مشكلتي مع ميجان 1999

[Mohd_Adel_Amin]

السلام عليكم ازيكم يا جماعة
منتداكم اكثر من رائع و بستفيد منه فعلا بحييكم عليه
عايز منكم استشارة بخصوص مشكلتي مع عربيتي الميجان 99
كنت ماشي بيها على الطريق بسرعة 100 وفجأة لقيت سحبتها قلت جدا جدا بس لسه شغالة وأول ما رفعت رجلي عن البنزين لحد ما عداد Rpm نزل للآخر لقيت العربية طفت مني ولما أشغلها ثاني لازم اديها بنزين علشان تفضل شغالة
المهم كملت مشواري ولقيتها بحالات مرة تكون كويسة ومرة ترجع تبرجل مني ثاني
تحليلي الشخصي انها شغالة على 2 سلندر بس لأن الموبينة عندي نصين كل نص موصل ل 2 بوجيه واعتقد ان فيه واحدة منهم مش شغالة لأني لما افصل الكابل بتاعها العربية بتفضل زي ما هي على عكس الثانية لما افصل كبلها العربية تبطل

التوكيل في العامرية لما رحتله كانت مزبوطة وقالي مش هيقدر يحدد المشكلة طول ما هي مش ظاهرة قدامه وكل اللي عمله انه فحص الحساسات والكمبيوتر

المشكلة لسه قائمة ومش عارف اتصرف فيها ازاي ....
معلش طولت عليكم جدا بس أتمنى انكم تساعدوني لأن العربية دهية مصالحي كلها واقفة عليها..
وبشكركم جدا

[Ahmed Selim]

غالباً هى البوبينة يا باشا

نفس مشكلة الكويلات اللى موجودة فى بعض عربيات مو 2005

[Mohd_Adel_Amin]

الف شكر يا سعادة الباشا انا كلمت المهندس في التوكيل وقالي اوديها الاحد الجاي من الصبح علشان يكشف عليها دعواتك ان المشكلة تعدي على خير ويا ريت لو حد عنده اي اقتراح هكون شاكر جدا ليه...

[Ahmed Selim]

أن شاء الله خير يا باشا

أبقى طمنا لما مشكلتك تتحل أن شاء الله

[Ramy_Tantawi]

هو في الغالب هايكون شغل كهرباء اذا انا فاهم صح ان طول ما في حرق الموتور شغال عادي مجرد ما الار بي ام يوطى اوي الموتور طبيعي بيبطل وبالتالي ما قدمناش غير الموبينه ..........انا عارف اني ما فدتش اوي لكن اكتفي بالدعاء انها تطلع حاجه بسيطه ان شاء الله وطمننا لما تكشف عليها في التوكل وان شاء الله تطلع حاجه بسيطه وتحل فوراً .

تحياتي اخي الكريم.

[Mohd_Adel_Amin]

بشكرك يا رامي باشا كلك زوق وان شاء الله هيكون الأمر بسيط وبإذن الله اطمنكم