إشتغالات الصنايعية

[محمدصلاح]

النهارده رحت بالميجان 2005 صقر قريش علشان سامع صوت مش عاجبني فى العربية وفيها هزة خفيفة جدا فى الموتور..
الباشمهندس الصنايعي البلية مسك بار حديد كده وقعد يكشف على العربية وابتدا الكلام:
-- محتاجين نغير بلي الدينامو
-- الكويلات دي اصلية؟ بيسألني انا !! .. محتاجين نغير رقم 2 , 3 ولا اقولك نغيرهم كلهم احسن
-- البوجيهات بايظة وبالذات رقم واحد .. الكويل بوظوا .. الى هو اصلا كويل سليم
-- حساس الشكمان بايظ

ومن تجاربي الكتير فى اشتغالات جمدت قلبي وقلتله .. بأقولك ايه هاغير بلي الدينامو بس

وحصل .. والصوت اختفى .. وخلص الموضوع

الدرس المستفاد...... ما تديش ودنك للصنايعيه اوى

[mohaakotb]

يااااااااااااااااه ده ارخم حاجه في صنف الصنايعيه وخصوصا بتوع العربيات ... تروح عنده تصلح حاجه تطلع مغير 60 حاجه و في الاغلب الناس مش عندها خبرة او احتكاك بالصنعة و الميكانيكا ف هوب غير غير
عشان كده لازم يكون ليك ميكانيكي واثق فيه بتصلح عنده دايما :)

[MohammedAladel]

ممكن حضرتك تقول لى اعراض تلف بلى الدينامو

[محمدصلاح]

أستاذ محمد ... تحياتي

مالهاش اي تأثير على العربية فى الأداء
بس انا كنت بأسمع صوت من جانب الموتور زي ما يكون حاجه بترف او بتتفرط .. هو مش صوت عالى اوى بس انا موسوس شوية فى حكاية الأصوات دي
ووقفت على ايد الكهربائي وهو بيفك الدينامو وقالي ان انا لحقت الموضوع فى الأول

[MohammedAladel]

اصل انا ممكن بعد مشوار طويل كدا احس بصوت حديد بيخبط زى ما يكون حاجة سايبة ولكن بيروح تانى بعد ما ابطل العربية 10 دقايق مثلا وادورها لكن مش بيظهر باستمرار يعنى كل فترة

على العموم انا هرفع الصوت قريب ان شاء الله

[abdo_2812]

الحمدلله انها جت على قد كده كان ممكن تغير كل اللي قاله ومايحصلش تقدم لأنه بعضهم يبقى عارف العيب ويغير نصف ميكانيكة العربية الأول قبل مايحلهولك !!
ربنا يرحمنا من الفتي والنصب !

[محمدصلاح]

والله يا باشا الحمد لله طبعا
بس علشان اوصل لثقة فى نفسي اني آخد القرار ده بإني اقوله اعمل بس الى انا عايزه مريت بتجارب كتييييييييييره علمتني الأدب هههه

[hossam_elwani]

النهارده رحت بالميجان 2005 صقر قريش علشان سامع صوت مش عاجبني فى العربية وفيها هزة خفيفة جدا فى الموتور..
الباشمهندس الصنايعي البلية مسك بار حديد كده وقعد يكشف على العربية وابتدا الكلام:
-- محتاجين نغير بلي الدينامو
-- الكويلات دي اصلية؟ بيسألني انا !! .. محتاجين نغير رقم 2 , 3 ولا اقولك نغيرهم كلهم احسن
-- البوجيهات بايظة وبالذات رقم واحد .. الكويل بوظوا .. الى هو اصلا كويل سليم
-- حساس الشكمان بايظ :ka_che1[1]:

ومن تجاربي الكتير فى اشتغالات جمدت قلبي وقلتله .. بأقولك ايه هاغير بلي الدينامو بس

وحصل .. والصوت اختفى .. وخلص الموضوع

الدرس المستفاد...... ما تديش ودنك للصنايعيه اوى

احييك

فى البلد دى الواحد محتاج يشتغل ميكانيكى وسباك وبتاع رخام ونجار عشان يعرف يطلع شغل صح .. كله بلا ضمير وبلا حرفه او صنعه ... اى حد بيشتغل اى حاجه عشان مفيش تعليم

[محمدصلاح]

تحياتي حسام بيه علوانى