لمبه الزيت

[karezzzma]

لمبه الزيت بتنور وتتطفى لوحدها وانا ماشى طبعا ومعاها لمبه Stop
الزيت مقاسه تمام
لسه مبقالوش 400 كيلو
نوعه محترم جداا
واما ابطل وادور تختفى ويطلعلى oil level Ok
ممكن يكووون ايه دا ؟؟؟

[aldesha989]

حطها على الكمبيوتر

[أبو_يوسف]

هاقولك على حاجة حصلت معايا يمكن تفيدك في مشكلتك..
لمبة الزيت عندي نورت وصوت الموتور ارتفع لان مفيش زيت بيوصل له..
وكان السبب انسداد مصفاة الزيت..
جرب تفك الكارتيرة وتنضفها هي والمصفاة ..
وبرضه ممكن تكون ساعة الزيت عايزة تتغير..

[ahmed_hanafi]

هاقولك على حاجة حصلت معايا يمكن تفيدك في مشكلتك..
لمبة الزيت عندي نورت وصوت الموتور ارتفع لان مفيش زيت بيوصل له..
وكان السبب انسداد مصفاة الزيت..
جرب تفك الكارتيرة وتنضفها هي والمصفاة ..
وبرضه ممكن تكون ساعة الزيت عايزة تتغير..

+1111

تمام كدة .......
اعتقد هي المشكلة كدة

[karezzzma]

الفكره انى طول مانا ماشى بنتظاام هيا مطفيه :)
واما اجى مثلا اهدى لو ماشى بسرعه على السريع
او اجرى لو جوه البلد وماشى براحه تقوم قايده
محتااار جداا

[أبو_يوسف]

جرب تغسل الموتور بفلاش..
وبإذن الله تتحل

[karezzzma]

يعنى دى من سعه الزيت ولا من الموتووور ولا من ايه
انا عايز اعرف السبب بس

[MohammedAladel]

أنا فاكر إن نفس المشكلة تقريبا حصلت مع أحد الأعضاء وكانت متعلقة بضغط الزيت داخل الموتور فعلا

[karezzzma]

أنا فاكر إن نفس المشكلة تقريبا حصلت مع أحد الأعضاء وكانت متعلقة بضغط الزيت داخل الموتور فعلا

طيب ممكن اى تفاصيل
واوعى تقولى دى طرمبه عشان معيطش :d

[MohammedAladel]

لا لا مكنتش طرمبة بس مش فاكر برضه

كان نفسى أساعدك

فين وحوش الميجان ؟؟؟

[karezzzma]

طيب لو تعرف حد اسأله معلش :)
انا ماشى بيها عادى لأن مقاس الزيت مظبوط والطرمبه شغاله
بس معرفش بقى ايه داا :s

[abdo_2812]

راقب مقاس الزيت كويس !
مظنش الزيت مش بينقص، وأنا كانت قابلتني مشكلة فعلا في سويتش ضغط الزيت، ده كان بيسرب بس كان بيطلع رسالة oil pressure
العربية مش بتطلعلك أي رسالة؟؟
عامة أعتقد الموضوع مش هيخرج عن سويتش ضغط الزيت أو جوان كارتير الزيت أو المصفاة زي ما قال زميلنا فوق

وبالمناسبة اللمبة فعلا كانت بتنور وتطفي بس مش مع تغير سرعة العربية إنما مع تغير درجة استواء الطريق - حلوة استواء دي - أقصد يعني لو الطريق مستوي مفيش مشاكل إنما لو طالع أو نازل حاجة فيهم كانت بتظهر المشكلة أكتر
وده رابط الموضوع اللي كنت كتبته ساعة المشكلة بتاعتي لو حابب تراجعه

http://www.nilemotors.net/Nile/293488-oil-pressure-fault.html

ربنا معاك وإن شاء الله المشكلة تتحل بدون قلق

[Ahmed Selim]

ممكن حساس ضغط الزيت مش شغال مظبوط و ممكن طرمبة الزيت ضغطها بقى أقل فى بعض الأوقات.

راقب الزيت من المقاس كويس.........متعتمدش على الرسالة اللى على الشاشة.

[saif69]

كده عندك مشكلة فى حساس الزيت ......انا لسه كان عندى نفس المشكلة الاسبوع اللى فات ورحت لعادل (صقر قريش) غيره فى دقيقه ب 150 جنيه وخلاص

[karezzzma]

سعه الزيت ب 150 جنيه ؟؟ بالمصنعيه بكله ولا ايه يعنى ؟؟؟