صور قواعد موتور وفتيس رينو ميجان

[MohammedAladel]

السلام عليكم

عندنا فى ميجان 3 قواعد للموتور والفتيس

الأولى من فوق على شمالك وأنت واقف وفاتح كبوت العربية هتشوفها كويس لو الفبرة اللى مغطية قربة المياه وكلنا عارفينها طبعا ودى أغلى قاعدة فيهم متهيقلى عاملة 170 جنيه



فيه قاعدة تانى للفتيس تحت البطارية تقريبا ... ودا شكلها عاملة حدود 90 جنيه





تالت وآخر حاجة شداد الموتور عامل حدود 100 جنيه ودا بييبقى تحت العربية لو نزلت تحت العربية من قدام فى النص كدا هتشوفه وعايزك تعمل حركة كدا تشد فرامل اليد وتخلى حد يركب العربية ويجيب الفتيس على ال d وبص كدا هتلاقيه بيتهز هو دا شداد الموتور

[MohammedAladel]

العلبة الخضراء اللى فى الصور دى علبة كويلات :)

[ahmed_hanafi]

تسلم ايدك يا باشا ....

[mohmdomar]

طيب لو العربية بتتهز كدا شوية سواء مع التكييف او من غيره, وسواء مديلها n او d دا يبقي عيب انهي قاعدة؟

[Shiref_mohamed]

تسلم ايدك يا محمد

[Ahmed Selim]

تسلم أيدك يا محمد بك..........بس بصراحة الأسعار تقلق.

أنا شايفها رخيصة بزيادة و غالباً الكلام ده هينعكس على الجودة.

و الحاجات دي تحديداً المفروض تكون جودتها ممتازة علشان مش كل شوية هتفك و تغير.

[S O P H O S]

مشكورر يا باشا ..

[MohammedAladel]

تسلم أيدك يا محمد بك..........بس بصراحة الأسعار تقلق.

أنا شايفها رخيصة بزيادة و غالباً الكلام ده هينعكس على الجودة.

و الحاجات دي تحديداً المفروض تكون جودتها ممتازة علشان مش كل شوية هتفك و تغير.

الأسعار دى بعد الغلاء يعنى اللى ب 100 كانت ب 75

على فكرة يا صديقى فى القاهرة الناس بتشمط وبيسرقوا سرقة بشعة بصراحة بالذات فى شارع دمشق

القطع دى هى اللى بتبقى متوفرة عند كل الناس وتركية

أنا شفت وقارنت بنفسى ....


نفس القطع هتلاقيها فى محلات تانية بأسعار اعلى بكتير ... و نفس الحاجة ... بس الضمير ينعدم للأسف

الاتنين بيكسبوا مكسب كويس جدا

بس واحد بيكسب بالحلال والتانى بيكسب بالحرام

أنا سألت راجل من البياعين قال لى متروحش شارع دمشق دول شماطين وميعرفوش ربنا ورحت وصدق بالفعل

فى كل حاجة الأسعار أعلى وأغلى

[MohammedAladel]

طيب لو العربية بتتهز كدا شوية سواء مع التكييف او من غيره, وسواء مديلها n او d دا يبقي عيب انهي قاعدة؟

شوف الكويلات الأول

الكويلات بتعمل الرجة دى ... بتعمل هبدة مع النقل بتبان مع النقل من الغيار الأول للثانى كمان

[mohmdomar]

شوف الكويلات الأول

الكويلات بتعمل الرجة دى ... بتعمل هبدة مع النقل بتبان مع النقل من الغيار الأول للثانى كمان

انا فعلا بحس بهبدة بس ماعتقدش انها كويلات والا كنت هلاقي الماتور كأنه مرتل وبيترج جامد بس عندي مش كدا لما بفتح الكابوت بلاقيه ثابت مكانه كويس ومش بيترج.. انا شاكك في قعدة الماتور, ولا انت ايه رأيك؟

[Ahmed Selim]

الأسعار دى بعد الغلاء يعنى اللى ب 100 كانت ب 75

على فكرة يا صديقى فى القاهرة الناس بتشمط وبيسرقوا سرقة بشعة بصراحة بالذات فى شارع دمشق

القطع دى هى اللى بتبقى متوفرة عند كل الناس وتركية

أنا شفت وقارنت بنفسى ....


نفس القطع هتلاقيها فى محلات تانية بأسعار اعلى بكتير ... و نفس الحاجة ... بس الضمير ينعدم للأسف

الاتنين بيكسبوا مكسب كويس جدا

بس واحد بيكسب بالحلال والتانى بيكسب بالحرام

أنا سألت راجل من البياعين قال لى متروحش شارع دمشق دول شماطين وميعرفوش ربنا ورحت وصدق بالفعل

فى كل حاجة الأسعار أعلى وأغلى

طيب أنت الأسعار دي جبتها منين ؟

[MohammedAladel]

مش هقول لك يا صديقى العزيز

[Ahmed Selim]

مش هقول لك يا صديقى العزيز

ليه كده يا صديقي ؟

ده أنا داخل على صيانة ال 120 كمان أسبوع و شوية شوية هلم تبرعات :)))

[medori]

الاسعار ده فين يا محمد؟ الحاجات كده رخيصه جدا، تقريبا نص التمن!! انا لسه مغير القاعده التانيه الكاوتش ده و الشداد من اسبوع فى الحرفيين، كل حاجه فيهم ب 150 جم

[MohammedAladel]

ليه كده يا صديقي ؟

ده أنا داخل على صيانة ال 120 كمان أسبوع و شوية شوية هلم تبرعات :)))

خلاص أذا كان كدا ماشى ..... بهزر معاك يا صديقى وأخى العزيز :b4_007:

بصوا يا جماعة فيه أكتر من واحد فى عين شمس أسعارهم هتبقى أرخص من شارع دمشق غالبا

زى رينو عين شمس ... بيبيع بالأسعار دى بس الواضح إنه بدأ يغير من أقرانه ويغلى الأسعار


أنا بجد لو فى القاهرة كنت قلبتها شارع شارع ولفيت على كل المحلات وقارنت الأسعار


على فكرة مش زى ما الناس بتقول قطع غيار رينو يعنى صقر قريش والحرفيين بس ... لأ فى كل حتة فى القاهرة بيبقى فيه قطع غيار للعربية

أنا شفت قطع غيار فى حتة قريبة من العتبة بصراحة أنا كنت ماشى فى الشوارع وبس كدا مش عارف أنا ماشى فين

لقيت نفسى دخلت من العتبة فى التوفيقية وشارع الجمهورية ورحت باب اللوق كنت بسأل الناس بس كتير توهونى وقليل اللى أرشدنى صح