت كمان وصلت يا كبير و انا قلقان ان الكويلات البوش يا تعمل مشاكل يا متكونش اصلي زي الخضر اللي بنجيبهم و ياريت تفك كويل من الاصلي بتوعك و تقولنا مين المصنع بتاعه لان انا بتاعي النبيتي او البني و انت الرصاصي او الاخضر اللي بعدي

[MohammedAladel]

بص يا باشا فيه أكتر من شركة بتعمل وحدات الأشعال

بس اللى أعرفه إن اللى بيركب فى ميجان الستوك هو سيجم الفرنساوى ورأسه لونها رمادى

اللى احنا بنغيره بيبقى فاليو أبو رأس أخضر أو بنى زى اللى انت جايبه فى الصورة

البوش بيتوافق مع الرينو بس فين تلاقيه يا باشا


جايز يكون ميجان نزلت بكويلات فاليو برضه بس اللى أنا واثق منه أن عربيتى نازلة بالكويل السيجم دا

[MohammedAladel]

بالنسبة للكنترول .... فيه مكون من سيجم ومكون من جونسون كونترولز لكن مش جونسون عاملاه ليتوافق مع سيجم

[dedo_ryo]

طيب انا هقولك حاجه انا سألت في فرع رينو سان استيفانوا عن الكويل الاصلي ابو 500 فاليو و ممكن تتأكد بنفسك من اقرب فرع لرينو و يا سيدي ... بسيطه فك كويل من اللي عندك الاستوك و عدي علي الكتابه طباشيره و قولي مين الصانع بتاعه علشان لو ساجيم انا هبعت لرينو فرنسا و اقولهم ان التوكيل بيحط كويلات من ماركه غير الاصلي اللي بتبقي نازله في العربيه علي انها الاصلي و بسعر الاصلي

[MohammedAladel]

هههههههه ....على فكرة مش شرط يحط لك الحاجة اللى بتنزل فى العربية ... ممكن يحط لك فاليو

وعلى فكرة برضه رينو الأم نفسها بتتعامل مع فاليو وسيجم مش هتفرق يعنى والاتنيين أصليين

ولو حطلك بوش برضه اصلى ... نفس الموضوع بالنسبة للفلاتر والزيوت والتيول فيه أكتر من شركة بتعمل لنفس العربية وك لهم أصليين

[dedo_ryo]

المهم البوش ده صناعه ايه و لو اصلي من توكيله بيبقي عليه ضمان ولا لا و متنساش تبص علي موضوع المروحه اللي عندي اه ياريت تبعتلي عالخاص السرعه الاولي بتشتغل امتي و التانيه امتي و حاجات المروحه كلها

[MohammedAladel]

البوش دا صنع للحياة صناعة ألمانية فيه حد ميعرفش شركة بوش العملاقة الرائدة

قولى صح لما جبت البوجيهات كان نوعها إيه وجبتها مظبوطة ولا ضبطتها ؟؟

[dedo_ryo]

لا مظبوطه و الاسم نسيته بس اول ماروح عند العربيه هعرفلك الاسم و ابعتهولك
و علي فكره مش كل ما كتب عليه بوش يبقي اصلي خد بالك في البيجو اتخميت في طقم بوجيهات 3 شمعه بمبلغ و قدره علشان كده قلت اقولك و متنساش المروحه لاني مش بحرك العربيه بسببها

[MohammedAladel]