هي الميجان 2 فيها stabilizer bar ورا ؟

[تامر.محمد]

كنت عايز اعرف هي بتنزل بيه ولا لأ , الخلفي مش الأمامي
يا رب يكون حد من الاخوة العتاولة عارف :)



يا ريت اللي يقدر يشوف الموضوع ده يشوفه كمان , شيق جدا و له علاقة بالموضوع

http://www.nilemotors.net/Nile/339986-a.html

[MohammedAladel]

أنا كمان نفسى أعرف أنا بنزل تحت العربية عادى بس مش بعرف أفرق كويس ممكن أصور كام صورة وحد يكون بيفهم يقول لنا فيها ولا لأ

لأن كمان تايه فى العفشة من قدام ومش عارف فين هى ال stabilizer bar الأمامية ان كان كدا النهاردة الجمعة أنزل تحت العربية وآخد كام صورة عشان نعرف أماكنها بالظبط

بس معقول يحطوا قدام ويسيبوا ورا كدا ؟؟

بس احنا محتاجين الدعامة بتاع البطاحات اللى فوق فعلا ما وصلتش لأسعار أو أنواع ليها غير الألترا ريس ؟

[dr.hazem]

هو مش الستاب. بار الخلفي بيبقى فوق المساعدين الخلفيين؟ يعني جوه الشنطه...
ولا انا فاهم غلط؟؟
تحياتي

Sent from my SE Arc S using Forum Runner

[MohammedAladel]

مش فى كل العربيات فيه بس فيه فوق وفيه تحت عادى بس اللى تحت أساسى

[mohaakotb]

معلش ممكن حد يعرفني ايه الاستيبيلايزر بار ؟ ايه وظيفته وليه مهم ؟

[MohammedAladel]

عبارة عن قطعة صلب بتركب ورا وقدام فى العربية من تحت بتخلى العفشة تؤدى دورها على أكمل واجب وبتمسك العربية من تحت فى المنحنيات وتحافظ على ثباتها

[MohammedAladel]

https://www.nilemotors.net/Nile/193151-a.html

[Rsarabia]

من واقع ان كان معايا ميجان و دلوقتى النترا

الميجان مش محتاجة اى شغل فى العفشة
نقطة قوة الميجان عفشتها و ثباتها الرهيب على سرعات عالية و المناورات و المنحنيات و الغرز بتبقى أسد رهيب

عفشة الميجان الخلفية مالتى لينك يعنى كل عجلة لها عفشة مستقلة عكس الكورى بتبقى عفشة متصلة و بالتالى بتحس بالنقر و الثبات مش بيكون كويس و مطبات هوا كتييييير طول ما انتا ماشى

[تامر.محمد]

باشا عفشة الميجان الخلفية تورشن بيم

[MohammedAladel]

عفشة الميجان تورشن بيم بس محترمة برضه

[Rsarabia]

هى مش تورشن بيم بالمعنى المتعارف عليه للكورى لان فى الكورى العفشة متصلة يمين ماسك فى شمال و هو دا التورشن بيم اللى نقصده لكن فى الميجان العكس
هى اقرب للمالتى لينك
التعليق الخلفى
Independent Torsion bar Coil Springs
تعليق مستقل تفرق عن المالتى لينك ان المالتى لينك عالاقل بيكون 3 دراعات او اكتر طبعا

[Formulator]

انت شايف كده! ماشى؟!!

بس هى Torsion زى ما كتاب العفشة صفحة الرينو :)
طالما مفيش Trailing-Arm يبقى مفيش Multi-link، فيـــــــه دنجل يبقى تورشن!

وهى semi-independent على فكرة :))

@ تامر.محمد
الميجان-II فيها 2 بار أمامى وخلفى، Anti-roll
عربية بالوزن ده (وفـ الفئة دى) مايقدرش ينزلها من غير البارات دى ستاندرد؟!!

[MohammedAladel]

طيب أعرفها ازاى دى بتبقى فين بالظبط فى ميجان ؟

يبقى احنا كدا مش محتاجين غير البار اللى بيركب فوق البطاحات

[تامر.محمد]

@ تامر.محمد
الميجان-II فيها 2 بار أمامى وخلفى، Anti-roll
عربية بالوزن ده (وفـ الفئة دى) مايقدرش ينزلها من غير البارات دى ستاندرد؟!!

طب انا الbody roll عندي عالي , يا انا سواقتي جنان بزيادة , يا اما يكون البار دي موجودة في فئات اه وفئات لأ , خصوصا ان عربيتي اول فئة اوتو

[Formulator]

ماعتقدش يا تامر بيه ان الـanti-roll bar ينزل فـ الميجان-II فئات وفئات لأ؟!!
هى مش داتشيا ولا زى الكورى طبعا؟!!!

- خلينا متفقين مبدئيا انه الأمامى بينزل ستاندرد مع الموتور ده 1.6 16v DOHC (وحتى فـ الميجان-I كان بينزل قدام موتورها 1.6 SOHC 8v)

كده يبقى الكلام على البار الخلفى:
أنا شوفته فـ ميجان-II هاتش، فرنساوى.. والعربية دى عشرة سنيــــــــــن، لحد ما إتقلبت R.I.P ميجى! بتاعت ابن خالى.

بيبقى built-in جوا الدنجل، ومتثبت بجلب فـ الطرفين! شوف وقوللى!

بالنسبة بقى انه موجود، والعربية بتعمل body-roll:
دى ممكن تكون حاجة تانى فـ العفشة -الله أعلم
جلب مقصات، الـdrop-link تيش الميزان بتاع البار نفسه؟!! أو دامبرات!
لكن البار: تعديله الوحيد انت بتركب واحد oversize.. وده لا يفضل طالما مغيرتش عفشة سبورت
- البار الأمامى front-upper اللى بيمسك البطاحات تمام لو retrofit بتاعها طبعا.. بس دا يفرق فـ الهاندلينج والتحكم فـ الدركسيون قدام أكثر من الـbody-roll ورا.