هل فى ميجان اعلى فئه بانوراما من غير مثبت سرعه

[solly1979]

الف شكرا لسيادتك على الرد السريع اللى طمنى شويه وفعلا كل الحاجات دى رفايع بس المشكله عندى ازاى بانوراما من غير مثبت سرعه وعلى فكرا انا وصلت ٥٣٥٠٠ فقلت اخدها واظبت الرفايع دى واخليها تمام بس انا فعلا كنت محتاج المثبت بتاع السرعه دا

السعر دة مش بتاع 2006 بانوراما نضيفه
انا مرة كنت بتفرج مع واحد صاحبى على بانوراما مكنتش فيها مثبت سرعه بس لاقيت الزرار الى فى التابلوة بتاعها
لما التاجر حس انى فاهم قالى اصلها مغيرة طارة خالى بالك الميجان المتهانه متجبهاش ببلاش اصلا

[Marlboro011]

انا بقول كدا والف مليون شكر على الافاده فعلا لا خاب من استشار

[hpxp]

بصوا يا جماعه سبحان الله
صاحب الموضوع طلع شاف عربيه صاحبي فانا هكلمك عنها شويه
العربيه دي لحد من شهر عفشتها ضايعه وبتسخن وكانت بتزيق
وهما عملو فيها الاتي
1- غير العفشه وصرفوا حوالي 6000 الاف جنيه
2- غيرو اربع فرد كاوتش
3- غيروا التيل ورا وقدام\
4-غير زيت الفتيس والماتور
6- السيور والبوجيهات
________________
لكن بقي نيجي للعربيه من جوة
انا معايا صور للعربيه بكل حاجه فيها هبقي استاذن من صاحبي واحطهلكم
العربيه من جوة زرار المريات وقع علشان صاحبي ايده طارشه شويه
بتاعت السقف كانت مكسورة علشان كنا في زفه والي قاعد قدام سخن وحب يطلع منها قام لابس في الزرار كاسرة
الفرش عايز يتظبط عند سروجي وفرش الارضيه وفرش السقف عايز يتظبط من ناحيه السقف
البربريز كنا راجعين من الدرس وماشين تحت عمارة بتبني خدله طوبه عملت شرخ الباشا سابه لحد اما جاب الازاز كله
العربيه تقريبا في حدود ال150 الف كيلو
وشو ايه المطلوب تاني وانا اقلكم عليه علشان انا عارف الي فيها كله العربييه دي عشرة سنتين يا جماعه :))
وان شاء الله صور الصالون هحطهلكم بس هيا من رمضان الي فات لكن باقي العربيه زي ما قولت هستاذن صاحبي
____________________________________________
نيجي بقي لناحيه السعر
عمو هشام كان طالب فيها قبل ما يظبطها 50 بالظبط وبعد التظبيط طلب 60 بعديها نزل 55 مش عارف ليه
والعربيه الفئه بتاعتها الي هيا بانوراما من غير فرش جلد وهما اشتروا الفرش من التوكيل وركبوة
واس استفسار انا تحت الامر