ارجو النصيحة بخصوص ميجان~٢

[afakhry1]

الحمد لله ربنا وفقنى واشتريت رينو ميجان ٢ موديل ٢٠٠٩ بحالة الفابريقة basic line Automatic بسعر ٨٠٠٠٠ جنيه عداد ٤٦٠٠٠ كم من فضلكم انصحونى هل هذا السعر مناسب
ارجو التكرم بقبولى فى جروب وحوش الرينو

م علاء فخرى

[ahmed_hanafi]

ربنا يبارك لك فيها ويديك خيرها ويكفيك شرها .....اعتقد ان السعر دة كويس

[solly1979]

مناسب جدا ماشاء الله
ربنا يبركلك فيها

[MohammedAladel]

مناسب جدا شوف حضرتك اللى السعر دا يجيبلك إيه زيرو ميجيبلكش بيكانتو فول أوبشن :)

العربية ماشية قليل ... موديل قريب .... ربنا يبارك لك فيها

نصيحة بقى أهتم بمواعيد الصيانة وراعيها أول بأول .... مش لازم تعمل صياناتك فى التوكيل بس شغل مضمون مفيهوش كلام

ممكن تعمل صياناتك الدورية عند أى ميكانيكى فاهم برا لو عايز أسعار مصنعية وقطع غيار أقل

وألف مبروك على العربية الجميلة

[medo99_pc]

معقوله ربنا يباركلك فيها ويكفيك شرها

[وائل مختار]

لو حالتها كويسه وصيانتها منتظمه في التوكيل يبقى سعرها كويس وربنا يباركلك فيها هى عربيه رائعه

[afakhry1]

معلش ياءخوانى حتعبكم معايا انا اريد من سكان القاهرة الجديدة وكنت حابب اعرف اذا كان اى شخص يعرف محل قطع غيار ميجان فى مدينة نصر اة الحرفيين يبقى ياريت يقولى وكمان ميكانيكى ميجان يبقى كده فل افل اوىز وعندى مشكلة تانية اريد تغيير للمبة السبويلر الخلفى وجميع للمض الفانوسان الامامى ممكن النصبحة ازاى واه هو نوع اللمض
مع الشكر واسف انى ازجعت وحوش الرينو.

[Marlboro011]

ياريت المكانيكى ومحل قطع الغيار لانى عاوز اركب زينون وليدات واعمل شويه شغل فى الفوانيس وياريت الميكانيكى يمكن عمل صيانه عنده ومتااااااااااااااااااابع الردود

[تامر.محمد]

بالنسبة للعربية فألف مبروك , و ياااااااااااااا رب تكون كشفت عليها كويس
بالنسبة للسعر فانا شايفه معقول جدا

بالنسبة لقطع الغيار , استيراد و جديد في صقر قريش المعادي
بالنسبة للكهربائي انا اتعاملت مرة واحدة مع واحد في صقر قريش برده و كان شكله معقول ممكن اوصفهولك لو تحب و لو انه هايبقى صعب لأن الشوارع هناك ملعبكة ههههههههههه , لو كده ممكن اتشرف بمقابلتك هناك في يوم و اوديك

بالنسبة للميكانيكي , الوحيد اللي عرفته كويس برة التوكيل طارق في الهرم

انا مقيم قريب منك في زهراء مدينة نصر و شغلي في المعادي و تحت امرك في اي حاجة :)

[MohammedAladel]

يا جماعة فى كل حتة فى القاهرة فيه قطع غيار للعربية .... إنتو مش بتلفوا فى القاهرة ولا إيه ... دا شارع دمشق دا لوحده ملغم بقطع الغيار ... بس أسعارهم خيالية شوية

العربية قطع غيارها منتشرة فى أنحاء القاهرة بكثرة أنا كنت بلف فى القاهرة وماشى و خلاص زى العبيط ومش عارف أنا رايح فين وجاى منين

الناس حسبى الله ونعم الوكيل توهونى كتير أنا اتبهدلت الله خصوصا فى مصر الجديدة ... واتبهدلت أكتر من كم العربيات البى أم والمرسيدس من كل الفئات والأحام والأنواع حسيت إن ميجان كنبة بصراحة

[Moratoz]

مبروك وئل اعرفه ان قطع غيار وميكانيكيه موجودة كمان في صقر قريش بالمعادي

[ahmed_hanafi]

عليك وعلي صقر قريش يا باشا هتلاقي كل اللي انت عايزه

[afakhry1]

بالنسبة للعربية فألف مبروك , و ياااااااااااااا رب تكون كشفت عليها كويس
بالنسبة للسعر فانا شايفه معقول جدا

بالنسبة لقطع الغيار , استيراد و جديد في صقر قريش المعادي
بالنسبة للكهربائي انا اتعاملت مرة واحدة مع واحد في صقر قريش برده و كان شكله معقول ممكن اوصفهولك لو تحب و لو انه هايبقى صعب لأن الشوارع هناك ملعبكة ههههههههههه , لو كده ممكن اتشرف بمقابلتك هناك في يوم و اوديك

بالنسبة للميكانيكي , الوحيد اللي عرفته كويس برة التوكيل طارق في الهرم

انا مقيم قريب منك في زهراء مدينة نصر و شغلي في المعادي و تحت امرك في اي حاجة :)

أنا متشكر حضرتك جدا لردك الجميل هو بس فيه استفسار محل قطع الغيار اى فى صقر قريش اسعار قطع غيارة حلوة ياريت النصيحة ولو حلوة من فضلك قولى العنوان ازاى اروحة وربنا يجازيك كل خير:b4_007:

[afakhry1]

اسعار قطع غيار اشتريتها من محل فى مدين نصر مشعارف كويسة ولا غالية اول مرة اشترى قطع غيار رينو وهى كالاتى:

طرمبة مياة 450
فلتر بنزين فيه 30 وفيه 60 انا اشتريت 60
سير دينامو 120
بوجيهات 90
طقم كاتينة بلبلية تقريبا 420 اعتقد مشفاكر اوى بصراحة
اربع فرد كاوتش contnintal made in France الفردة 540 جنيه مقاس 15 محل فى زهراء مدينة نصر
فلتر هواء 120 جنيه
للمبة سهارى فانوس امامى made in germany جنيه 10

[afakhry1]

تيل فرامل اسبانى ماركة رمسا 260 جنيه
طنبورة اماى ماركة رمسا الواحدة 400 جنيه