مطلوب ميجان موديل 2009 أو أجدد ، كم قليل ، أوتوماتيك هاى لاين

[تامر.محمد]

طب ما فيه ناس بتقول برده لو عاملت البيجو كويس حتبقى عربية محترمة جدا و لا انت إيه رأيك؟

لو البيجو اي بيجو فانا مش هافتي
لو ال307 , فكل ما اقابل حد كانت معاه يقول لي نفس كلام الزميل العضو بالظبط

[MohammedAladel]

أنا لو معايا عدة كاملة وكتالوج أصلاحات مفيش ميكانيكى فيكى يا مصر ولا حتى التوكيل هيشوف عربيتى :)

من فن صناع السيارات وعلمهم إنهم بيحددوا العمر الافتراضى للقطعة اللى بيصنعوها ولما تبوظ إزاى المستهلك ميعرفش يصلحها تانى يعنى الحاجة اللى تبوظ ما تعرفش تصلحها بس أحنا كمصريين بنخترعلها حاجة بس مش فى كل حاجة بتنفع للأسف

الفكرة كلها لو بصيت لأى عربية هتلاقى أعطال عدة للعربيات بتختلف من شخص لآخر لكن كل العربيات أعطالها متقاربة لو فرضنا إن نفس الشخص بيستخدم نفس العربيات

الانتشار كمان ليه دور كبير والتكنولوجيا اللى فى العربية كمان ومدى تكيف المستهلك معاها

معقول مثلا كورولا مبتعطلش ( الشكل القديم المشهور بقلة الأعطال ) ؟ أنا شفت ناس بتغير كمبرسور وناس غيرت طرمبة بنزين وحاجات كتير بتعطل فى العربية

بس انتشار العربية هو مبدأ حكم الناس على العربية فى مصر لأن الناس اتعودت خلاص على كام موديل لكام ماركة وباقى الماراكات مش تبعنا

تيجى بقى لما تعطل الكورولا محدش بيتكلم ويقول إن الكورولا عطلت ليه ؟ لأن فى كل حتة قطع غيار متوفرة فيه تقليد كتير بس برضه ليها عامل نفسى عند المستهلك لما عربيته تتصلح فى مكان قريب منه عند أى ميكانيكى ( ويبقى صاحب العربية معندوش وعى ميكانيكى بتبقى عنده بالدنيا وما فيها )

ولو بصينا للأجزاء اللى بتعطل فى العربيات هنلاقى ليها بدائل بجودة أعلى متوفرة فى السوق ممكن نتلاشى الأعطال دى
وبتبقى اغلبها أعطال لحاجات استهلاكية وهما بيصنعوها محددين المدى بتاعها

لذلك أنا لو كان ليا نصيب وربنا كرمنى وجيت أشترى عربية فى المستقبل خاصة بى مش هشترى عربية المصريين بيموتوا فيها :)

[iaibrahim]

اوافق تماما الاستاذ محمد انا معايا 2005 وتعبت جدا فى الاول ولكن بعد ما عرفت ميكانيكى قريب منى فى الهرم وعنده ضمير اصبحت العربيه مريحه جدا ومشاكلها كلها عاديه وقطع الغيار ليست غاليه نظرا لانها معمره واى عربيه تحترمها تحترمك والآن ان مستنى اى فرصه واغيرها بموديل حديث او زيرو وربنا هو المستعان

[dedo_ryo]

يا جدعان الشركه ( بيجو ) اعترفت ان الفتيس كان معيوب لان مش هي اللي كانت بتصنعه حتي 2008 كانت بتجيبه تركبه علي ماكيناتها و عيب الفتيس في 406 و 307 عايزين ايه تاني من عربيه الجيربوكس في التوكيل ب 44 الف غير شامل التركيب و بالرغم ان الشركه اعترفت بالعيب ده مغيروش الجير للسيارات المتضرره من عيب الصناعه ده

[ahmed_hanafi]

ربنا يوفقك وتلاقي حاجة كويسة ....بس اكشف عليها في التوكيل كويس

[akahky]

الحمد لله يا شباب ربنا وفقني في ميجان 2008 هاى لاين اكستريم و حالتها كويسة الحمد لله. يا ريت نصايحكم بقى في مراكز الصيانة و قطع الغيار و ألف شكر على مساعدتكم.

[MohammedAladel]

ألف ألف مبروك

لو العربية متابعة فى التوكيل قول لى آخر صيانة كانت أمتى

لو عايز تكمل صيانات مع التوكيل وتدفع أكتر كمل

لو عايز تعمل نفس الشغل وبسعر أرخص ممكن برضه برا التوكيل

بس الحق يقال مفيش أضمن من التوكيل فى التعامل

بس لسة الدنيا بخير برضه :)

أى حاجة تحت أمر حضرتك

بالمناسبة جبتها بكام وهل بانوراما ولا لأ ؟؟ المفلروش الإكستريم دى بانوراما

وألف ألف مبروك ربنا يبارك لك فيها

[تامر.محمد]

الف الف مبروك , و يا ريت لو تقدر تصور لنا الفروق بين الاكستريم و العادية :)

[medo99_pc]

الله يديك خيرها ويكفيك شرها

[akahky]

الله يديك خيرها ويكفيك شرها

ربنا يخليك يا باشا، كلك ذوق :)

[akahky]

الف الف مبروك , و يا ريت لو تقدر تصور لنا الفروق بين الاكستريم و العادية :)

الله يبارك فيك يا باشا، هي هاى لاين بانوراما و الفرش بتاعها رياضي شويه وفيه رسومات بالأحمر على خفيف كدة و نواكل داخلية و العتب مكتوب عليه ميجان من جوة و الباب اليمين من ور مكتوب عليه etreme.

[akahky]

ألف ألف مبروك

لو العربية متابعة فى التوكيل قول لى آخر صيانة كانت أمتى

لو عايز تكمل صيانات مع التوكيل وتدفع أكتر كمل

لو عايز تعمل نفس الشغل وبسعر أرخص ممكن برضه برا التوكيل

بس الحق يقال مفيش أضمن من التوكيل فى التعامل

بس لسة الدنيا بخير برضه :)

أى حاجة تحت أمر حضرتك

بالمناسبة جبتها بكام وهل بانوراما ولا لأ ؟؟ المفلروش الإكستريم دى بانوراما

وألف ألف مبروك ربنا يبارك لك فيها

الله يبارك فيك يا باشا، هى بانوراما هاى لاين و أخر صيانة 60000 كم و جبتها ب 82 ألف و يا ريت لوفيه أى مساعدة.

[MohammedAladel]

صيانة ال 60 مهمة جدا بس العربية دلوقتى ماشية قد ايه دلوقت ؟؟

[akahky]

صيانة ال 60 مهمة جدا بس العربية دلوقتى ماشية قد ايه دلوقت ؟؟

ماشية 69 ألف.

[MohammedAladel]

بص حضرتك بعد ألف كيلو هتغير زيت ان شاء الله وياريت تنضف فلتر الهواء

ولو عايز تتابع مع التوكيل أو مركز خدمة يبقى أفضل ولو عايز تتعامل مع صنايعية برا مفيش مشاكل برضه ولو عايز تعمل شغل بنفسك ف العربية شغااااااال برضه

دلوقتى حضرتك تبص بصة فى اللنك دا عشان تشوف الصيانات ا لدورية والحاجات اللى بتتغير فى العربية servicve prices