العربية بترقص عالسرعات البطيئة !

[تامر.محمد]

سلام عليكم

من حوالي 10 ايام كنت خبطت حجر بالعجلة الامامية يمين و فردة الكاوتش راحت و غيرتها و الحمد لله

المهم

فجأة من يومين و انا مروح لقيت العربية عمالة ترقص لما بامشي على سرعات 20-30 تقريبا , و اللي قاعد على الكرسي اليمين بيحس بخشانة تحته

المهم شافها ميكانيكي و بص عالكاوتش و الجنط , و قال لي انهم سلام
و قال لي انها محتاجة تغيير راس الكوبلن الداخلي

و شافها ميكانيكي تاني , و بص عالكوبلن و قال لي مافيهوش حاجة !

انا اميل لاني اصدق الاولاني

انتوا شايفين ايه ؟

[م/عمرو]

ممكن يكون البلية اليمين فيها خشونها من الخبطة غيرها
وعشان تتأكد لو عربيتك مانيوال امشى فى مكان فاضى ماشى ودوس بنزين واجرى وبعد كدا مور لو لسا الخشونة موجودة يبقى البلية اتأثرت
والله اعلم
هى عربيتك نوعها ايه؟

[solly1979]

حضرتك كبست الجنط بعد الخبطه ولا طلع سليم ؟
علشان لو الجنط فى تانيه ممكن تعمل الرقصه ديه على سرعات صغيرة
وعلى سرعات عاليه بتختفى بس بتأثر على البلى على المدى البعيد

[CaptaiN-AhmeD]

شيك عالجنط يا ريس

[Karim Ibiza]

حمداً لله على السلامة
تطلع دلوقتى على واحد بتاع زوايا محترم وترصص العجلة اللى اتخبطت وتنقلها ورا وتظبط زوايا وتجرب
لو الصوت لسه موجود يبقى بلية بس ان شاء الله خير

[تامر.محمد]

ممكن يكون البلية اليمين فيها خشونها من الخبطة غيرها
وعشان تتأكد لو عربيتك مانيوال امشى فى مكان فاضى ماشى ودوس بنزين واجرى وبعد كدا مور لو لسا الخشونة موجودة يبقى البلية اتأثرت
والله اعلم
هى عربيتك نوعها ايه؟

العربية اتوماتيك ,بس انا باجرب امشي و اشيل رجلي من على البنزين و بتفضل تعمل كده
العربية ميجان2 , مش عارف ايه بقى يحدد دي بلية ولا كوبلن

حضرتك كبست الجنط بعد الخبطه ولا طلع سليم ؟
علشان لو الجنط فى تانيه ممكن تعمل الرقصه ديه على سرعات صغيرة
وعلى سرعات عاليه بتختفى بس بتأثر على البلى على المدى البعيد

شيك عالجنط يا ريس

حمداً لله على السلامة
تطلع دلوقتى على واحد بتاع زوايا محترم وترصص العجلة اللى اتخبطت وتنقلها ورا وتظبط زوايا وتجرب
لو الصوت لسه موجود يبقى بلية بس ان شاء الله خير

الجنط اللي اتخبط انا فعلا نقلته ورا , اللي راكب قدام حاليا الجنط اللي كــــــــــان ورا
و مكشوف عليهم ترصيص فعلا

[ahmedfathy15]

حصلت معايا قبل كدة وطلعت المشكلة في الكوبلن

[Karim Ibiza]

العربية اتوماتيك ,بس انا باجرب امشي و اشيل رجلي من على البنزين و بتفضل تعمل كده
العربية ميجان2 , مش عارف ايه بقى يحدد دي بلية ولا كوبلن





الجنط اللي اتخبط انا فعلا نقلته ورا , اللي راكب قدام حاليا الجنط اللي كــــــــــان ورا
و مكشوف عليهم ترصيص فعلا

برده تروح تظبط زوايا وهو هيقولك على اللى فيها لأنها لو فيها حاجة يبقى المفروض متظبطش معاه زوايا

[CaptaiN-AhmeD]

ياريت حضرتك تقولنا عالي حصل بعد توجيهات الاخوه وحمد الله ع سلامتك

[تامر.محمد]

ملخص امبارح
الكشف على كل الجنوط و الكاوتشات و رينجات الجنوط و طلعوا سلام كلهم
حل الكوبلن اليمين و برده طلع مافيهوش حاجة

النهارده ان شاء الله هاحل الكوبلن الشمال

[ahmedfouad]

90% من مشكلتك فى الجنط !!
هترفع العربية كل جنب لوحده
يعنى مثلاً الجنب اليمين قدام وتأمنها كويس من ورا .. تحط طوب تحت العجل مع الهاند بريك
وهى على المور تدور العربية الجنط هيلف هتبص عليه بعينك من زاوية ثابتة وتشوفه فيه رفا ولا لاء
وتعمل كدة فى الفردة التانية دى الفكرة ببساطة شوف هتعملها ازاى وممكن تجرب تحط الاستبن ...
كان نفس المشكله عندى وبص فى مواضيعى هتعرف .. غيرت العربية كلها علشان احل المشكلة وفى الاخر طلع جنط معوج مع انى كاشف عليهم عند طوب الارض واللى اكتشفها الراجل اللى بيرصص العجل بالحصان فى بنزينة شيل فى شارع دمشق الله يكرمه وقالى غير الجنط ده وحش ههههههه
بعد ما كنت صرفت فوق ال 3000 جنيه غير اللف على الصنايعية ... نصيحة روحله وخلى بالك مواعيده من 9 صباحاً الى الساعة 4 عصراً مش اكتر
وابقى طمنا والنبى :)

[تامر.محمد]

امبارح ضربت مشوار طويل من المعادي لعين شمس , من شغلي لحد بتاع كبالن وصفهولي ايمن


لما وصلت كان عندي احساس غريب , و لما هو جرب اكدهولي


العربية سليمة و مافيهاش حاجة و الرفة مش موجودة o_o

[محمود السيد]

السلام عليكم
المشكلة دى اعتقد انها بلية عجل وممكن انك بنفسك تتاكد من غير ماتروح لميكانيكى المطلوب انك تثبت وضعية العجل بوضع مستقيم وبعدين تحط ايديك الاثنين فوق العجلة وتهز العجلة فلو حسيت بوجود بوش تعرف ان البلية محتاجة تغيير وابقى احكيلى

[ahmedfouad]

امبارح ضربت مشوار طويل من المعادي لعين شمس , من شغلي لحد بتاع كبالن وصفهولي ايمن


لما وصلت كان عندي احساس غريب , و لما هو جرب اكدهولي


العربية سليمة و مافيهاش حاجة و الرفة مش موجودة o_o

بص بقا .. لو الرفة رجعت تانى يبقى تغير شمعدان على طول
لان فى الحالة دى يبقى الظرف اللى البلية بايتة فيه مبوووش من الخبطة ..
واعتقد انها هترجع لان مش معقول كنت انت موهوم كل ده .. ولا ايه ؟
اهم حاجة تبقى تبلغنا :)

[تامر.محمد]

لا موهوم ايه ؟
و لو انا موهوم , تلاتة ميكانيكية و بتاع كبالن و بتاع كاوتش كمان موهومين ؟