الكاوتشات المناسبه للميجان 2 مقاس 16

[solly1979]

شباب الرينو
نزلت من كام يوم اشوف اسعار الكاوتشات 205/55/16 لقيت هبل فى الجبل علشان سعر الدولار
ومش ققل من 700 علشان الواحد يجيب كاوتش نضيف حاجه تهريج لقيت ميشلان ب 1000 جنيه جالى صدمه
المهم انا عايز حاجه تكون فى الحنين وتكون طريه على الطريق
ويا سلام بقا لو حد عندة حل لموضوع البلالين بتاعة الكاوتش علشان انا هغير الكاوتش علشان الموضوع دة عندى كاوتشين فيهم بلالين من مطبات مع ان الكاوتشات نضيفه ماشيه 35 الف بس و لازم اغيرهم قبل الصيف لاقدر الله يضربوا ولا حاجه

حد من الشباب لسه مغيير حاجه اليومين دول واخباهم ايه على الطريق والنشفان والسعر والمكان ؟

[A.Lotfy]

والله بص انا عندي نفس المقاس ده
الكونتينتال سعره كويس بس بصراحة خنقني من موضوع البلالين ده

فممكن تدور على هانكوك وتشوف

[MohammedAladel]

غريبة مع انى بستخدم كاوتش أجنابه طرية ومعملش بلالين وأنا باكل مطبات و بمشى فى طرق وعرة

اما عن الكاوتش فسعره غالى فعلا

ممكن تشوف كونتنال بس مش هيقل عن 700 أو 650 طالما كل حاجة غلت

[mostafanageib]

انا كنت من 3 شهور كده مغير فردتين كانوا بى 1200 و هو نوع اسمو اسيلس نازل بى مسلح من جنب الكوتش علشان المطبات انا كنت اول مرة اسمع عنوا بس حاسس انوا كويس و قرات علية لاقيتوا اخد ريتنج 4.3 كويس يعنى

[Ahmed Selim]

عاوز تجيب حاجة محترمة و معروفة مش هتقل عن ٧٥٠ مثلا

انا لسه جايب بريدجستون ١٥/١٩٥/٦٥ ب ٦٥٠ الفردة قبل الخصم بتاع نايل موتورز اللي هو ٥٪

[ashour100]

السلام عليكم،،،

لسه مركب نيكسن كوري 205/55/16 بـ 275 ريال شامل التركيب والترصيص والنيتروجين وفحص زوايا مجاني.
كان في نقشتين n5000 89 h و cp671a 91h اخترت الأولى رغم أن رقمها 89 والصراحة محترمة جدا .

في أثناء رحلة البحث كان المتاح بريدجستون gr 90 الفردة الواحدة بـ 582 ريال وميشلان روماني(انتاج 2011) ب 420 ريال وكوبون بـ 50 ريال من الوكيل الجفالي.

[solly1979]

رحلة البحث جاريه
شوفت امبارح كاوتشين عاجبونى اوى
1- بريلى P6000 W بشفه نازل عليه عرض عند واحد فى مدينة نصر ب 700 وبيقولى علشان عندة منه ستوك وماشاء الله اجنابه محترمه وانا شفت انتاجه 5-2012 (1221) والراجل بيأكدلى ان سعرة قبل الخصم معدى ال 900 ؟؟؟؟؟ انا معرفش سعرة برة كام
2- حاجه مش فاكر اسمها ايه بس هى اندونيسى ب 575 H بس النقشه بتاعتها جامدة موت وكاوتش بردة شكله محترم مكتوب عليه (silent)والراجل بيقولى انا مركبه فى عربيت والدى

ايه راى الشباب

[solly1979]

يوم الجمعه وانا ماشى على المحور كان فى طوبه فى الحارة التانيه
والحمد لله دوست عليها بأخر كاوتش نضيف فى العربيه وبردة طلع باللونه
انا بصراحه زهقت من موضوع البلالين دة واتخانقت ومش عارف امشى بالعربيه كدة ال 4 فرد فيهم بالالين مع العلم انهم عاملين 30 الف
المهم انا بفكر اشترى جنوط حديد 15 واركب كاوتش 195/65/15 او 205/60/15 واسيب ام الجنوط مركونه لما ابيع العربيه ابقا اديهم لصاحب النصيب بس المهم انا اعرف امشى
المهم بكام ومن ايين الاقى الجنوط الحديد الاصلى بتاعتها ؟
وانهى مقاس احسن فى ال 2 الفرق ما بينهم 1% اقل فى ال 205

[Ahmed Selim]

مش عارف أقولك أيه بس فيه ناس كتير معاها جنوط 16 و مش بتقابلها مشكلة البلالين دي...........أو على الأقل مش بنفس المعدل بتاعك............أعتقد أنت مشكلتك فى نوع الكاوتش نفسه أكتر منها فى الجنوط و الطريق.

أنا شوفت فعلاً كاوتش أندونيسي من فترة و مش فاكر أسمه أيه و كان شكله محترم جداً..........بس أنا بطبعي بحب أخليني فى الأمان......علشان كده جبت بريدجستون.

لو فكرت تبيع الجنوط قولي :)

ممكن ندخل جنوطي بكاوتشي الجديد فى جنوطك :)......بس حسب ظروف السيولة معايا ساعتها.

[solly1979]

مش عارف أقولك أيه بس فيه ناس كتير معاها جنوط 16 و مش بتقابلها مشكلة البلالين دي...........أو على الأقل مش بنفس المعدل بتاعك............أعتقد أنت مشكلتك فى نوع الكاوتش نفسه أكتر منها فى الجنوط و الطريق.

أنا شوفت فعلاً كاوتش أندونيسي من فترة و مش فاكر أسمه أيه و كان شكله محترم جداً..........بس أنا بطبعي بحب أخليني فى الأمان......علشان كده جبت بريدجستون.

لو فكرت تبيع الجنوط قولي :)

ممكن ندخل جنوطي بكاوتشي الجديد فى جنوطك :)......بس حسب ظروف السيولة معايا ساعتها.

متشكرين يا باشا ممكن فعلا نوع الكاوتش الكورى الى راكب هو المشكله
خلينى اجرب البريلى وربنا يكرم
ولو غيرت لحديد مش هبيع اكيد الجنوط علشان العربيه بانوراما لما احب ابيع لازم ابيعا بالجنوط الاصليه بتاعتها ان شاء الله

[تامر.محمد]

انا مركب بريدجستون my-01 , سعره حوالين ال700 جنيه تقريبا , بس ناشف شويتين