ميجان ولا فيكترا فى الثبات

[Formulator]

أكيد الفكترا B أثبت :)
بس الميجان-II بردو عربية ثباتها عالى.. والهاندلينج بتاعها فـ السرعات الصغيرة-إلى-متوسطة أفضل من الأوبل!
- فـ السرعات العالية الأمور بتتغير تماما: الفكترا B بتوطى أوى عـ الأرض، والـTraction/الـGrip أعلى من الميجان طبعا؟!!
(عن تجارب لفكترا B2 2.016v CDX -عربية أخويا)

ماتنسوش ان شاسيه الفكترا كان بيستحمل مواتير لحد 2.8 V6.. يعنى أكيد أثقل وأجمد!
- الفكترا B2 دى كنا بنجيب بيها 240 كم/س -- الميجان آخرها 190-200: فلااااااااازم يبقى فيه فرق فـ العفشة والـplatform؟!!

بالنسبة للمقارنة- ميجان مع السيراتو: لا تجوز أصلا
>> لأن الـSetup الأوروبى مختلف عن الكورى فـ وضعية الدامبرات والسوست عـ الدنجل/التورشن؟!!
سواء الأوروبى كان Watt's link أو Z زى الأسترا J الجديدة..
أو كان semi-independent زى الأسترا H والميجان-II

فـ نخرج السيراتو برا الكلام نهائى :) عشان بس نعرف نقارن :))

>> المقارنة مع الفلوينس (vs ميجان-II)
طبعا الميجان تتفوق فـ الهاندلينج والثبات، لكن الفلوينس/ميجان-III تتفوق فـ النعومة فقط!!

كمان الـsetup بتاع الفلوينس -للأسف- مش أوروبى؟؟!!! ده يابانى صرف زى النيسان والتويوتا:
الـTorsion-beam مفيهاش الـTwist/Curvature بتاع العربيات الأوروبى!
+ انها أصلا عربية كبيرة وطويلة >>> مش بتاع جرى Spirited زى الميجان؟!!

>> بالنسبة للألفا156/147
بردو -برا المقارنة- بس بالإيجاب -- مش بالسلب زى السيراتو؟!! ههههههههههههه
عشان الألفا عفشة قدام double High-wishbone زى الفيررارى
وورا Multi-link بـSetup يعتبر Sophisticated أوى لعربية كومباكت فـ الفئة دى!

رأيى الأخير:
- لو عاجباك الميجان: هاتها ومش هتبقى disappointed
وممكن تبقى تركب كاوتش Traction AA أو حاجة سبورت، أو -لو تقدر- ليها أطقم دامبرات Bilstein (من غير السوست الـEibach عشان ماتنشفش)..
you will really like it

Rgds،

[i_Am_Legend]

ياباشا ابووووووس ايدك...كبر دماغك ...وخلص في الفا روميو..هاتعرف انك ماكتتش راكب عربيات قبل كدة...وهاتعرف دة لما تدخل ملف وانت ماشي علي 150

[creative_art]

أكيد الفكترا B أثبت :)
بس الميجان-II بردو عربية ثباتها عالى.. والهاندلينج بتاعها فـ السرعات الصغيرة-إلى-متوسطة أفضل من الأوبل!
- فـ السرعات العالية الأمور بتتغير تماما: الفكترا B بتوطى أوى عـ الأرض، والـTraction/الـGrip أعلى من الميجان طبعا؟!!
(عن تجارب لفكترا B2 2.016v CDX -عربية أخويا)

ماتنسوش ان شاسيه الفكترا كان بيستحمل مواتير لحد 2.8 V6.. يعنى أكيد أثقل وأجمد!
- الفكترا B2 دى كنا بنجيب بيها 240 كم/س -- الميجان آخرها 190-200: فلااااااااازم يبقى فيه فرق فـ العفشة والـplatform؟!!

بالنسبة للمقارنة- ميجان مع السيراتو: لا تجوز أصلا
>> لأن الـSetup الأوروبى مختلف عن الكورى فـ وضعية الدامبرات والسوست عـ الدنجل/التورشن؟!!
سواء الأوروبى كان Watt's link أو Z زى الأسترا J الجديدة..
أو كان semi-independent زى الأسترا H والميجان-II

فـ نخرج السيراتو برا الكلام نهائى :) عشان بس نعرف نقارن :))

>> المقارنة مع الفلوينس (vs ميجان-II)
طبعا الميجان تتفوق فـ الهاندلينج والثبات، لكن الفلوينس/ميجان-III تتفوق فـ النعومة فقط!!

كمان الـsetup بتاع الفلوينس -للأسف- مش أوروبى؟؟!!! ده يابانى صرف زى النيسان والتويوتا:
الـTorsion-beam مفيهاش الـTwist/Curvature بتاع العربيات الأوروبى!
+ انها أصلا عربية كبيرة وطويلة >>> مش بتاع جرى Spirited زى الميجان؟!!

>> بالنسبة للألفا156/147
بردو -برا المقارنة- بس بالإيجاب -- مش بالسلب زى السيراتو؟!! ههههههههههههه
عشان الألفا عفشة قدام double High-wishbone زى الفيررارى
وورا Multi-link بـSetup يعتبر Sophisticated أوى لعربية كومباكت فـ الفئة دى!

رأيى الأخير:
- لو عاجباك الميجان: هاتها ومش هتبقى disappointed
وممكن تبقى تركب كاوتش Traction AA أو حاجة سبورت، أو -لو تقدر- ليها أطقم دامبرات Bilstein (من غير السوست الـEibach عشان ماتنشفش)..
you will really like it

Rgds،

كومنتك فوق ال professional والواحد بيبقي مبسوط لما يلاقي حد يتعلم وياخد معلومات منه .. انا بدرس بزنس انجلش بس عندي حب اطلاع عالى الحمدلله ومجمع قدر لا بأس منه من المعلومات

وعموما انا كنت برد لما اتسالت انت ازاى من العفشه الخلفيه تقدر تحدد ثبات واستجابة العربيه فى مواقف ال distress لانى كنت بقول على العفشه الخلفيه للسيراتو سيئه كما الحال فى الفلوانس ..

وفعلا كلامك مظبوط فى نقطة ان الفلوانس تتفوق فى الراحه وان ال setup بتاعها يابانى صرف ده انا ابصم على كلامك بالعشره .. لان الى معانا Renault fluence sm3 ودي تصميمها يابانى بالكامل عدا بعض الاجزاء صناعة شركة سامسونج وهي مريحه سلسه عالطريق بس مفيش تحكم الألمانى خالص .. انا بالأوبل باخد ملفات الصحراوي على 190 بدون ادني احساس بالقلق عشان كده كنت لازم اسأل عنها وهل هحس بفرق ولا لأ ..


وعموما من كلامكوانا فعلا حبيت الميجان وهبتدي من بكره ان شاء الله ادور على واحده لحد ما عربيتي تخلص وابيعها ..

على الرغم انا كن من طموحاتى انى اجيب BMW E36 او E34 بس للأسف بعد ماجربت الالمانى القديم فى المستعمل عرفت انه مش هيعمر معايا خصوصا انا بسافر اكتر من 6 مرات فى الشهر

[Tarek1]

انا الحقيقه مستمتع جدا بالموضوع ده و بكميه المعلومات اللى فيه. انا لسه شارى فلوانس و كنت بفاضل بينها و بين الانترا ، بس اخترت فلوانس علشان الامان و الثبات على حد ما قرأت فى المنتدى، فانا حابب اسمع رأى الخبراء فىثبات الالنترا.
يا رب ما اكنش اخترت غلط.

تخياتى.

[2alb]

متابع

[Amr_Moh]

ﺍﻻ.ﺳﺘﻔﺴﺎﺭ ﺑﺘﺎﻋﻰ ﺑﻤﻨﺘﻬﻲ ﺍﻟﺒﺴﺎﻃﻪ ﻣﺤﺘﺎﺝ ﺣﺪ ﻳﻜﻮﻥ ﺭﻛﻴﺐ ﺍﻟﻤﺎﻧﻰ ﻭﻣﻌﺎﻩ ﻣﻴﺠﺎﻥ ﺣﺎﻟﻴﺎ ... ﻭﺟﺮﺏ ﻳﻌﻨﻲ ﺍﻳﻪ ﺍﻟﻤﺎﻧﻰ ﻭﻫﺘﻜﻠﻢ ﺑﺎﻟﺘﺤﺪﻳﺪ ﻓﻰ ﻧﻘﻄﺔ ﺍﻟﺜﺒﺎﺕ ...

الاتنين ممتازين ازين

[aly_elhawary]

>> المقارنة مع الفلوينس (vs ميجان-II)
طبعا الميجان تتفوق فـ الهاندلينج والثبات، لكن الفلوينس/ميجان-III تتفوق فـ النعومة فقط!!

كمان الـsetup بتاع الفلوينس -للأسف- مش أوروبى؟؟!!! ده يابانى صرف زى النيسان والتويوتا:
الـTorsion-beam مفيهاش الـTwist/Curvature بتاع العربيات الأوروبى!
+ انها أصلا عربية كبيرة وطويلة >>> مش بتاع جرى Spirited زى الميجان؟!!

Rgds،

يا نهار أبيض ... أنا طول عمرى راكب يابانى كان معايا نيسان صنى ولما حبيت أغير قلت أجرب الأوروبى وجبت فلوانس بعد كده يطلع الsetup بتاعها يابانى صرف .....
يعنى برده اليابانى ورايا ورايا

[Formulator]

انا الحقيقه مستمتع جدا بالموضوع ده و بكميه المعلومات اللى فيه. انا لسه شارى فلوانس و كنت بفاضل بينها و بين الانترا ، بس اخترت فلوانس علشان الامان و الثبات على حد ما قرأت فى المنتدى، فانا حابب اسمع رأى الخبراء فىثبات الالنترا.
يا رب ما اكنش اخترت غلط.

تخياتى.

يا نهار أبيض ... أنا طول عمرى راكب يابانى كان معايا نيسان صنى ولما حبيت أغير قلت أجرب الأوروبى وجبت فلوانس بعد كده يطلع الsetup بتاعها يابانى صرف .....
يعنى برده اليابانى ورايا ورايا

يا رجالة لأ :)
الفلوينس عربية محترمة جدا جدا، وثباتها عالى اوى بردو.. خصوصا لو قارنتها بأى عربية كورى أو يابانى -طبعا أثبت!

- إحنا بنتكلم فـ فروق صغيرة أوى بينها وبين الميجان-II
(زى العفشة الخلفية -والدركسيون مثلا: طارة الميجان-II كان عدد لفاتها أقل.. وكانت حساسة جدا عـ السرعات -غير الفلوينس: فيها margin للسيفتى)!

والمقارنة مع الأوبل: الفكترا-b دى من أثبت عربيات أوبل (والألمانى عموما) اللى نزلت مصر!

وكمان إحنا بنتكلم فـ فروق ماتهمش إلا السواق المتهور!!
- يعنى الـNormal/ Average-Driver مش هيلاحظ الكلام ده؟!! خصوصا لو مش بيسوق Spirited على سرعات عالية!!

- بالنسبة للإلنترا: مفيش مقارنة أصلا؟!! فلوينس وششششششش (أو أوكتافيا-جيتا-أسترا-فوكاس...etc)
دول اللى يتقارنوا معاها

- وبالنسبة لليابانى والنيسان: هيفضل وراك بردو -لو هتركب رينو؟!!
لأن حتى فتيسها دلوقتى X-Tronic CVT نفس بتاع القاشقاى والجوك :)
وبيقولوا الموتور كمان de-tuned version من موتور التيدا-QQ-جوك؟!!

anyway: هى عربية رائعة -لولا بس الإستهبال فـ زيادة السعر مع الدولار/الهوجة -- وكمان نزول الـfacelift 2013؟!!

[تامر.محمد]

رأيى الأخير:
- لو عاجباك الميجان: هاتها ومش هتبقى disappointed
وممكن تبقى تركب كاوتش Traction AA أو حاجة سبورت، أو -لو تقدر- ليها أطقم دامبرات Bilstein (من غير السوست الـEibach عشان ماتنشفش)..
you will really like it

Rgds،

يعني المساعدين تغييرها يفرق فعلا في الثبات من غير ما يأثر عالراحة ؟
العربية اساسا نشفت بعد الجنوط ال16 و الكاوتش الmy-01 لو انت فاكر
(حاجة عايز اسألك فيها حيث انك هنا , دلوقت عندي فردة ضربت , نقلتها ورا , بس ما لقتش MY-01 , لقيته اتوقف , فجبت التورانزا زي ما نصحتني , و بقى عندي ورا دلوقت فردة تورانزا و فردة MY-01 , هاتأثر على اداء العربية اوي الحكاية دي ؟ ضروري اغير الفردة التانية كمان ؟ :( )

[Formulator]

يفضل تغيرها يا تامر بيه :(
عشان ده موضوع أماااااااااااااااااان؟!!

- كده ممكن العربية -لا قدر الله- تعوم منك فـ manoeuvrings جامدة أو ملف على سرعة؟!!!
دايما حاول العجلتين على نفس الأكس-- يبقوا نفس النقشة!

Rgds،

[creative_art]

ياجماااااااااعه الفلوانس مش وحشه والله العظيم ... انا بس عشان رجلي تقيله وبحس بثبات العربيه اوى ولازم تكون تحت ايدي a1 حسيت ان ثباتها مش مرضي بس عادى انا بسافر بيها 170 مش وحشه ماسكه نفسها بعد كده بتبتدي تقلق شوية ..
وعلى فكره الى مع والدي خليجي 2011 نازله بجير cvt وموتور reanult nissan وعلى حسب كلام مهندس التوكيل انه نازل بتكنولوجيا شبيهه بالتربو ( وانا مش متاكد من الموضوع ده ) ..
بس للعلم الموتور قوي جدا جدا فوق ماقدر اوصفلكو ياجماعه انا طلعت من فلوانس تركي كتير والتجميع من 0 ل 160 عالى جدا .... والتكييف ده حكايه يمكن نفس كفاءة تكييف التويوتا غير الفرنساوى خالص وبصراحه والدي مش ندمان انه جابها خليجي ..
وللعلم الى نزل منها فى مصر كان حوالى 3 كونتينر او 2 مش متذكر وهما عدد قليل جدا فى مصر مفيش منهم كتير ... وكلهم بيبقي فيهم الشبكه الى قدام كبيره غير التركي
وللمره التانيه .. ثباتها لا يقارن بالكوري .. ابدا

[creative_art]

فيه حاجات خفيفه بتدايقني فى الفلوانس غير موضوع الثبات ..

زي مثلا التابلوه تحس ان خاماته رديئه .. بلاستيك وقفيل مفيهوش اى روح ..

وشوية حاجات شخصيه بتعتمد على نمط سواقتي زي مثلا ان البدال بتاع البنزين والفرامل بتاعها حساس جدا .. تيجي تدوس بنزين تلاقيها بتنط منك وفيه فى اول البدال فراغ كده لما تبتدي تضغط عليه تحس ان ال timing بتاع البدال مش مظبوط وتلاقيها تتاخر كده فى الاستجابه .. انا قولت ممكن يكون البدال كهربه مش على واير .. بس انا ركبت المانى و بالذات اوكتافيا فانتزيا كتير البدال بتاعها كهربا بس كل حاجه مظبوطه مفيش النطه دي

غير كده الباور الكهربا بتاعها مش مسعف لو حبيت تاخد غرزه فى وقت طوارئ ..

هي كلها فى الاخر اراء شخصيه ولا تعيب السياره فى شىء ..

[تامر.محمد]

يفضل تغيرها يا تامر بيه :(
عشان ده موضوع أماااااااااااااااااان؟!!

- كده ممكن العربية -لا قدر الله- تعوم منك فـ manoeuvrings جامدة أو ملف على سرعة؟!!!
دايما حاول العجلتين على نفس الأكس-- يبقوا نفس النقشة!

Rgds،

هممممم , خير ان شاء الله ,يعني اعمل حسابي في 900 جنيه كمان :(
الله يحرق ده شارع على ده حجر


طب بالنسبة لنقطة المساعدين دي ؟ هاتنشف العربية ؟

[Ahmed Selim]

هممممم , خير ان شاء الله ,يعني اعمل حسابي في 900 جنيه كمان :(
الله يحرق ده شارع على ده حجر


طب بالنسبة لنقطة المساعدين دي ؟ هاتنشف العربية ؟

المساعدين الرياضية عموماً هتحس معاها بنشوفية زيادة..........ده طبيعي.

ممكن فى مقابلة تبقى تاخد عربيتي لفة.......فيها طقم كوني.........بس هتدفع كام ؟ :)

[creative_art]

معلش مكلفك كام الكوني ده ولونه ايه ؟؟ وإيه اخبارها معاك فى مطبات الهوا؟