محتاج ميجان موديل 2007 او اعلى

[MohammedAladel]

مفيش اي طريقة اني اشغلها علي المالتي ؟؟ وهل هستغني عن الشاشة خالص ؟ ودرجة الحرارة والساعه ؟
وبالنسبة للصوت هي السماعات المفروض نوعها ايه ؟ وهل بجودة سماعات اللانسر ولا ؟

مجربتش سماعات اللانسر بس معتقدش إن لانسر بومة سماعتها أحسن من سماعات ميجان
السماعات محترمة جدا و صغيرة فى الحجم
فيه مشكلة شائعة معاها ومع كل السماعات تقريبا :)
وهى ان الرق بيفصل من على الحواف مع الاستعمال وخصوصا مع الاصوات العالية ولكن بيتعمل بسيليكون ببساطة وبيرجع أحسن من الأول ( أعراضه ان تسمع شوشرة أو صوت هواء مع الأصوات العالية )

فيه 2 تويتر فى التابلوه 4 سماعات فى الأبواب فقط

[MohammedAladel]

الموضوع دا غير مكتمل ولسة ناقصة شوية حاجات وشوية ترتيب وياريت اللى عنده حاجة يضيفها
هيفيدك جدا يا ياسر باشا ياريت تقراه كويس

http://www.nilemotors.net/Nile/318383-a.html

[mohaakotb]

كان فيه موديول بيركب بالفعل وبيتباع على النت يخليك تشغل ال hu الجديد مع المالتى فانكشن الباش مهندس هشام هو البرنس بتاعنا فى الحاجات الكهربية دى وهو أدرى بيها بس مفيش حاجة ملهاش حل :)
وفيه 2 اشتروا جهاز بيركب مكان وصلة ال cd changer من ورا الجهاز دا بيخليك تركب فلاشة او كارت ميمورى أو aux وتقلب من المالتى برضه بس الأستاذ أحمد عبد المقصود للأسف بيقول ان جودته أقل عشان كدا مينفعش معاك وانت عايز مزيكا نقاءها عالى ( ينفع مع ال tuner list و ال updatelist(
وفيه حاجة بسيطة برضه انك تعمل وصلة aux وتشغلها بس هنا بقى المالتى فانكش stop working :(
بس ال aux مينفعش غير ما الكاسيت ال update list ال tuner list لا
درجة الحرارة هتفضل شغالة فى كل الأحوال والساعة كمان
انا اشتريت عربيتى 2007 بس صرفت عليا شوية ولسة عايزة توضيب وتهذيب واصلاح
اشتريتها فيها حكة فى الباب اليمين الخلفى وحتة من العتبة والعفشة الأمامية حالتها نص نص مش بعافيتها يعنى من شوارع بلدنا
العربية تعبت معايا برضه واستحملت كتير
اول ما جبناها غيرت الكاوتش كله بكاوتش جديد وصيانة دورية

العربيةب كانت ماشية 105 ألف كيلو تقريبا انا كنت فاكرها أول يد بس صاحبها قال لى انها تانى يد صاحبها ال قديم مشى بيها 60 ألف كيلو الجديد مشى بيها الباقى فى سنة واحدة بس كلها سفر
العربية آخر مرة دخلت التوكيل 2010 على 54 ألف كيلو
ودلوقتى العربية عايزة شوية مصاريف حلوين عشان تبقى تمام لكن بجد كتر ألف خيرها
أول فئة أوتو واشترتها ب 65 ألف غير بقى السماسرة اللى كانوا هناك هههههه

طب متعرفش الاقي الموديول ده فين ؟ وايه وظيفته بالظبط ؟
اصل بصراحه موضوع السماعات ده يهمني جدا انا من النوع اللي يحب العربية تكون فيها ساوند سيستم قوي ولعلمك سماعات اللانسر الموديل الخليجي من اقوي السماعات وجرب اسمعها وتقريبا سوني اصلا

وبالنسبة للتوبيك قرييته وحلو جداااااا وفيه معلومات كتير بس مظنش هعمل ده كله لما اجي اشتري يعني الاهم اني اكشف في التوكيل مع اني مش فاهم ايه اللي هيقولوهولي في التوكيل ولا هيبقي كشف اي كلام وولا ايه الدنيا !!

[mohaakotb]

وبعدين صحيح ملقتش موديل 2007 كتير في كونتاكت كارز كانو 3 عربيات باين بس كانو فوق ال 70 الف وانا اخري 66 او 67 في الحدود دي يعني

[MohammedAladel]

متربطش نفسك بموديل عالى فى ميجان عشان بالتأكيد هيغلى سعرها
ممكن ربنا يوفقك فى عربية 2007 أول فئة اوتو بالسعر اللى مع حضرتك بحالة كويسة

أنا دورت كتير على النت بس ربنا رزقنى بالعربية دى صدفة لا أكتر ولا أقل !!!!! أنا مكشفتش عليها خالص ولا رفعت حتى كبوت العربية ولا حتى كنت بعرف أسوق !!!!!!!!! بس اللى ليه نصيب فى حاجة هياخدها


بالنسبة للتوبيك فهو ناقصه حاجات كتير وهزودها ان شاء الله على قد خبرتى

التوكيل بيفصص العربية حتة حتة برا وجوا وفوق وتحت وبيقفوا على حالتها

فيه قطع غيار استهلاكية لو حالتها متوسطة أو أكثر من متوسطة التوكيل بيقلك عايزة تتغير زى مساعد بطاحة تيل طنابير كاوتش حاجات استهلاكية كلها فالحاجات دى متفرقش معاك إلا لو كانت سيئة جدا عشان كدا محتاج انت بنفسك تبص بصة عليها عشان تقيم تقييم عادل مع مراعاة عداد كيلو مترات العربية

ولكن الحاجات اللى بيجزم فيها التوكيل هى السمكرة والكهرباء ودول أهم حاجة

ممكن التوكيل يطلع لك تقرير محترم عن العربية على حسب كشفه

وبعد ما تشترى العربية بشهرين يبوظلك كويل مثلا ؟ وقتلها هقول لحضرتك دا عمره الافتراضى دى عربية مستعملة لكن عداد الكيلو مترات وموديل العربية بيفرق فى حتة زى دى واستخدام الشخص أهم حاجة ( ودى حاجة مش شرط تبان قوى فى كل حاجة )

يعن العربية المستعملة برضه متزعلش لما تلاقى حاجة فيها باظت بعد ما تشتريها

لكن أهم حاجة الأساسيات

لأنك هتصرف هتصرف !! إلا لو ربنا كرمك بحد متابع صياناته فى التوكيل أول بأول وبيعزها جامد ودا هيعز عليه فراقها وان رخصت فى عين السوق هتفضل غالية فى عينيه


وبالتوفيق ان شاء الله فى الشراء

[mohaakotb]

باشا بجد الف شكر علي اهتمامك
و إن شاء الله ابلغكو بالجديد اول ب اول

[horas3000]

شوف دي كده يا زعيم

رينو ميجان هاى لاين فابريقه بالكامل من الداخل والخارج - رينو سيارات في مدينة نصر | دوبيزل مصر

[MohammedAladel]

لونها تحفة :)
لسة مغسولة قبل ما تتصور
شكله تاجر أو معرض ( هو مش عيب انه يبقى تاجر أو معرض وممكن برضه تكون يد أول )

[horas3000]

معرفش و الله يا زعيم
انا وقعت قدامي و انا بفر في الموقع و افتكرت الموضوع ده قلت احطها
و في غيرها تاني بس دي اللي كانت بصوره