معلومات الوحوش ايه عن الفتيس الxtronic cvt؟

[Hany Saad]

طبعا زى ما حضراتكم عارفين أن الفلوانس الجديده نازله بفتيس جديد XTRONIC CVT و طبعا ده نظام مختلف تماماً عن الأوتوماتيك العادى.....النقلات فيه ملهاش عدد محدد لانه عباره عن ٢ طاره متصلين بسير معدن و شكلهم من الداخل حرف V و السير بيتحرك عليهم نزولا و صعودا.
نيسان من أوائل الشركات اللى استخدمته فى سياراتها

مميزاته:
سلاسه رهيبة فى النقل و لا كان العربية بتنقل.....لا يوجد إحساس بالغيار نهائى
اقتصاديه عاليه فى استهلاك الوقود
أقصى عزم للموتور متاح عند كافه السرعات
تسارع عالى للسيارة
مفيش الdown shifting اللى كانت بتعمله الميجان لما كنا ندوس فرامل علشان تساعد فى الفرمله

عيوبه
عدم الإحساس بالغيار يفقد متعه السواقة بالنسبة للسواق المحترف أو المحب للشد
صوت مختلف/عالى من الفتيس
لا قيمه للrpm لمعرفه تغيير الغيار
إحساس مختلف عن سواقه الأوتوماتيك


يا ريت اللى ساق فتيس النيسان قبل كده يقولى ايه الأخبار و إحساسه

الفتيس نازل فى الجوك و المورانو و الالتيما و الفيرسا و كتير من سيارات نيسان الحالية

[Amr_Moh]

موجد في القشقاي . أداء جيد و ان كان بطئ نسبيا في التسارع من الثبات حتي ٣٠ -٤٠ كم/س
بشكل عام طفره الي الإمام مقارنتا بفتيس الميجان و الفلونس الشكل الأديم

[ahmadm]

السلام عليكم
انا سوقت القشقاى كتير مع واحد صاحبي و الفتيس يجيب شلل فى الزحمة و التسارع زى الزفت و دية وجهة نظرى من خلال سواقتى للعربية و بجد نفسى حد يكون جاب الفلوانس ب الفتيس دة عشان نعرف الاخبار اية عشان انا عايز اجيبها و مستنى اخبار الفتيس من الملاك

[Amr_Moh]

أتوقع تحسن ملحوظ في أدائه علي الفلونس عن القشقاي بسبب اختلاف ارتفاع الكوتش بالجنط ( القطر الإجمالي للفرده)
فيتحسن عزم الدوران لنفس المحرك و الفتيس

[وائل الجندي]

انا معايا الفلوانس الخليجي وهو نازل فيها من من اول منزلت هنا والفتيس لا يجيب شلل ولا حاجة هو فعلا اقل استجابة مثلا من سيارتي القديمة الجولف لكن مش للدرجة الي ضايق يعني اقل استجابة بحاجة لا تذكر وكمان لما بتدوس شوية بتكون الاستجابة سريعة بس انا نظام سواقتي مش بدوس جامد يعني بسيب الغيار براحته

[Hany Saad]

انا معايا الفلوانس الخليجي وهو نازل فيها من من اول منزلت هنا والفتيس لا يجيب شلل ولا حاجة هو فعلا اقل استجابة مثلا من سيارتي القديمة الجولف لكن مش للدرجة الي ضايق يعني اقل استجابة بحاجة لا تذكر وكمان لما بتدوس شوية بتكون الاستجابة سريعة بس انا نظام سواقتي مش بدوس جامد يعني بسيب الغيار براحته

سؤال معلش....هل فى أى صوت يصدر من هذا الفتيس....يعنى و انت قافل الزجاح بيكون فيه صوت مش مستحب/غريب داخل السيارة و لا زى العربيات اليابانى مش بتسمع صوت المكنه خالص؟

[وائل الجندي]

مفيش صوت يعني والعربية واقفة ممكن متحسهاش شغالة اصلا

[horas3000]

انا في مجربه في اللانسر و المورانو
و مفيش كلام يتقال بعد اللي انت كتبته بالفعل
لكن التسارع بتاعه اقل من الاوتو العادي عند التحرك لكن بعد الانطلاق بيبقي عادي

و شخصيا محبتوش و بيسبب ليا احساس بالملل

[Amr_Moh]

كل حاجه علي اد ثمنها .. لو عايز تسارع عالي من الثبات هات 300 او سي

[ahmadm]

انا في مجربه في اللانسر و المورانو
و مفيش كلام يتقال بعد اللي انت كتبته بالفعل
لكن التسارع بتاعه اقل من الاوتو العادي عند التحرك لكن بعد الانطلاق بيبقي عادي

و شخصيا محبتوش و بيسبب ليا احساس بالملل

وللأسف انا عشان الملل الى حضرتك بتقول علية دة بكل اسف بفكر فى السيراتو هاى لاين

[horas3000]

وللأسف انا عشان الملل الى حضرتك بتقول علية دة بكل اسف بفكر فى السيراتو هاى لاين

بص يا باشا
ده يعتمد بشكل كبير علي اسلوب سواقتك
ال cvt بشكل عام مريح جدا لكن لا يتناسب اطلاقا مع نمط القيادة الرياضي
و حاول تعمل تست دريف للفلوينس قبل ما تاخد قرار نهائي

[ahmadm]

بص يا باشا
ده يعتمد بشكل كبير علي اسلوب سواقتك
ال cvt بشكل عام مريح جدا لكن لا يتناسب اطلاقا مع نمط القيادة الرياضي
و حاول تعمل تست دريف للفلوينس قبل ما تاخد قرار نهائي

سواقتى عادية بس احب العربية تكون صاحية تحت رجلى مش اكتر والامر ما يسلمش واحد يزنق عليك ميكروباص يكسر عليك

[horas3000]

سواقتى عادية بس احب العربية تكون صاحية تحت رجلى مش اكتر والامر ما يسلمش واحد يزنق عليك ميكروباص يكسر عليك

يبقي مفيش مشاكل
ال cvt مفيهوش مشاكل من ناحيه التسارع خصوصا لو مش من التوقف
الفكره كلها تجمد قلبك و تدوس جامد و العربيه هتقول معاك

ده فيديو تسارع مورانو زي اللي عندنا
و منها يبان ال cvt تسارعه ازاي


[youtube]http://youtu.be/1R-SmImXUIE[/youtube]

زي ما انت شايف طول ما المتور في عزم و قوه التسارع شغال

[ahmadm]

يبقي مفيش مشاكل
ال cvt مفيهوش مشاكل من ناحيه التسارع خصوصا لو مش من التوقف
الفكره كلها تجمد قلبك و تدوس جامد و العربيه هتقول معاك

ده فيديو تسارع مورانو زي اللي عندنا
و منها يبان ال cvt تسارعه ازاي


[youtube]http://youtu.be/1r-smimxuie[/youtube]

زي ما انت شايف طول ما المتور في عزم و قوه التسارع شغال

بس الصراحة القشقاى كانت جدا صعبة و المشكلة ان نص المشي فى الزحمة

[horas3000]

بس الصراحة القشقاى كانت جدا صعبة و المشكلة ان نص المشي فى الزحمة

اللي فهمته ان القاشقاي مش عربيتك
يعني اكيد مش هيجيلك قلب تفتري عليها و تدوس بنزين جامد عشان تجري
و اكيد بتعاملها معامله الاوتو العادي و ده مش صح
مع التعود و الجراه هتعرف تطوع العربيه كويس
و عشان كده قلت لك روح اعمل تست دريف
عشان تاخد راحتك و تعرف تحكم كويس