جنوط الفلوانس

[wal]

السلام عليكم كنت عايز اشترى جنط للفلونس لان أمبارح لقيت الفرده الشمال فى الخلف مسروقة بالجنط لوفى حد من حضراتكم يقدر يفيدنى منين اقدر أجيب جنط لأنى سالت في التوكيل بصراحه سعره غالى جداً

[windofchange]

هات الجنط بتاعها استيراد الحديد لانه بيكون نفس رقم الet لان الجنوط اللي في السوق غالبا مش مكتوب عليها الرقم والرقم ده لو اختلف يتعب لك عفشة العربية..ولو انت بتلف علي بتوع الاستيراد لقيت الجنط الاسبور بتاعها رخيص اشتريه بس اعتقد ممكن يقلك خد طقم كامل 4 جنوط!

[hossam_elwani]

هيا بقة سرقةالجنوط موضه

لنا الله

[horas3000]

لا حول و لا قوة الا بالله
ربنا يعوض عليك و يجحم الحرامي

[wal]

هات الجنط بتاعها استيراد الحديد لانه بيكون نفس رقم الet لان الجنوط اللي في السوق غالبا مش مكتوب عليها الرقم والرقم ده لو اختلف يتعب لك عفشة العربية..ولو انت بتلف علي بتوع الاستيراد لقيت الجنط الاسبور بتاعها رخيص اشتريه بس اعتقد ممكن يقلك خد طقم كامل 4 جنوط!

ماهى الجنوط إلى عندي الأسبور يعنى رأي حضرتك أجيبه من التوكيل وخلاص وأريح دماغي

[horas3000]

ماهى الجنوط إلى عندي الأسبور يعنى رأي حضرتك أجيبه من التوكيل وخلاص وأريح دماغي

اعمل اللي عليك و دور عليه استراد
لو ملقيتوش مش قدامك الا التوكيل للاسف
و متنساش تجيب ال lock و تركبه

[Land_Cruiser]

قدر الله و ما شاء فعل. طالما جنط واحد يبقي اكيد هات الأصلي من التوكيل او دور عليه بره اذا لقيته علشان يبقي ارخص شويه علشان يبقي زي الباقيين لانه ما ينفعش تمشي بجنط مقاس مختلف حتي لو حاجه بسيطه خاصه انك مش هتغير الاربعه ده غير ان شكله هيبقي سيء ومختلف و هات كمان فرده كاوتش أخت اللي موجودين و ركب المسامير اللي بتمنع سرقه الجنط لانها ضروريه جدا اليومين دول

[وائل الجندي]

ربنا يعوض عليك
بس أيه الحكاية يا جماعة انا حاسس اني مصر بقت بنجلاديش

[wal]

اعمل اللي عليك و دور عليه استراد
لو ملقيتوش مش قدامك الا التوكيل للاسف
و متنساش تجيب ال lock و تركبه

أن شاء الله أحاول أدور عليه بس ممكن اعرف إيه قصد حضرتك بالlock

[tareksedra]

ربنا يعوض عليك انا سمعت أن في فلوينس متقطعة في الحرفيين ممكن تلاقي جنط استيراد دور هناك الأول وربنا يوفقك أن مالقيتش يبقي مفيش غير التوكيل ،،،،، هو سعر الجنط في التوكيل بكام

[wal]

قدر الله و ما شاء فعل. طالما جنط واحد يبقي اكيد هات الأصلي من التوكيل او دور عليه بره اذا لقيته علشان يبقي ارخص شويه علشان يبقي زي الباقيين لانه ما ينفعش تمشي بجنط مقاس مختلف حتي لو حاجه بسيطه خاصه انك مش هتغير الاربعه ده غير ان شكله هيبقي سيء ومختلف و هات كمان فرده كاوتش أخت اللي موجودين و ركب المسامير اللي بتمنع سرقه الجنط لانها ضروريه جدا اليومين دول

الحمد لله بس ايه موضوع المسامير إلى بتمنع سرقه الجنط اول مرة اسمع عنها بصراحة وهل فعلا عملية واجيبها منين

[wal]

ربنا يعوض عليك انا سمعت أن في فلوينس متقطعة في الحرفيين ممكن تلاقي جنط استيراد دور هناك الأول وربنا يوفقك أن مالقيتش يبقي مفيش غير التوكيل ،،،،، هو سعر الجنط في التوكيل بكام

سعر الجنط الواحد في التوكيل ٢١٠٠جنية

[amrelserw]

وائل ياشا انت اتسرقت فين ..انا الجنط اتسرق عند عمارات الظباط الى عند الاستاد
اصلى اتسرقت الفردة الشمال وراء بردو !!!!!

[Land_Cruiser]

الحمد لله بس ايه موضوع المسامير إلى بتمنع سرقه الجنط اول مرة اسمع عنها بصراحة وهل فعلا عملية واجيبها منين

ايوه يا فندم مهمه و عمليه. اعتقد انها ممكن تكون بتتباع في التوكيل او عند المحلات الكبيره بتاعه الاكسسوار او بيع الكاوتش و فكرتها ببساطه ان مسمار العجل بتبقي راسه شكلها مش استاندرد و بالتالي المفتاح الصليبه العادي مش هيركب عليها و لا هيعرف يدخل فيها علشان الحرامي يعرف يفك بيها الجنط و بالتالي ما يعرفش يسرقه و انصح حضرتك تشتريها و تركبها لان الجنوط و الكاوتش غاليين و الموضوع اتكرر من عضو آخر و ربنا يستر و ما تبقاش ظاهره

[wal]

وائل ياشا انت اتسرقت فين ..انا الجنط اتسرق عند عمارات الظباط الى عند الاستاد
اصلى اتسرقت الفردة الشمال وراء بردو !!!!!

اتسرق فى مصر الجديدة فى شارع المقريزي على العموم الحمد لله على كل حال بس لو عرفت حد بيبيعه لغاية يوم الأحد ماتنسانيش معاك لان التوكيل تقريبا قافل جمعة وسبت غير كدة يبقى مفيش حل غير التوكيل يوم الأحد أن شاء الله لان كدة إحنا يعتبر معناش استبن انا كلمتهم موجود فى كل الفروع العبور والمقطم وتقريبا قالى ابو رواش