ان شاء الله رينياوى جديد

[Diablo]

السلام عليكم واسف على الازعاج اشتريت عربية رينو 9 (على قد حافك مد رجليك) وللأسف قلبت المنتدى كل من اوله لاخره عشان الاقى حد بيكلم عنها وعن تعديلاتها او حتى اسعار قطع غيارها انا ركبتها ارتحتلها شوية بس لما دخلت على الموقع وملقتش حد مكلم عنها قلت وسألت اصحابى كل نصحنى انى مجبش الفرنساوى عموما نظرا لغلو قطع اسعارها غير كده انها هتبقى اتب فى الضهر وقت ماابيعها بس انا اشتريتها عشان مش ناوى ابيع ----- فأغيثونى عشان انا لسه جايبها النهاردة وطبعا عايز شوية شغل بس نفسى مفتوحلها فابالله عليكم حد يحببنى فى العربية دى
انا هبتدى انزل واشوف اسعار قطع غيارها - والى يعرف برضك ياريت ميبخلش على المنتدى بالمعلومات وياريت ادارة المنتدى تثبت اى موضوع قيم لرينو تسعة عشان الغلابة الى زييى ميتوهوش ويحسوا انها عربية حلوة
وانا كده كده عندى صورة حلوة للعربية دى وتعديلات خفيفة بس شيك وهبقى ارفع صور كل يوم يمكن الرينو ترجع تبقى مهمة تانية

[Diablo]

دى شوية صور تعديلات فى تركيا

[MohammedAladel]

ربنا يبارك لك فيها ... وبالتوفيق ان شاء الله

[Diablo]

ربنا يبارك لك فيها ... وبالتوفيق ان شاء الله

الله يبارك فيك وده فيديو من اخراج شباب حبيبة لرينو 9 و رينو 11 اتمنى ان الفيديو يعجبكم
Renault 9-11 Krallığı © - YouTube

[Diablo]

ايه ياشباب 67 زائر ومحدش عارف حاجة عن الرينو 9 ؟؟؟؟؟؟؟؟؟
المهم انى استلمت العربية النهاردة وسمعت صوت حك ادام عرفت ان البلى بتاع الفرد الادام متاكل المهم كان اخرى على الدائرى 100 وكنت خايف كمان (مافيش حد عاقل ابدا بيشترى عربية مستعملة ويجرى بيها خصوصا لو موديل قديم)
وكما وعدتكم كل يوم صور جديدة

[Diablo]

مازلت بوعدى صور جدية كل يوم

[MohammedAladel]

استمر

[ahmed_hanafi]

واضح ان انت حابب العربية دي ....ودي حاجة كويسة ...ربنا يبارك لك فيها

[Diablo]

واضح ان انت حابب العربية دي ....ودي حاجة كويسة ...ربنا يبارك لك فيها

الله يخليك ........... وانا قلبى فعلا اتفتح لها من بعد ما المكيانيكى قعد يشكرلى فيها من تحت عشان لا فيه لحامات ولا بارومة قالى دى كرستالة من تحت فابتسمت كمل كلامه وبيقولى بايع ب 15 دلوقتى رديت عليه رد واحد مستحيـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــل
ومازلت بوعدى صور جديدة كل يوم

[Diablo]

النهاردة بس هكتفى انى احط صور عربيتى بعد ما فيمتها وركبت سرينة اصلى النهاردة قلت اما اصورها النهاردة
هى بالنسبة لى دلوقتى شكلها معفن لونها مش حلو وعايزة توطى فى الارض مع طقم جنوط واسقطلها ماتور انجيكشن والشغل ده

[Diablo]

ياشباب انا نفسى اخلى عربيتى كده زى الصور الى انا حاططها كده بالظبط هو ده سهل ولا صعب؟؟؟؟؟؟ بجد حد يرد عليه فى السؤال ده بالذات هل من الصعب ان اخلى عربيتى كده ولا سهلة؟؟؟؟؟ والموتور الى راكب ده موتور ايه؟؟؟؟؟؟

[Diablo]

ايه التنفيض الجامد ده اد ايه انا جالى احباط

[MohammedAladel]

مش تنفيض ولا حاجة كل واحد على قد علمه

ممكن تعمل موضوع خاص فى قسم التعديلات ....

بالنسبة لموضوع التعديلات والشغل اللى انا شايفه فى العربية دى الواضح انه مكلف مش بسيط

والموتور شكله يخوف :)

عندك tps فى الحرفيين ممكن تسألهم

[bnoqo]

حبيب قلبى والله

ياباشا انت منور المنتدى كله والرينو 9 عربيه من العربيات الممتازة للرينو وماتورها الاصلى ماتور جبار ولا سير كاتية ولا تقسيمة وحد يقولك بليه كاتينة ولا الشغل ده جنزير ياباشا ودوس على طول ده حتى المكنة لو بتحافظ عليها تديك احلى شغل وانا بجيب بيها 120 مستريح 140 اخرى بس انا عندى الكرابيتر الباب الواحد وعلشان كده مش بقدر اجيب اعلى كده

بص ياكبير مفيش احسن من التعديلات للعربيه ديه العربية بس عيبها الوحيد ان صوتها عالى شوية غير كده هيا تمام التمام وعرببية ناعمة جدا وبالنسبة للماتور انا عندى نفس الماتور بتاعك وانا عربيتى داتشيا نوفا 1997 راكب فيها الماتور بالفتيس بالكبالن بالقنطرة الى شايله الماتور كمان وعايز اقولك تسارع ملهوش حل بلغب بيه عربيات لسه زيرو فقط يعبها الصوت ندخل على التعديلات

اولا الماتور : اولا ياباشا انا انصحك بلاش ماتور الانجكشن اولا اعطاله كتير والميكانيكة الفتايه كتير انا انصحك لو هاتركب ركب المكنة الخرساء وهيا رينو انيرجى 1400 عندى المكنة ياكبير ب 3200 جنيه والله اعلم بس غلو الاسعار هاتبقى بكام بس هيا عند تاجر كده قريب منى والمكنة سير كاتية وناعمة جدا وقوية جدا وليها اكتر من فيديو على اليوتيوب وياسلام لو طقم الكهرباء الكترونى استهلاك بنزين ايه بسيط جدا بتشم النبزين وان شاء الله منتظر الماتور يجيب اخرة بس شكله مطول معايا لخمس سنين اللهم صلى على النبى عليه بيعرق ويجب ميه على طول واستهلاك محترم معايا وبنزل الزيت كل شهر سواء مشيت ولا لأ

التعديلات الخارحية

باشا بتوع الفايبر كتيير قوى وانت وشطارتك بس انا انصحك لو ساكن فى منطقة زى بتاعتى وانا من سكان العمرانية بلاش فايبر ابوس ايديك بلاش فايبر توكتوك سواق غشيم بتريحة يخلص على احلى شعل ولو صاج انا بدور على سمكرى بيفهم لحد دلوقتى مش لاقى بس التعديلات كتيير والاسطمبات مفيش اكتر منها وزى ما انت عايز على قد فلوسك هاتصرف

ياسلام بقى عليها فى جنط عريض وتهبط العفشة العربية هاتفرم الارض كلها وفيها فيديو على اليوتيوب لوحد مصرى معدل رينو 9 بماتور انريجى اما ايه ماشاء الله حاجة فلة


قطع الغيار مفيش اكتر من استيراد اوعى حد يشتغلك ويقولك مفيش مفيش ايه كداباين قوى مليانة فى حرفين حلوان والوكالة وفيه كذا واحد استيراد فى مجرى العيون وانا لسه جايب كوبلن كامل من بق البياع ب 200 جينه الكوبلن الطويل مش القصير ولما سألته على راس الكوبلن يعمل كام قالى 50 جينه وده الراس بس الى معظم الناس لما الكبالن بطقق بتكون منها وسألت عليها جديده ب 150 جينه
القنطره كلها ب 500 الى 600 وانت وشطارتك الماتور برضة يبدأ من 2500 الى 3000 بالفتيس

والحاجة جديدة هاتها من عند محسن ووديع هما عندهم محل فى المول فى التوفيقية فى الدور التانى وعندهم مجل عندى فى العمرانية وناس محترمة جدا بالنسبة للشغل الجديد يقولك الصينى صينى والتركى تركى والفرنساوى فرنساوى ولا ليه فى اللف ولا الدوران

سلك الدبرياج 50 جينة دواسة الدبرياج 120 جينة تيل الفرامل الامامى 60 جينة الخلفى ب 80 جينه
دراع النور كامل تركى ب 90 جنيه طلمبة المياه 150 جنيه قواعد الماتور من 30 الى 50 جنيه حسب كل قاعدة والخامة نضيفة جدا

طقم الدبرياج استيراد على حسب من 250 الى 300 ديسك اسطوانة بلية فرش والطقم الجديد يعمل من 500 الى 700 جنية العربية الرينو لما تكون مع حد مش بيهتم بالبوية والرش والتعديل لانه عارف ان المستهلك المصرى عنده يشترى 128 بسعر 20 الف ولا يشترى رينو نضيفة بسعر اقل على اساس ان قطع الغيار غالية وهيا ولا غاليه ولا حاجة هيا على حسب مابتعقد يعنى انا عمرى ما هاجيب طقم الدبرياج فى 128 يقعد زى الرينو ابداا




بس يا كبير العربية زى الفل وانا بعشق الرينو 9 واجرى ومش تخاف العربية جراية ومفيش خوف منها والفرامل بتاعها زى الفل اعمل بس طقم السرفيس بتاع العربية من غيار زيت وغير فلتر الزيت وفلتر بنزين واطمن عليها واركب وادعيلى

وعلى العموم انا فى منتدى الداتشيا موجود على طول وعربيتى كل حاجة فيها من ماتور وعفشة رينو 9 ده حتى طقم العدادات كمان رينو 9 ومفيش حاجة عملتها فى الماتور غير غيرت وش سلندر علشان دوست عليها قوى وهيا مكنش فيها ميه



طيب عربيتك لو مش هاتغير اى المانور نصحيتى ليك غير زيت كل شهر حط زيت شل الاحمر العربية تاخد 3 كيلو واتاكد ان المقاس بين الماكس والمينمم بلاش فوق الماكس علشان بتوع الزيت اغبياء فى الموضوع ده

فلتر الزيت كل مرتين غيار زيت غيره وغير معاه فلتر البنزين لو بتحط 80 زى حالاتى وزبط التكيهات على 20 زى مابيقول الكاتلوج وانا هادور على الكاتلوج وارفعه

لو التكييف موجود شغله ولم مش لازمك وعايز تبيعه برضة قولى ههههههههههههه

انا موجود فى الخدمة وتحت امرك فى اى حاجة

اخوك احمد عبد الرحمن
رقم تليفونى 01144664259

[bnoqo]

اخ نسيت اقولك

نسيت اقولك ان المكنة ديه بتاعت رينو 19 شمادا 1800 سى سى انجكشن مش عارف نزل مصر ولا لأ وده برضة انيرجي

المكنة تركب عندك بدون تعديل تهائى على نفس القنطرة كمان هتحاج ضفيره ماتور فوق وتحت وكنترول يونت وميكانيكى عند جهاز اعطال يشوف فيه مشاكل ولا لأ وبعدين بعد ماتركب هاتدور ودوس ياباشا