استفسار عن رينو كليو

[mohmedabdoo]

ممكن احد الاعضاء يفيدني بالراي في الرينو كليو بالنسبة الي اسعار قطع غيارها هل هي في المتناول ام غالية وهل تنصحوني اشتريها وايه هو السعر المثالي ليها

[holomox]

أنا خبرتى حوالى 3 أسابيع فقط يعنى مش من الخبراء ولكن أحب أشاركك ما توصلت له
2 من أصدقائى معاهم الكليو 2003 وبيشكرو فيها ولكن ده لوحده مش كفاية
لأن لازم تحدد ايه متطلباتك فى العربية
1. عائلية ولا شخصية (سيدان ولا هاتشباك)
2. هتمشى بيها جوه القاهرة فقط ولا هتتنقل ما بين المحافظات بمعدل ما لا يقل عن كل شهر
لو بتسافر بين المحافظات يبقى متجبش كورى لأنه ورق (من وجهة نظرى)
3. عاوز قطع غيار معمرة يعنى مثلا سنتين فأكثر ولا أسعار قطع الغيار يفرق معاك أكتر
الأوروبى غالى بس معمر ولكن فيه أوروبى قطع غياره أسعارها فلكى بش اطمن الكليو مش منهم
4. لو أنت من محافظة بره القاهرة يبقى لازم تعرف ايه العربيات المنتشرة فى محافظتك عشان متجبش حاجة مش منتشرة وفى الاخر متلاقيش ميكانيكية
يعنى مثلا ليا صديق من الفيوم بيقول السيات منتشرة عندهم وصديق اخر من المنصورة بيقول الأوبل منتشرة عندهم
5. التوفير فى البنزين
بخبرتى المتواضعة مفيش عربية بتوفر زى اليابانى وصديقى معاه لوجان بيقول مش بتستهلك بنزين خالص برضه

أرجو أن أكون أفدتك على قدر خبرتى

[ramy_gamal]

ممكن احد الاعضاء يفيدني بالراي في الرينو كليو بالنسبة الي اسعار قطع غيارها هل هي في المتناول ام غالية وهل تنصحوني اشتريها وايه هو السعر المثالي ليها

قطع الغيار متوفرة وفى المتناول ومش غاليه بالنسبه ل العربيه كويسه بس اهم حاجه حاله العربيه ...بالنسبه للسعر لو 2003 او 2004 بتبقى اقل من ال40 على حسب الحاله