مشمشكلة جديدة ياجماعة ارجو المساعدة

[abasse]

بقالي مدة العفشة تعبانة عندي شوية فقولت استني عليها شوية
الجديد والي خايف يكون مهم
* في صوت خبطة بحسها في الطالع والنازل علي الدائري مثلا حد يعرف دي ممكن تكون ايه مساعد ولاجلب ولا ايه
*وكمان في هزة كدة في العربية خصوصا اما امشي من ٧٠ الي ٩٠ بحس ان الماتور بيتهز غير كده ما بتظهرش ممكن تكون حاجه في القواعد ولا في الفتيس
متأسف علي الإطالة وافيدوني افادكم الله

[MohammedAladel]

الخبطة الأول تربط عفشة ... هى ليها أكثر من احتمال ممكن المقص ... ممكن البطاحة

حركة الموتور دى ممكن تكون بسبب كويل كفاءته بدأت تقل أو أكثر من كويل ..... ولو كويل شوية كمان قدام ه تبقى الهزة على السلانسيه وممكن تلاقى العربية بتخسع منك على الطريق ومش راضية تسحب ...


طبعا فيه ا حتمالات تانية زى قواعد الموتور :)

[Marlboro011]

ربنا يبارك فيك يا استاذ محمد ومايحرمناش منك والله بجد احترام وتقدير وكفاءه عاليه

[abasse]

الخبطة الأول تربط عفشة ... هى ليها أكثر من احتمال ممكن المقص ... ممكن البطاحة

حركة الموتور دى ممكن تكون بسبب كويل كفاءته بدأت تقل أو أكثر من كويل ..... ولو كويل شوية كمان قدام ه تبقى الهزة على السلانسيه وممكن تلاقى العربية بتخسع منك على الطريق ومش راضية تسحب ...
طبعا فيه ا حتمالات تانية زى قواعد الموتور :)

انا متشكر جدا
هربط العفشة واشوف بس فية سوال لو احتمال تبقي جلب اشتري المقصات علي بعضها ولا في حل تاني اصل للاسف بخاف اشتري حاجات من برة اتوكيل معظمها ما بيعش كتير
بس قواعد الماتور انا لسة مغير الاتنين الي تحت الي فوق هبص عليها
وهبص علي الكويلات انا كنت خايف تطلع حاجة في الفتيس

[abasse]

الشكور موصول لكل الاعضاء انا رحت للمكانيكي والرجة الي كانت عند ال 80طلعت فعلا من الكويلات في عندي 3بيضربوا بره وبيشوروا عقلهم المهم اشتريت واحد من التوكيل بصراحة تعبت من الي بره كل 5شهور اغير واحد الرجة راحت وربنا يسهل واغير الباقي قريب

المهم انا بصدد ( حلوه بصدد ديه) اغير علبة الدركسيون لان زهقت من مزيكة حسبالله الي عندي ومش عايز الموضوع يوصل للمقصات والبطاحات
السوال المهم بقي عشان انا طولت جدا
حد جرب العلبة الي برة ورأيه فيها ايه وممكن تستحمل اد ايه اصل بفكر اجبها من التوكيل رأيكوا ايه؟
واشكرا تاني للوحوش

[Ahmed Selim]

حاول تشوف علبة أستيراد تكون حالتها نضيفة........

أنا فاكر أن حد أشتراها قبل كده من برة بس مش فاكر مين و مش فاكر تجربته معاها عاملة أزاي.

[solly1979]

الشكور موصول لكل الاعضاء انا رحت للمكانيكي والرجة الي كانت عند ال 80طلعت فعلا من الكويلات في عندي 3بيضربوا بره وبيشوروا عقلهم المهم اشتريت واحد من التوكيل بصراحة تعبت من الي بره كل 5شهور اغير واحد الرجة راحت وربنا يسهل واغير الباقي قريب

المهم انا بصدد ( حلوه بصدد ديه) اغير علبة الدركسيون لان زهقت من مزيكة حسبالله الي عندي ومش عايز الموضوع يوصل للمقصات والبطاحات
السوال المهم بقي عشان انا طولت جدا
حد جرب العلبة الي برة ورأيه فيها ايه وممكن تستحمل اد ايه اصل بفكر اجبها من التوكيل رأيكوا ايه؟
واشكرا تاني للوحوش

انا مغيرها من سنه ونص
كانت ساعتها فى التوكيل اصلى ب 3200 او 3600 مش فاكر بصراحه ضمان سنه
وفرنش موتورز كانت عندة ب 2200 تركى ضمان 6 شهور غير التركيب 250
اشترتها من دمشق ب 1350 التركى من عطيه الاسكندرانى ومغيرها فى مركز معتمد ب 250 جنيه
وماشى بيها 20 الف لغية دلوقتى زى الفل الحمدلله

المقصات فى صقر قريش ب 220 الواحد لسه سأل عليه من اسبوع علشان انا عايز اغير ال 2 ان شاء الله

[MohammedAladel]

أحنا عايزين نجيب كويلات بوش يا جماعة .... هى دى الحل الأمثل أحسن من السيجم والفاليو


حاجة كمان أحب أنوه عليها نوع البوجيه بيفرق فى عمر الكويل يا جماعة يا ريت قبل ما نركب البوجيه نتأكد من إن ثغرته 0.9 مللى

[abasse]

انا مغيرها من سنه ونص
كانت ساعتها فى التوكيل اصلى ب 3200 او 3600 مش فاكر بصراحه ضمان سنه
وفرنش موتورز كانت عندة ب 2200 تركى ضمان 6 شهور غير التركيب 250
اشترتها من دمشق ب 1350 التركى من عطيه الاسكندرانى ومغيرها فى مركز معتمد ب 250 جنيه
وماشى بيها 20 الف لغية دلوقتى زى الفل الحمدلله

المقصات فى صقر قريش ب 220 الواحد لسه سأل عليه من اسبوع علشان انا عايز اغير ال 2 ان شاء الله

ألف شكر هى فعلا دلوقتى ب 3350 من غير الضريبة طيب أنتا شايف فيه فرق بنها وبين الأصلى وبخصوص المقصات هما بيعملوا معاك أيه ولا عشان الجلب

أحنا عايزين نجيب كويلات بوش يا جماعة .... هى دى الحل الأمثل أحسن من السيجم والفاليو


حاجة كمان أحب أنوه عليها نوع البوجيه بيفرق فى عمر الكويل يا جماعة يا ريت قبل ما نركب البوجيه نتأكد من إن ثغرته 0.9 مللى

البوش جبتة من شهر من دمشق ب 350 تقريبا

[MohammedAladel]

طيب وإيه الأخبار ؟؟ بيبوظ برضه ؟؟

[abasse]

بقالوا شهر بس هوا والأصلى الى جايبه هما الى شغلين كويس

[abasse]

طيب ياجماعة محدش جرب تاني العلبة الي برة بصراحة انا خايف اشتريها وسنة والقيها جابت جاز
ارجوكم الي جرب العلبة الي بره يقولنا ايه نظمها كده بعد سنة

[solly1979]

[QUOTE=abasse;3874807071]ألف شكر هى فعلا دلوقتى ب 3350 من غير الضريبة طيب أنتا شايف فيه فرق بنها وبين الأصلى وبخصوص المقصات هما بيعملوا معاك أيه ولا عشان الجلب



انا قبل مركب اى حاجه بلف كويس رحت فرنش موتورز لقيهم بيركبوا التركى ب 2200 بس بضمان 6 شهور
رحت واخد القرار على طول وشارى من برة التركى بردة المهم تشترى من حد موثوق فيه
و الحمدلله بقالها سنه ونص بس اغلبهم العربيه مركونه انا بسافر كتير بس ماشى بيها 20 الف لغية دلوقتى وصوت الشغلله الى فى المطبات الصغيرة بينتهى بعد العلبه الجديدة
بخصوص المقصات فعلا علشان الجلب ومش بيعملوا حاجه بس علشان مش عايز تأثير على حاجه تانيه
والمبلغ مش كبير يعنى الواحد ب 220 اول الكلام