مروحة تكييف الفيوانس ضعيفه

[Tarek1]

يا جماعة أنا معايا فلوانس 2013 تاني فئة أوتوماتك. و مروحة التكييف ضعيفة خصوصا من ناحية السواق ده غير ان صوت المروحه عالي اوي من اول السرعة ال6. يا تري ده طبيعي في العربية دي؟؟ حد عنده نفس الشعور ده؟ أنا عربيتى فيها التكييف ديجيتال.

شكرا جزيلا.

[exact]

سؤال واعذرني في سذاجته... هل انت متأكد ان الهوايات مفتوحة وعالوضع بتاع الهوايات الأمامية فقط من غير التحتانية؟؟

[Tarek1]

متاكد.
انا جربت كل حاجه. و كمان قفلت الهوايات اللى ورا علشان ضغت الهوا يزيد قدام. بس بردو وحش.

انا ملاحظ ان الهوا من فاتحت الراكب الامامى اكتر من بتاعة السواق.. ده طبيعى؟

شكرا على مرورك

[dedo_ryo]

لو عربيه حضرتك في الضمان ممكن تروح التوكيل هيظبط الموضوع ده
غير كده هتضطر حضرتك تحاول تفك الهوايات و تنضفهم و تنضف مساراتهم
و ان شاء الله خير و بسيطه

[Abo_Lina]

شوف فلتر التكييف احتمال يكون مسدود
و لو انه احتمال ضعيف لكون العربية ٢٠١٣
تحت الهواية فيه مؤشر بيتحرك يمين و شمال تأكد انه واصل للاخر على وضعية خروج الهواء

[Tarek1]

شوف فلتر التكييف احتمال يكون مسدود
و لو انه احتمال ضعيف لكون العربية ٢٠١٣
تحت الهواية فيه مؤشر بيتحرك يمين و شمال تأكد انه واصل للاخر على وضعية خروج الهواء

هو مكان الفلتر فين فى الفىوانس؟ مع انه فعلا احتمال ضعيف لان العربية عامل 1500 كم.

بالنسبة للمؤشر، جه موجود للفتحات اللى على الاجناب بس،يعنى مش موجود للفتحه اللى فى النص!

مشكور،،،

[Tarek1]

افهم من كده ان المروحه المفروض تكون اقوى من كده؟

انا شايف كده ان مفيش حد عنده نفس الشكوه بتاعتى

يا ريت كل الناس تفيدنا بخبرتها،

و لكم جزيل الشكر،،،

[ahmed_hanafi]

اتأكد ان انت مش مختار وضع الاوتو واختار ان الهواء يخرج من الامام فقط

[wael-mohamed]

اخي الفاضل
انا معايا فلوانس 2012 وحصل معايا نفس الموضوع وعملت كل الي الاخوة قالوا عليه ومفيش فايدة والحل ان حضرتك تروح التوكيل علشان كده الفلتر مسدود والموضوع ده ملوش دعوة العربية مشيت قد ايه ( ده الي قالوه في التوكيل ) بس صمم تاخد حقك ويغيروا الفلتر وربنا ييسرلك ان شاء الله

[Tarek1]

اخي الفاضل
انا معايا فلوانس 2012 وحصل معايا نفس الموضوع وعملت كل الي الاخوة قالوا عليه ومفيش فايدة والحل ان حضرتك تروح التوكيل علشان كده الفلتر مسدود والموضوع ده ملوش دعوة العربية مشيت قد ايه ( ده الي قالوه في التوكيل ) بس صمم تاخد حقك ويغيروا الفلتر وربنا ييسرلك ان شاء الله

شكرا جزيلا لمشاركتك. دي حاجه تطمن ان المشكله حصلت مع حد تاني و اتحلت. أنا اكتر حاجه كنت خايف منها ان العربية تكون كده أخرها.

أن شاء الله أروح و تتحل باذن لله

و متشكر جدا مره تانيه علي الأفاده, و متشكر جدا جدا لكل الأخوة اللي شاركو في الموضوع,

[M_SaadElDin]

طبعا حضرتك اسأل فى التوكيل زى ما الزملاء قالوا ... انا عندى نفس المشكلة (فلوانس 2013) بس اعتقد ان ده طبيعى ... اهم حاجة ان حضرتك ماتكونش بتقارن بينها وبين تكييف اى عربية يابانى او كورى او حتى صينى .. لأن اغلب العربيات الأوربى تكييفها سىء (اذا تم مقارنتها بسيارات من منشأ اخر غير اوربى) الموضوع مش بس قوة التكييف لكن كمان قوة المروحة ، يعنى الانسر مثلا فى الصيف والشمس ممكن تعمل التكييف على السرعة التانية وتلاقيه كويس لكن بالتجربة مع (كليو 2003، ابيزا2006 ، ميجان 2006) يدوبك مع السرعة الأخيرة تبدأ تحس ان فى تكييف شغال

[Tarek1]

طبعا حضرتك اسأل فى التوكيل زى ما الزملاء قالوا ... انا عندى نفس المشكلة (فلوانس 2013) بس اعتقد ان ده طبيعى ... اهم حاجة ان حضرتك ماتكونش بتقارن بينها وبين تكييف اى عربية يابانى او كورى او حتى صينى .. لأن اغلب العربيات الأوربى تكييفها سىء (اذا تم مقارنتها بسيارات من منشأ اخر غير اوربى) الموضوع مش بس قوة التكييف لكن كمان قوة المروحة ، يعنى الانسر مثلا فى الصيف والشمس ممكن تعمل التكييف على السرعة التانية وتلاقيه كويس لكن بالتجربة مع (كليو 2003، ابيزا2006 ، ميجان 2006) يدوبك مع السرعة الأخيرة تبدأ تحس ان فى تكييف شغال

شكرا لاهتمام حضرتك، و انا متاكد ان فى فرق بين تكييف الاوربى و اليابانى، بس انا حاسس ان فى مشكله لان الهوا ضعيف زياده، و كمان الهوا في الناحيه اليمين احسن من الناحيه الشمال.

يا ترى الباى زون ده فى درجة الحراره بس ولا كمان المروحة؟

و لكم جزيل الشكر،

[M_SaadElDin]

كمان الهوا في الناحيه اليمين احسن من الناحيه الشمال.
ده طبيعى فى الفلوانس و اعتقد فى كل العربيات الناحية الشمال اضعف شوية من اليمين، والفتحات الخلفية كمان اضعف
يا ترى الباى زون ده فى درجة الحراره بس ولا كمان المروحة؟
فى درجة الحرارة بس لكن مش بيفرق فى المروحة اللى بيفرق شوية فى الإحساس بقوة الهوا والتبريد هو زرار ال recycle (لجعل دورة الهواء من داخل السيارة وليس من الهواء الخارجى) والزرار ده لازم تدوس عليه كل ما تشغل التكييف لآن الـ default انه مش شغال.