محتاج رد بسرعة جدا على ميجان ٢٠٠٦

[mada0202]

ازيكم يا وحوش الميجان .

بعد الرؤية و المقارنات بصراحة لما ركبت الميجان حسيت بفرق رهيب و على الرغم من ان كل الناس بتحذرنا من اننا نشترى الميجان لكن بعد كلامكم هنا و بعد ركوبها استقريت عليها ان شاء الله و ربنا يكرمنا فيها.
دلوقتى انا لقيت عربية عاملة ١٣٤ الف كيلو اول يد و شايفها كويسة و بكرة ان شاء الله هكشف عليها فى التوكيل. اللى محتاجه دلوقتى اعرف ايه اللى يهمنى ايه اللى اخد بالى منه فى التوكيل لما يقولى انها محتاجة تتغير و ايه اللى احمله على المشترى و ايه اللى المفروض انا اتحمله و ايه اللى ممكن يخلينى بعد الكشف ارفض العربية - محتاج رأيكم بسرعة جدا لاننا ان شاء الله هنكشف عليها بكرة الصبح.

[mada0202]

العربية فيها حساس abs و حساس شكمان صاحب العربية بيقولى خاص بالبيئة و حساس الايرباج
و هو قالى هغيرهملك

[Ahmed Selim]

ده كده كل اللى فى كشف التوكيل ؟ ولا أنت كشفت برة ؟

لو هما دول بس اللى فى كشف التوكيل يبقى توكل على الله حتى لو أنت اللى هتصلحهم على حسابك..........لأن عادة التوكيل بيطلع القطط الفطسانة فى العربية.

بس أيه قصة حساس الأيرباج ده ؟

ده لو ضارب معناه أن العربية عاملة حادثة..........ولا قصدك على شريط الأيرباج ؟

[mada0202]

لا انا مكشفتش عليهم برة - اللى حصل ان صاحب العربية هو اللى قالى كده ان فيها التلات حساسات دى

بالنسبة لموضوع الايرباج - فعلى كلامه ان وحدة الحساس الخاصة بالايرباج وقع عليها مياة و الحساس ده ما بين الكرسيين الاماميين. و على كلامه برضه ان الحساس ده بيتغير ب 300 جنيه.
و هو هيتكفل عموما بتغيير التلات حساسات اللى قولت عليهم فوق.


انا بس اللي يهمنى علشان اقدر احكم على العربية اذا كانت كويسة ولا لأه المفروض اخد بالى من ايه فى كشف التوكيل بكرة ان شاء الله ؟؟؟

و يا ريت تفدنى فى موضوع حساس الايرباج اذا كان كلام صاحب العربية سليم ولا لأه ؟؟؟

[dedo_ryo]

بص التوكيل هيقولك علي كل اللي فيها و عايزك تعرف صيانات العربيه توكيل ولا بره و الحساسات اللي هيعملها دي بره و لا في التوكيل و علي فكره كنترول الايرباج تحت المسند اللي بين الكرسيين الامامين يعني صعب توصله ميه و التوكيل بيقولك علي كل حاجه كفائتها اقل من 75 % يعني هيطلعلك القطط الفطسه اللي في العربيه فخد بالك ان مش كل اللي هيتقال عيوب لكن المفيد انك تقدر تنزل من سعر العربيه بسبب الحاجات دي و خد باللك من الاجزاء الاستهلاكيه زي التيل و الطنابير المساعدين البطاحات الكويلات و البوجيهات اللللللللخ بس خد بالك من الديفيزر و ده ترس كده لو تعبان ده ب 1200 و خد بالك من حوار الحساس بتاع الايرباج لا تكون لا قدر الله عامله حادثه ولا حاجه و خلي المهندس يتقل علي ديه و حاجه كمان لو اوتوماتيك مفيش حاجه في الفتيس مش مهمه كله فيه مهم و ضروري و الاهم و التقرير معاك حاول يا تسأل المهندس علي اي حاجه مش فاهمها او اكتبها هنا و ان شاء الله نساعدك و ربنا يوفقك

[Ahmed Selim]

اكشف و قولنا التقرير فيه ايه و نتكلم

[adventurier]

متابع

[medo99_pc]

بس علي علبة حساس المطر عشان لو لقيت الحساس من غير جيل يبقي الزجاج الامامي متغير وش. وكمان بص علي الطنابير عشان ممكن تكون خلصانه بعد الكيلومترات الكتير.

[mada0202]

انا بشكر كل اللى كتب هنا و تابع - عموما انا كشفت على العربية و حطيت تقريرها هنا للي يحب يشوفه

http://www.nilemotors.net/Nile/342193-2006.html