جنط الفلوينس اتسرق

[amrelserw]

السلام عليكم انا اتسرق منى فردة جنط بتاعت عربية فلوينس 2010 من قدام بيت ابوى
الحرامى ابن .....سابها على طوبة
انا حطت الاستبن ال 15 بس العربية مش مظبوطة 3 فرد 16 وواحدة 15
أعمل ايه...فى حد ممكن اشترى منه جنط بتاع الفلوينس

[Mohab.Nabil]

دور عند بتوع الاستيراد فى الحرفيين و صقر قريش المعادى

و معلش ربنا يعوضك ان شاء الله و الحمد لله انه سرق فردة مش الـ 4 فرد

[el diesel]

العوض على الله وربنا يسترها علينا

[hamaka]

غريبة أوى....انت تانى واحد معاه فلوينس بالذات يتسرق منه جنط فى خلال 48 ساعة...ايه الحكاية

[amrelserw]

غريبة أوى....انت تانى واحد معاه فلوينس بالذات يتسرق منه جنط فى خلال 48 ساعة...ايه الحكاية

بجد هو فى حد فى المنتدى اتسرق منه الجنط بردو

[Land_Cruiser]

يظهر ان الحرامي بيسرق جنط من كل عربيه علشان يكمل الطقم لان في واحد كان لسه عامل موضوع الصبح ان الجنط الخلفي بتاعه اتسرق برضه من عربيته الفلوانس ... منه لله اللي سرقه
سوف ارد علي حضرتك نفس الرد اللي قلته للأخ اللي الجنط بتاع الفلوانس بتاع عربيته اتسرق : طالما جنط واحد يبقي اشتري الأصلي زي اللي راكب من التوكيل او موزع معتمد و هات نفس ماركه و نقشه باقي الكاوتش و يستحسن تركب المسامير المانعه لسرقه الجنط بعد كده و دي ما يعرفش يفكها بمفتاح الصليبه العادي

[S O P H O S]

ربنا يرحمنا من الي بيحصل ده
ويعوضك خير