ميجان 2005 ممكن تساعدنى من فضلك ؟

[manooo80]

السلام عليكم

معروض عليا يا رجاله عربيه ميجان 2005 شركه بره وجوه كامله من غير فتحة سقف العربيه حالتها حلوة جداااااا عايز فيها 50000 الف بس انا خايف منها خايف منها ليه عشان الاسئله التاليه

1- هل قطع الغيار متوفره انا عايش فى الصعيد ؟
2- هل اعطالها كتير فعلا ؟
3- اخبار اعادة البيع ايه سريعه ولا بطيئه ولا ميته ؟
4- ليه مش مرغوبه

ياريت حد ذو خبره يجاوب على الاسئله دى وشكراااا

[shawkylotfy]

ادام انت من الصعيد اصرف نظر علشان تكيفها مش قوى وهاتلك يابانى

[hilal]

إذا كانت مانوال ، مفيش مشكلة ، أما إذا كانت أتوماتيك ابعد عن موديل 2005 و 2006 عشان بها عيوب تصنيع وهتقرفك

[solly1979]

إذا كانت مانوال ، مفيش مشكلة ، أما إذا كانت أتوماتيك ابعد عن موديل 2005 و 2006 عشان بها عيوب تصنيع وهتقرفك

هو حضرتك جبت الكلام دة من اين ؟ ممكن توضيح اكتر علشان الكل يستفيد
وحضرتك معاك عربيه نوعها ايه ؟

[MohammedAladel]

العربية كويسة ومرغوبة
أنا من الصعيد برضه .... تكييفها مش قوى فعلا بس كويس
قطع الغيار هتجيبها من القاهرة وهتلاقى ناس فى المحافظة بتبيعلها قطع غيار بس قليل اللى مسهل عليا الموضوع انى بتعامل معاها وبشتغل فيها بنفسى

السعر رخيصة طبعا لو بالحالة اللى بتتكلم عنها

معتقدش انك ممكن تخسر فيها لما هى ب 50 ألف هتروح فين تانى بعد كدا !!!!!!

[proff]

إذا كانت مانوال ، مفيش مشكلة ، أما إذا كانت أتوماتيك ابعد عن موديل 2005 و 2006 عشان بها عيوب تصنيع وهتقرفك

فعلا هو حضرتك جبت الكلام ده منيين ادا كان الفتيس واحد من اول ما انتجوا الميحان الي الفلوانس 2012
الاختلاف في سوفت وير الفتيس يعني الي معاه 2005 وحدث سوفت وير الفتيس خلاص مافيش عنده مشكله

[MohammedAladel]

الفتيس واحد فعلا والسوفت وير غيروه عشان يقلل النتشة بين الغيار الأول والتانى