هل اشترى الرينو فلوينس الفيس ليفت ولا اة

[koshakindnes]

عايز نصيحتى الالنترا
سهولة صيانة + انتشار + توافر قطع الغيار بوفره خارج التوكيل + رخص قطع الغيار خارج التوكيل + اعادة بيع ممتازة + موتور جبار + تكييف جبار ( بس قبل ما تقول كورى روح اتفرج عليها واتفرج على الهاى لاين ( حتى المرايات الضم هتلاقيها فيها ) وأسال على قطع غيارها فى التوفيقية والحرفيين ( جديد هتلاقى ، استيراد هتلاقى ) وتعالى قسم هيونداى نتناقش :)

فعلا عربية كويسة جدا بس سعرها الاخير دا الى خلانى اكش على الاخر وكنت ناوى فعلا ايام لما كانت هاى لاين ب 155 انما دلوقتى بقت ب 190 كتير اوى

واجى قسم هيونداى علشان كفاية ان حضرتك فى منور ياباشا وتحياتى ليك

[Hany Saad]

عايز نصيحتى الالنترا
سهولة صيانة + انتشار + توافر قطع الغيار بوفره خارج التوكيل + رخص قطع الغيار خارج التوكيل + اعادة بيع ممتازة + موتور جبار + تكييف جبار ( بس قبل ما تقول كورى روح اتفرج عليها واتفرج على الهاى لاين ( حتى المرايات الضم هتلاقيها فيها ) وأسال على قطع غيارها فى التوفيقية والحرفيين ( جديد هتلاقى ، استيراد هتلاقى ) وتعالى قسم هيونداى نتناقش :)

يا فندم أنا مش بعيب خالص فى الهيونداى و لا الأسيوى عامة و لا بعمل مقارنة مين أحسن و مين أوحش لأن ما هو أحسن لى مش حلو بالنسبة لحضرتك...العربية جميلة ما شاء الله و ربنا يبارك لملاكها و مليانة كماليات....مبيعاتها تفوق الأوروبى بمراحل و ده بيأكد نجاحها....

أنا بس بقول أن ركوب الأوروبى كثبات و صاج و خامات شىء و الأسيوى فى نفس الشريحة شىء تانى مختلف ليس بالضرورة أسوء و لكنه مختلف

متفق معاك مليون فى الميه أن سعر إعادة البيع للأوروبى واقع، قطع غياره أغلى و مش متوفرة خارج التوكيل و لازم صيانة التوكيل فى كثير من الأحيان، موتور أحساسه أقل لتقل الصاج، تكييف أسوء

الخلاصة حضرتك عايز أيه من العربية و دى بتفرق من شخص لأخر...أنا يالنسبالى العربية مش أستثمار...مش ببيع بسرعة (عربيتى موديل 2006) فمش ببص أوى لسعر إعادة البيع...بعمل صيانتى فى التوكيل...ببص على أعلى ثبات ممكن (أوروبى بلا شك)...عفشة جيدة متماسكة....أعلى أمان (6 إيرباج-جميع أنظمة الأتزان و الفرامل esp, ebd....سماكة صاج إستحالة تلاقيها فى الأسيوى)....جودة خامات و تشطيب تجدها و تحسها فى كل حتة فى العربية.....إحساس و رقى لا يوصف....عربية غير منتشرة....عربية متملش من ركوبتها....
أنا واحد من الناس العربية بالنسبالى أداة للمتعة و ليست و سيلة إنتقال فقط....أسرتى و أحبابى و أصدقائى بيركبوا فيها علشان كده لازم يكون أعلى أمان متاح ليا و ليهم....بأستمتع بسواقتها و ثباتها على السرعات العالية و شخصيتها من شخصيتى....دى وجهة نظرى للعربية و أكيد مختلفة تماما مع وجهات نظر أخرى لها منى كل إحترام و تقدير

[wael-mohamed]

شوف يا باشا انا معايا العربية الشكل القديم 2012 بس العربية فعلا جميلة جدا بس وقورة جدا يعني مش بتاعت شد وكده والتسارع بتعها ضعيف علشان هيه تقيلة قوي بس على سرعات كبيرة هيه تكسب الالنترا طبعا انا جبت بيها تقريبا 185 والعربية كانت راسية جدا بالنسبة للالنترا انا سوقتها على 120 العربية خفيفة جدا . بالنسبة للاوبشن حدث ولا حرج احسن من اللنترا بكتير وبالنسبة لاعادة البيع لو انته من الناس الي بتحب تغير ابعد عن الرينو لان جهلنا احنا في مصر بالعربية موقع سعرها مع انها عربية كويسة جدا في الفئة السعرية دي وبالنسبة لقطع الغيار والتوكيل رينو تكسب طبعا انا ابن خلتي معاه النترا 2013 خبط في الرصيف على 60 العربية عفشتها باظت وصلحا في التوكيل ب23 الف جنيه والكلام ده قدام عيني والعربية هيستلمها بكره وكفاية ان اقول لحضرتك ان طاسة العجل ب375 جنيه تخيل باقي القطع انت بقى .
الفلوانس مش احسن عربية في الفئة دي بس احسن عربية في السعر ده وبالمواصفات دي وبالنسبة لاي ابشن في العربية ممكن تدخل رينو مصر على النت هتلاقي فيها كل المواصفات وعلى فكرة الي معايا هي الفئة الثانية اتوماتك بس مش عارف فيه esp والا لا ويا رب اكون افدتك

[wael-mohamed]

شوف يا باشا انا معايا العربية الشكل القديم 2012 بس العربية فعلا جميلة جدا بس وقورة جدا يعني مش بتاعت شد وكده والتسارع بتعها ضعيف علشان هيه تقيلة قوي بس على سرعات كبيرة هيه تكسب الالنترا طبعا انا جبت بيها تقريبا 185 والعربية كانت راسية جدا بالنسبة للالنترا انا سوقتها على 120 العربية خفيفة جدا . بالنسبة للاوبشن حدث ولا حرج احسن من اللنترا بكتير وبالنسبة لاعادة البيع لو انته من الناس الي بتحب تغير ابعد عن الرينو لان جهلنا احنا في مصر بالعربية موقع سعرها مع انها عربية كويسة جدا في الفئة السعرية دي وبالنسبة لقطع الغيار والتوكيل رينو تكسب طبعا انا ابن خلتي معاه النترا 2013 خبط في الرصيف على 60 العربية عفشتها باظت وصلحا في التوكيل ب23 الف جنيه والكلام ده قدام عيني والعربية هيستلمها بكره وكفاية ان اقول لحضرتك ان طاسة العجل ب375 جنيه تخيل باقي القطع انت بقى .
الفلوانس مش احسن عربية في الفئة دي بس احسن عربية في السعر ده وبالمواصفات دي وبالنسبة لاي ابشن في العربية ممكن تدخل رينو مصر على النت هتلاقي فيها كل المواصفات وعلى فكرة الي معايا هي الفئة الثانية اتوماتك بس مش عارف فيه esp والا لا ويا رب اكون افدتك

[Amr_Moh]

GO ahead
Fluence face lift

[Land_Cruiser]

الميزه في رينو و ده عن تجربه انها بتديلك عربيه ماركه محترمه توكيلها كويس و اساسياتها و عوامل الامان ممتازه و كمان كمالياتها كويسه قوي مش هتلاقي حاجه زياده تركبها فيها و بالنسبه للسعر هو ارتفع زيه زي اسعار كل حاجه . يعني بتديلك حل وسط للي عايز امكانيات كويسه و امان و شكل انيق ووسع داخلي و شنطه كبيره و استهلاك جيد للبنزين و هي عربيه لداخل المدينه يعني مش سياره سباق علشان تجيب ال ١٠٠ في ٣ او ٤ ثواني مثلا و لو جئنا نفكر بطريقه عمليه هتلاقي ان نظرا لطبيعه الطرق و ازدحامها مفيش مجال قوي للجري إلا في الطرق السريعه وده بيبقي تدريجي و اي عربيه مش الفلوانس بس ممكن تجيب سرعات عاليه بالتدريج فاللي اقصده يا تري موضوع التسارع ده أهميته العمليه قد ايه؟ و كمان نقطه تانيه بتاعه توافر قطع الغيار بره التوكيل دي برضه من الاكليشيهات المحفوظه المضلله : يعني حد مشتري عربيه زيرو ب ٢٠٠ الف جنيه مثلا هيروح يصلحها في ورشه و الاسطي بليه يركبله فيها قطع غيار مضروبه و العربيه تخرج من الضمان؟ مش معقول علشان اوفر ٢٠٠ و لا ٣٠٠ جنيه أبوظ عربيه ب ٢٠٠ الف جنيه فاللي بيشتري زيرو بيعمل الصيانه في التوكيل و بيجيب قطع الغيار منه علشان العربيه تفضل بحالتها اكبر فتره ممكنه. بالنسبه للسؤال اشتري و لا أستني الموضوع يتوقف علي مدي احتياجك للعربيه فلو تقدر نستني و موضوع الشكل هيفرق مع حضرتك يبقي انتظر الشكل الجديد و حاول تنزل تتفرج علي الفلوانس في معرض تاني و يستحسن لو كان عنده بقيه الاختيارات علشان المقارنه تبقي علي الطبيعه و تقعد فيها او تطلب عمل تست درايف ليها

[horas3000]

معلش هو ايه اللى سعر معقول دى بتدأ من 160 الف وفيها abs وايرباج واحد

1- السيراتو
2- الفورد فوكس ( بس انسي انك تتعامل فى صيانتها بره التوكيل )

هي ايه اللي فيها ايرباج واحد دي يا زعيم
بتجيبوا الكلام ده منين بس هي كوري و لا ايه
اقل حاجه 2 ايرباج و الهاي لاين 4 او 6 مش فاكر
و فيها abs و ebd و bad و في كلام علي ال esp
و طبعا اسعارها معقوله بالنسبه لامكانياتها و مواصفاتها حتي بعد ما غليت

196000 تانى فئة

وفيها 2 ايرباج وstart engine واوبشن تانية كتير صعب تلاقى بنفس السعر دا فى عربيات تانية

ال 196 ده الهاي لاين يا باشا
اول فئة ب 160 و التانيه 188 تقريبا

[khaabas]

يا فندم أنا مش بعيب خالص فى الهيونداى و لا الأسيوى عامة و لا بعمل مقارنة مين أحسن و مين أوحش لأن ما هو أحسن لى مش حلو بالنسبة لحضرتك...العربية جميلة ما شاء الله و ربنا يبارك لملاكها و مليانة كماليات....مبيعاتها تفوق الأوروبى بمراحل و ده بيأكد نجاحها....

أنا بس بقول أن ركوب الأوروبى كثبات و صاج و خامات شىء و الأسيوى فى نفس الشريحة شىء تانى مختلف ليس بالضرورة أسوء و لكنه مختلف

متفق معاك مليون فى الميه أن سعر إعادة البيع للأوروبى واقع، قطع غياره أغلى و مش متوفرة خارج التوكيل و لازم صيانة التوكيل فى كثير من الأحيان، موتور أحساسه أقل لتقل الصاج، تكييف أسوء

الخلاصة حضرتك عايز أيه من العربية و دى بتفرق من شخص لأخر...أنا يالنسبالى العربية مش أستثمار...مش ببيع بسرعة (عربيتى موديل 2006) فمش ببص أوى لسعر إعادة البيع...بعمل صيانتى فى التوكيل...ببص على أعلى ثبات ممكن (أوروبى بلا شك)...عفشة جيدة متماسكة....أعلى أمان (6 إيرباج-جميع أنظمة الأتزان و الفرامل esp, ebd....سماكة صاج إستحالة تلاقيها فى الأسيوى)....جودة خامات و تشطيب تجدها و تحسها فى كل حتة فى العربية.....إحساس و رقى لا يوصف....عربية غير منتشرة....عربية متملش من ركوبتها....
أنا واحد من الناس العربية بالنسبالى أداة للمتعة و ليست و سيلة إنتقال فقط....أسرتى و أحبابى و أصدقائى بيركبوا فيها علشان كده لازم يكون أعلى أمان متاح ليا و ليهم....بأستمتع بسواقتها و ثباتها على السرعات العالية و شخصيتها من شخصيتى....دى وجهة نظرى للعربية و أكيد مختلفة تماما مع وجهات نظر أخرى لها منى كل إحترام و تقدير

يا باشا انا بكلم فى العموم والله ههههع وفعلا كلامك مظبوط جدا وراكب الكورى وراكب الاوربى دماغين مختلفين كليا

[khaabas]

هي ايه اللي فيها ايرباج واحد دي يا زعيم
بتجيبوا الكلام ده منين بس هي كوري و لا ايه
اقل حاجه 2 ايرباج و الهاي لاين 4 او 6 مش فاكر
و فيها abs و ebd و bad و في كلام علي ال esp
و طبعا اسعارها معقوله بالنسبه لامكانياتها و مواصفاتها حتي بعد ما غليت




ال 196 ده الهاي لاين يا باشا
اول فئة ب 160 و التانيه 188 تقريبا

شوف يا كبير اسعار ومواصفات اهى :) http://www.nilemotors.net/Nile/349386-2013.html
وعلى فكرة محدش يفهم انى بقول ان الفلوينس وحشه لا بس العملية وجهات نظر

[horas3000]

شوف يا كبير اسعار ومواصفات اهى :) http://www.nilemotors.net/Nile/349386-2013.html
وعلى فكرة محدش يفهم انى بقول ان الفلوينس وحشه لا بس العملية وجهات نظر

تمام يا باشا
يعني مش ايرباج واحد و abs بس اهي

طب ايه رايك في السعر بقي مقارنه بالمنافسين و التجهيزات

[zicooo2008]

الاخ الكريم السلام عليكم ورحمة الله وبركاته
اولا: ادعو الله عز و جل ان توفق فى الاختيار استخير المولى عز و جل فى اختيارك و ادعوه ان يرزقق الخير
ثانيا: عند اختيارك لسيارة اى كان نوعها يجب الوضع فى الحسبان المتظلبات التى احتاجها من السيارة
عائلية - شبابية - سيارة يعاد بيعها بعد ذلك للتغير .
ثالثا : قطع الغيار و مدى توافرها خارج التوكيل .
رابعا :مواصفات السيارة مثل قوة الماتور و الصاج و الاساسيات و هل هى مناسبة للطرق الواعرة بالمدن المصرية - عناصر الامان.
خامسا : لكى تريد معرفة مواصفات اى سيارة توجه الى التوكيل و شاهد السيارة على الطبيعة و حاول اذا كان هناك تست دريف فقم بحجزه قبل ان تقوم بحجز السيارة .
و الله تعالى ولى التوفيق

[koshakindnes]

هي ايه اللي فيها ايرباج واحد دي يا زعيم
بتجيبوا الكلام ده منين بس هي كوري و لا ايه
اقل حاجه 2 ايرباج و الهاي لاين 4 او 6 مش فاكر
و فيها abs و ebd و bad و في كلام علي ال esp
و طبعا اسعارها معقوله بالنسبه لامكانياتها و مواصفاتها حتي بعد ما غليت




ال 196 ده الهاي لاين يا باشا
اول فئة ب 160 و التانيه 188 تقريبا

اسف ياباشا انا لسا سال عليها امبارح واصدى اكتب 169000 اسف على الخطأ

[koshakindnes]

الاخ الكريم السلام عليكم ورحمة الله وبركاته
اولا: ادعو الله عز و جل ان توفق فى الاختيار استخير المولى عز و جل فى اختيارك و ادعوه ان يرزقق الخير
ثانيا: عند اختيارك لسيارة اى كان نوعها يجب الوضع فى الحسبان المتظلبات التى احتاجها من السيارة
عائلية - شبابية - سيارة يعاد بيعها بعد ذلك للتغير .
ثالثا : قطع الغيار و مدى توافرها خارج التوكيل .
رابعا :مواصفات السيارة مثل قوة الماتور و الصاج و الاساسيات و هل هى مناسبة للطرق الواعرة بالمدن المصرية - عناصر الامان.
خامسا : لكى تريد معرفة مواصفات اى سيارة توجه الى التوكيل و شاهد السيارة على الطبيعة و حاول اذا كان هناك تست دريف فقم بحجزه قبل ان تقوم بحجز السيارة .
و الله تعالى ولى التوفيق

متشكر ياباشا على النصايح دى والانسان طماع بحاول اجمع كل الكلام دا باى طريقة بس طبعا مينفعش بس ان شاء الله ربنا يوفقنى للاحسن

[dozo]

فعلا عربية كويسة جدا بس سعرها الاخير دا الى خلانى اكش على الاخر وكنت ناوى فعلا ايام لما كانت هاى لاين ب 155 انما دلوقتى بقت ب 190 كتير اوى

واجى قسم هيونداى علشان كفاية ان حضرتك فى منور ياباشا وتحياتى ليك

النترا الهاى لاين 184500 و بعد الخصم اللى عامله غبور تخلص على 178000 فى بعض المعارض ..
نيجى للمهم :-
بما انك بتحب الجلوس و الدركسيون بعيد عنك و تحس بوسع العربيه ( زى حالاتى ) يبقى ما فيش فى الفئه السعريه دى غير السيراتو و النترا و فلوانس و خصوصا بعد السيراتو و النترا ما حجم الصالون زاد فى new shape بتاعهم و بصراحه التلاته كويسين و شوف انت عايز ايه:
- عايز تسارع و شد خوش على السيراتو و الانترا
- عايز ثبات و عوامل امان خوش على الفلوانس ( اعتقد ما فيهاش esp )
حاجه على حساب حاجه .. شوف مين اهم عندك لان الكماليات تقريبا واحده فى التلاته
و سيبك من اعاده البيع .. الواحد بيشترى عربيه عشان يتمتع بيها مش يفكر لما يجى يبيعها حيخسر فيها كام الا لو انت من هواه التغيير السريع دى حاجه تانيه .
ومش معنى ان الثبات فى الكورى اقل انه بيتقلب على 60 مثلا . لكنه بلا شك اقل من الاوروبى.
فيه حاجه اخيره عايز اقولهالك ( معلش طولت عليك ) :
نصيحه اوعى تشترى عربيه بالتمن ده و مافيهاش immobilizer .. خصوصا فى الايام الهباب دى ....
- السيراتو اساسى فى كل الفئات
- الفلوانس اساسى فى كل الفئات
- الانترا اعتقد اخر فئه فقط
وفى الاخر الحارس هو ربنا و ربنا يوفقك فى الاختيار .

[koshakindnes]

النترا الهاى لاين 184500 و بعد الخصم اللى عامله غبور تخلص على 178000 فى بعض المعارض ..
نيجى للمهم :-
بما انك بتحب الجلوس و الدركسيون بعيد عنك و تحس بوسع العربيه ( زى حالاتى ) يبقى ما فيش فى الفئه السعريه دى غير السيراتو و النترا و فلوانس و خصوصا بعد السيراتو و النترا ما حجم الصالون زاد فى new shape بتاعهم و بصراحه التلاته كويسين و شوف انت عايز ايه:
- عايز تسارع و شد خوش على السيراتو و الانترا
- عايز ثبات و عوامل امان خوش على الفلوانس ( اعتقد ما فيهاش esp )
حاجه على حساب حاجه .. شوف مين اهم عندك لان الكماليات تقريبا واحده فى التلاته
و سيبك من اعاده البيع .. الواحد بيشترى عربيه عشان يتمتع بيها مش يفكر لما يجى يبيعها حيخسر فيها كام الا لو انت من هواه التغيير السريع دى حاجه تانيه .
ومش معنى ان الثبات فى الكورى اقل انه بيتقلب على 60 مثلا . لكنه بلا شك اقل من الاوروبى.
فيه حاجه اخيره عايز اقولهالك ( معلش طولت عليك ) :
نصيحه اوعى تشترى عربيه بالتمن ده و مافيهاش immobilizer .. خصوصا فى الايام الهباب دى ....
- السيراتو اساسى فى كل الفئات
- الفلوانس اساسى فى كل الفئات
- الانترا اعتقد اخر فئه فقط
وفى الاخر الحارس هو ربنا و ربنا يوفقك فى الاختيار .

اولا ياباشا انتا مطولتش عليا بالعكس انا بحب الناس الى زيك كدا بيظبطلوا الافكار فى دماغى وبيرتبولى الدنيا وبطريقة كلامك بتحببنى فى عربية بتبقى مستبعدة بالنسبة وتكاد تكون كرهتاها بسبب طريقة كلام الناس


انا اول حاجة بفكر فيها الوسع بعد كدا الامان بعد كدا الجرى وشوية الاوبشنات الذيذة مش اكتر يعنى

وربنا يوفق ان شاء الله