السعر الحقيقي من عنده الخبر اليقين؟

[أنصار السنة]

الأخوة الكرام
السلام عليكم ورحمة الله وبركاته
انا عندي كليو

بما ان قطع غيرها مش منتشره اوي ، ففي الحالة دي اللي بيبقي عنده قطع الغيار بيستغل حاجة الناس ويضرب السعر اللى هو عيزه ، وخاصة ان انا في الأسماعلية مش في القاهرة
عموما انا قبل ماشتري السيارة روحت لواحد من اشهر محلات بيع قطع غيار الرينو في الأسماعلية واخذت منه على السريع اسعار قطع غير القطع المتداولة فكانت في المتناول
المهم أنا حابب اعرف بعض اسعار قطع غيار بعض الأشياء لاني حاسس ان في صاحب محل بيشتغلني لانه حاسس انه عامل جميلة في الناس لانه مش بيشتغل غبر في الرينو فعلشان كدا بيخبط السعر اللى هو عيزه
وحاسس انه بيفتري

احب اعرف سعر
الكابلن الأمامي
والكابلن الخلفي
والمساعدين امامي وخلفي
وسير الكاتينةوالفتيل
وكل السيور في العربية
وطقم الديبرياج
والفلاتر ( الهواء + البنزين + الزيت )
وطرنبة البنزين بالعوامة
واي قطعة غيار تانية

مع العلم اني جبت الفلاتر ب 65 + 35+35 بالترتيب هواء + بنزين + زيت
وكمان جبت اربة المياة ب 55 جنيه تركي
وسلك الدبرياج 55 جنيه تركي
وقالي ان المساعدين امامي وخلي مع بعض 1100 تقريبا تركي
والطرنبة ب 565 جنيه
ايوة وعلي فكرة انا جبت صمولة تانك البنزين ب 75 جنيه حتته بلاستك ملهاش اي لزمة ورحت لكم ميكانيكي يركبها وخلوني اغيرها يجي 3 مرات وكل مرة بيتحججو ب انها مش هي وفي الأخر اضطريت اني اركبها تركيب اي كلام كدا ومازال التنك بيجيب بنزين من الصمولة وبقالى فترة طويلة مش عارف افول التنك بسبب الموضوع دا فاللى عندة نصيحة

وفي واحد تاني قالي ان الكابلن الأمامي بس ب 675 جنيه اتصدمت صراحة
فانتم بحكم خبرتك ايه رايكم في الأسعار دي ممكن حد يفدني علشان مش ينضحك على لاني حاسس اني بينضحك علي جدا وبيشتغلوني


وهل في حد في التوفيقية بيبيع قطع غيار الرينو كليو كلها ؟ وهو مين

وجزاكم الله خيرااااااااااااااااااااااااااااا

[Amr_Moh]

الكليو قطع غيارها مش منتشرة ؟!!!
حاجتها مرميه جديد و استيراد في الحرفيين و صقر قريش

حضرتك اعمل مشوار للقاهرة و هات الانت محتاجه و في ناس كتير شاغالين فيها

[أنصار السنة]

طيب ممكن اعرف فيين في صقر قريش
وممكن حد يوصفلي ازاي اروح الحرفيين وانا جاي من طريق اسماغيلية الصحراوي

[Ahmed Selim]

الحرفيين وانت جاي من طريق إسماعيلية القاهرة على اليمين بعد ما تعدي موقف السلام و عند مطلع الكوبري اللي بينزل في شارع السندباد

[Amr_Moh]

و صقر قريش الاتوسترد في اتجاه المعادن بعد متعدى من تحت المنيب علي اليمين خش في الحاره البطيئة

[sammor_28]

زي ما الأعضاء الكرام قالو لحضرتك انزل الحرفيين في ناس كتير جدا عندهم قطع غيار استيراد وفي جديد
وكمان تخلي ميكانيكي عنده مفتاح طرمبه البنزين يقفلك الطرمبه كويس عشان رائحه البنزين
وفي عندك في الحرفيين الشيخ جمال القاضي قطع غيار استيراد وبرضوا بيعمل صيانه للرينو
وفي الصعيدي قطع غيار استيراد
وفي عصام بشطر استيراد برده
وعمران قطع غيار جديد والاسراء ورينو سنتر