أخيرا ريناوووووووووي جديد

[وائل الجندي]

السلام عليكم
اخيرا بعد مقارنات كتيرة أصبحت من ملاك الجميلة فلوانس
اشتريتها من المملكة العربية السعودية من شركة أفضلية الخليج الوكيل لرينو فالمملكة
السيارة مستعمل موديل 2011 لون أبيض
هيعملولي لها صيانة كاملة وتلميع ويسلمهالي كانها جديدة
انا كنت هشتري جديد الشكل الجديد بس حصلت ظروف معايا فاستقريت على المستعمل وفضلت اني اجيبها من الشركة عشان يسلمهالي معملها صيانة كاملة وقالي هيتم تغيير اي شىء وتستلمها كانها جديدة
نصائحكم أيه يا شباب ليا في استعمال السيارة للي معاهم العربية يعني الصيانة كل قد ايه هما قالولي فالشركة بعد 20 الاف كيلو
وياريت تقولولي عايز اعملها شوية حركات كدة للون الابيض عشان يزيد جمال انا هعملها عازل حراري الي هو زي التفييم عندنا بس بيعزل الحرارة بنسبة كبيرة جداااا وهعمله لون اسود عشان يظهر جمال اللون الابيض وكمان بفكر اعملها تجليد اسود لامع للسطح بتاع السيارة بيكون شكله زي السقف البانوراما وبيعمل شكل حلو فياريت الي عنده افكار لتجميل السيارة وخصوصا اللون البيض لا يبخل علينا

[MohammedAladel]

ألف مبروك ... تابع صياناتها الدورية مع الوكيل

بالنسبة للعازل الحرارى من رأيى تعمله شفاف

وبلاش تجلد السقف :)

بس دى أذواق فى الآخر انا شفت الفليوانس فى اللون الابيض جميلة جدا

[وائل الجندي]

سوري قالولي الصيانة بعد 10 الاف كيلو
ممكن حد يقولي يا شباب صيانة ال40 الف ايه الي بيتعمل فيها

[Power511]

مبروك ياباشا و ربنا يكيفيك شرها يارب :) الصيانة كل 10000 كيلو عشان تكون فى المضمون و العازل الاسود حيكون ممتاز عليها بس بلاش اى لزق على البوية بتاعت العربية. عشان لما تيجى تيشيلو حيطلع بالبوية و يبقى لازم ترشها دة رأى الشخصى و مبروك عليك :)

[وائل الجندي]

بيقولو في انواع تجليد هنا بتتشال عاديومش بتحتاج غير تتلمع بعد متشيلها

[MohammedAladel]

التجليد النضيف المفروض انه بيطلع من غير البوية بس انا مش بفضله وهو اساسا غير قانونى

نفس الكلام بالنسبة للعازل العازل الشفاف أنضف وأءمن من الأسود برضه من الناحية القانونية

سيب العربية كدا شكلها جميل متلعبش فيها

بالنسبة للصيانة انت ممكن تشوف جدول الصيانة على موقع رينو مصر وتمشى زيه

بص كل 5 الآف كيلو تنضف فلتر الهواء دا شئ أساسى

كل 10 آلاف كيلو تغير زيت

كل 40 ألف كيلو بتغير البوجيهات وممكن أزيد أو أقل حسب النوع اللى بتستخدمه

السيور بتغيرها كل 60 ألف كيلو هى ومياه الرادياتير وزيت الفرامل أو كل 3 سنين بالنسبة للسيور عشان تبقى فى لاأمان وزيت الفرامل كمان سنتين تمام قوى عليه

فيه بقى حاجات استهلاكية زى تيل طنابير مساعدين بطاحات مساعدين مقصات دى بقى على حسب الاستخدام

[وائل الجندي]

مهو انا التجليد مش هعمله كله انا عايز اعمل السقف بس بيكون شكلهتحفه هنا فاللون الابيض على العربيات الي فيها سقف بانوراما زي السوناتا مثلا يمكن 99% من السوناتا الي فالسعودية هنا بيجبوها ابيض والبانوراما الاسود جامدة قوي عليها
وهنا العازل الحراي بيعملوه وبيدولك تصريح عليه للمرور
وهنا العربية هيعملولي ليها صيانة ال40 الف كيلو بيقولو بيتغير فيها زيوت وتيل فرامل وسيور بس هو قالي اي حاجة فيها مش تمام هتتغير وهتستلمها كانك لسه مشتريها

[khaled_samy82]

مهو انا التجليد مش هعمله كله انا عايز اعمل السقف بس بيكون شكلهتحفه هنا فاللون الابيض على العربيات الي فيها سقف بانوراما زي السوناتا مثلا يمكن 99% من السوناتا الي فالسعودية هنا بيجبوها ابيض والبانوراما الاسود جامدة قوي عليها
وهنا العازل الحراي بيعملوه وبيدولك تصريح عليه للمرور
وهنا العربية هيعملولي ليها صيانة ال40 الف كيلو بيقولو بيتغير فيها زيوت وتيل فرامل وسيور بس هو قالي اي حاجة فيها مش تمام هتتغير وهتستلمها كانك لسه مشتريها

انا شايف انك مفيش فايدة قافش على موضوع السقف دة اعملو و خلاص بس خلية لميع مش مط احلى

[وائل الجندي]

ههههههههههههههههههه مش موضوع قافش يا khaled_samy82 باشا بس انا حاسه حلو وباخد رأيكم وبنتناقش
وطبعا لو عملته هيكون لامع عشان يكون شبه البانوراما هههههههه

[S O P H O S]

لو راي مش بفضل موضوع السقف ده بصراحة
والف مبروك ..

[MohammedAladel]

أنا شفته على إلنترا مبوخها بصراحة

وبعدين أحساس البانوراما اللى المفروض تحسه انت جوا العربية مش يحسوه الناس لما يشوفوا العربية

وأى حد بيشوفه من برا بيبقى باين عليه انه فرش ملزوق

بس أنا قلت وجهة نظرى العربية من غيره أشيك بكتير وهو بقى موضة بايخة كفاية ان بتوع التاكسى بيعملوه فى عربياتهم

[وائل الجندي]

طيب سيبكم من موضوع البانوراما ده يا رجالة
ايه عندكم افكار للون الابيض تظهر شكله احلى لاني صراحةبشوف اللون الابيض في عربيات ومنهم الرينو حلو جدا وفي سيارات تاني مش بيكون حلو
يعني عندكم مثلا الهيونداي التكسان بيكون حلو قوي فيها الابيض وانا لاحظت الي بيخليه حلو انه فيها فبر اسود كتير عامل شكل جامد مع الابيض