مساعدين أمامي لميجان 2088

[m abdelaziz]

[ri[/righبرجاء حد يساعدني في موضوع المساعدين اﻷمامي لميجن 2008
أجبهم منين و أيه اﻷنواع الوتوافرة
و سعرهم في التوكيل كام
فيه ميكانيكي رينوه في الهرم قاللي الفرنساوي اﻷصلي الجوز 1200 و جوز طبق مساعد تقريبا بطاحة 400 جنية

أنا كمان مش متأكد المساعدين بايظة ولا ﻷ بيتهيألي البطاحة هي اللي عاوزه تتغير أزاي أكشف علي المساعدين

[yalahwy2010]

أى عفشجى بيعرف هل البطاحات سليمة ولا لأ
بس نصيحة...........ياتجيب اتنين أصلى وتريح دماغك...........هيبقوا غاليين شوية.......بس هتنساهم
أو تجيب اتنين استيراد......من عند حد ثقة......ممكن فى صقر قريش عند مربع الرينو..........اسأل على ناصر الكهربائى ......جنبيه فى كذا واحد بيبيع استيراد
وفى عصام بشطر فى الحرفيين
بس خليك فى صقر قريش أحسن..........وفى ميكانيكى رينو جنب ناصر الكهربائى....اتنين اخوات شغالين فى رينو وكويسيين......اسمهم هانى واحمد.......وممكن تلاقى عندهم مساعدين استيراد تشتريهم منهم
بس يا ريت تاخد الميكانيكى اللى هيركبلك المساعدين يشترىهم معاك.....عشان يختارهم ....والمساعدين بييجى بالسوست والبطاحات بتاعته على بعضه......وبالتوفيق

[m abdelaziz]

شكرا يا باشا علي المعلومات
بس أنا مش برتاح لﻷستيراد
عاوز أجيب جديد ألاقيهم فين غير التوكيل

[iaibrahim]

طبعا الجديد احسن وانا مغيرهم من كام شهر فى الهرم ايضا عند طارق ب900 جنيه وقالى انه الااصلى بس الحقيقه انه بعد التركيب لقيتهم اسبانى!!!! المهم انهم ماشيين كويس وعلى فكره ممكن تشتريهم من التوكيل وهو يركبهم ولن تجد الفرق كبير طبعا اغلى ولكن على العموم هو امين واحسن من غيره مع التوفيق

[m abdelaziz]

فين طارق ده يا باشا و لو تقدر تبعتلي رقمة
هو فعلا المساعد في التوكيل مش غالي قوي بس البطاحة ( طبق المساعد ) هي اللي مبالغ فيها في التوكيل 900 ج تقريبا و عند ميكانيكي في الهرم أسمة معتز 200 ج
مش فاهم تيجي أزاي دي ؟؟
هو ما فيش محلات قطع غيار رينو و لا أية ؟؟؟

[m abdelaziz]

فين طارق ده يا باشا و لو تقدر تبعتلي رقمة
هو فعلا المساعد في التوكيل مش غالي قوي بس البطاحة ( طبق المساعد ) هي اللي مبالغ فيها في التوكيل 900 ج تقريبا و عند ميكانيكي في الهرم أسمة معتز 200 ج
مش فاهم تيجي أزاي دي ؟؟
هو ما فيش محلات قطع غيار رينو و لا أية ؟؟؟

[m abdelaziz]

سؤال كمان أنت غيرت المساعدين بالبطاحات ب 900 ج ولا المساعدين بس ؟؟؟؟؟

[iaibrahim]

اولا طارق ومعتز اخوات ونفس الورشه بس التعامل مع طارق احسن ...... اما البطاحه اللى ب200 بتكون من غير رمان البلى وغالبا تركى اما الاخرى الشامله البلى واصلى بتكون اغلى بكتير وانا غيرت المساعدين فقط ب900 وغيرت البطاحه والبلى كل حاجه لوحدها بس مش فاكر الاسعار وزى ما قولت انهم امناء وعندهم قطع الغيار التركى وهى بتمشى وايضا الاصلى بتاعه التوكيل يعنى فرنسى ووبتكون غاليه جدا

[m abdelaziz]

ألف شكر يا باشا و لو تسمحلي أتقل عليك بما أنك رجل محترم و ساكن في العرم زيي
أية رأيك في عثمانكو اللي في فصل ؟؟؟ أنا سمعت عنه

[iaibrahim]

ربنا يخليك .......انا جربتهم مره واحده اول ما جبت العربيه وفشلوا فى تحديد العيب (يمكن حظ) واضطريت اروح التوكيل اللى فى المقطم والحقيقه بعد انتظار طول النهار خرج المهندس وقال ان كمبيوتر الفتيس بايظ وثمنه 4000 جنيه ثم ذهبت لطارق وكنت لسه متعرف عليه وغيره بحوالى 600 جنيه طبعا استيراد وهذا للعلم وليس دعايه لاى حد لانك ممكن تشترى قطع الغيار من اى مكان صقر قريش او الحرفيين ثم تركبها عنده