تغيير فلتر بنزين ميجان بنفسك ( سهل جدا )

[MohammedAladel]

السلام عليكم

فلتر بنزين العربية فى موديل 2007 اللى معايا الوكيل موجود فى الجنب الشمال من العربية تحت الباب الخلفى قدام الكاوتش الخلفى من تحت مباشرة

فلتر البنزين بيبقى فيه خرطومين راكبين فيه واحد جاى من تانك البنزين والتانى رايح للمحرك

فلتر البنزين عليه سهم مؤشر كدا لاتجاه سريان البنزين عند نقطة بداية السهم دا مدخل البنزين للفلتر عند قاعدة الفلتر

ورأس المؤشر نفسه اتجاه سريان البنزين بتؤدى للفتحة الخارجة للبنزين من الفلتر عند وش الفلتر بيبقى فيه غطاء مدور دا اللى هو وش الفلتر

طيب التركيب أزاى ؟؟ الفلتر راكب بشكل أفقى

هتبص تحت العربية على الفلتر القديم هنلاقى وش الفلتر باصص ناحية الكاوتش الخلفى معنى كدا إن الخرطوم اللى راكب فيه اللى هو الخرطوم الخلفى إنه الخرطوم اللى رايح للموتور

نبص لقاعدة الفلتر وللخرطوم اللى فيها اللى هما باصين للكاوتش الأمامى فى العربية ودا الخرطوم اللى جاى من تانك البنزين على الفلتر مباشرة


يعنى الخرطوم اللى ورا هو الخرطوم اللى رايح للمحرك والخرطوم اللى قدام هو الخرطوم اللى جاى من تانك البنزين

كل خرطوم فيه فيشة فيها زرارين من فوق ومن تحت بنضغط عليهم ونجيب مفك ونحاول نطلع بيه الفيشة لأنها بتبقى ماسكة كويس صعب تشدها بإيدك

نعمل كدا مع الخرطومين ..... طبعا هنلاقى شوية بنزين نزلوا على الأرض خلى بالك عشان متغرقش نفسك وعشان ضغط البنزين ممكن يطير بسرعة

بعدين بتسحب الفلتر من الحلقة اللى راكب فيها وتركب الفلتر الجديد زى ما الفلتر القديم كان راكب بالظبط وتضغط الخراطيم فى أماكنها كويس جدا لازم تسمع صوت التكة بتاع الفيشة بعد ما تركبها عشان تتأكد إنها دخلت فى مكانها

الصورة دى للتوضيح يا جماعة أنا مشاور بالأحمر على وش الفلتر اللى راكب فيه الخرطوم اللى رايح للمحرك ودا بيبقى باصص على الكاوتش الخلفى
ومشاور بالأخضر على الفيشة اللى فيها زرارين بنضغط عليهم عشان نطلعها
ومشاور بالأرزق على قاعدة الفلتر اللى هى باصة على الكاوتش الأمامى للعربية واللى بيركب فيها الخرطوم اللى جاى من تانك البنزين




بالنسبة لتنظيف الفلتر فهى عملية لا تصلح إلا مؤقتا يا أصدقاء لأن كل حاجة ليها عمر افتراضى والفلتر بيتملى شوائب

بس لو عايز تنظفه مؤقتا هتعملى الآتى

بعد ما تفكه بيبقى جواه شوية بنزين حط صوابعك الاتنين على فتحات الفلتر ورجه جامد وبعدين سيب البنزين ينزل من الفتحة اللى بيدخل منها البنزين من التانك ( اللى هى عند قاعدة الفلتر ) وأنفخ فيها ببقك بسرعة
هتلاقى البنزين لونه أسود

وصل الفيش فى الفلتر تانى من غير ما تركبه ومن غير ما تضغط الفيش على الآخر ودور مارش مرتين كدا وأنزل

حوش منه الفيشتين هتلاقيه اتملى بنزين تانى وكرر الى عملناه قبل كدا وركبه تانى دى أفضل طريقة لتنظيفه مؤقتا


طبعا أنا مرضتش أقول لكم إنك تحط بنزين فى الفتحة الخارجة من الفلتر والبنزين ينزل من الناحية اللى بيدخل منها عشان أنت مش ضامن نقاء البنزين اللى انت بتحطه فى الفلتر

[akmm]

شكرا ... ولكنه مكان غريب لفلتر .

[MohammedAladel]

غريب ليه ؟؟
إيه المكان الطبيعى للفلتر ؟؟

هو الغريب بصراحة إن الخرطوم اللى رايح للمحرك هو الخرطوم اللى ورا واللى بيدخل للفلتر البنزين هو اللى قدام يعنى الفلتر بيركب خلف خلاف

[أسامه الحسيني]

السلام عليكم

الأخ صاحب الموضوع بارك الله فيك

[أسامه الحسيني]

بعد اذن حضرتك ممكن اجيب الفلتر من اين واية النوعية الى تنفع لميجان 2006 وبكام ولك جزيل الشكر وتسلم ايدك

[MohammedAladel]

قم بتغيير فلتر البنزين إذا كان عمره الافتراضى انتهى

وفلتر البنزين موجود عند أى محل قطع غيار ويوجد منه أنواع كثيرة .... وسعره حدود 40 جنيه

وأنصحك بشرائه من التوكيل أفضل

وإذا انسد الفلتر قد يسبب مشكلة فى السحب ويؤثر على طلمبة البنزين ويسبب تقطيع فى المحرك

[Super_Star_h]

لو فتحت كونتاك بس هتلاقى الخرطوم بيضخ بنزين ومش هيبطل الا اذا قفلت الكونتاك تانى انا لما بحتاج بنزين بملى الازازه منه

[MohammedAladel]

طبعاً كلام حضرتك غير صحيح .....حضرتك تقصد إيه بفتح الكونتاكت ؟
ضغطة واحدة على زر start تتيح لك استخدام الكهرباء بالسيارة
ضغطة واحدة مع الاستمرار فى الضغط لمدة 5 ثوان على start وبدون الضغط على الفرامل تقوم السيارة بتشغيل طلمبة البنزين ثانيتين تقريباً ثم تفصل عنها الكهرباء

لو مش عايز تنتظر 5 ثوان هناك حلين
أما تضع عصا الفتيس على وضع d ثم تقم بإدارة المحرك كالمعتاد وبعدها تضغط مرتين على start كى تطفئ النظام
أو تقوم بإدارة السيارة بالشكل العادى ولكن ترفع قدمك بسرعة من على دواسة الفرامل حتى لا يلقط المارش وتكرر هذه الحركة حتى تملأ الزجاجة الفارغة بنزين
وهناك طريقة أظرف من إنك تميل تحت السيارة من أجل ملء زجاجة البنزين

ستقوم بفك الخرطوم الداخل للرشاشات فى حوض المحرك وتملأ منه بنزين

ولكن طالما المحرك متوقف عن العمل طلمبة البنزين لن تضخ البنزين إلا بكميات متقطعة مع كل مرة تقم فيها بفتح الكونتاكت وليس كما ذكرت بأن ضخ البنزين يكون مستمر

[Super_Star_h]

طبعاً كلام حضرتك غير صحيح .....حضرتك تقصد إيه بفتح الكونتاكت ؟
ضغطة واحدة على زر start تتيح لك استخدام الكهرباء بالسيارة
ضغطة واحدة مع الاستمرار فى الضغط لمدة 5 ثوان على start وبدون الضغط على الفرامل تقوم السيارة بتشغيل طلمبة البنزين ثانيتين تقريباً ثم تفصل عنها الكهرباء

لو مش عايز تنتظر 5 ثوان هناك حلين
أما تضع عصا الفتيس على وضع d ثم تقم بإدارة المحرك كالمعتاد وبعدها تضغط مرتين على start كى تطفئ النظام
أو تقوم بإدارة السيارة بالشكل العادى ولكن ترفع قدمك بسرعة من على دواسة الفرامل حتى لا يلقط المارش وتكرر هذه الحركة حتى تملأ الزجاجة الفارغة بنزين
وهناك طريقة أظرف من إنك تميل تحت السيارة من أجل ملء زجاجة البنزين

ستقوم بفك الخرطوم الداخل للرشاشات فى حوض المحرك وتملأ منه بنزين

ولكن طالما المحرك متوقف عن العمل طلمبة البنزين لن تضخ البنزين إلا بكميات متقطعة مع كل مرة تقم فيها بفتح الكونتاكت وليس كما ذكرت بأن ضخ البنزين يكون مستمر

بضغط على الدواسه بسرعه قبل ما العربيه تلقط مرش
والخرطوم بيضخ بنزين بشكل مستمر طول ما الكونتاك مفتوح
بملى ازازه 4 لتر واقفل الكونتاك بسرعه قبل ما ينزل على الارض
يمكن الكهربا عندك غير عندى

[MohammedAladel]

أنا بعمل نفس الكلام ولكن ينزل البنزين ثم يقطع ثم أكرر عمل هذا الكلام حتى أملأ الزجاجة

كيف يحدث هذا عندك ! أكيد عندك عيب أو تعديل كهربائى

[ابو سعيد السيد]

عندي العربيه صباحا بس تقوم بتدوير المحرك بتدور لمدة 5 ثواني ويطقئ المحرك ونكرر الدوران لعدة مرات ثم تدور تمام ولكن المحرك يرتجف جدا حتى تصير الحرارة عالنصف تعود طبيعية وعند المسير للعربية احيانا تعمل تقطيشة في البنزين وثم تعود تمام قمنا بتغير الثروتل ولم يتغير شي وقما بتغير البواجي ولم يتغير شي وقمنا بتغير اغطية البواجي ولم يتغير شي وقمنا بتنظيف مضخة البنزين ولم يتغير شي وضعناها عالسكنر ولم يكشف شي وحيران ومهموم ولبنان لم يوجد احد يفهم باصلاحها عباره عن تحزير افيدونا