سؤال الى الاخوه اللوجانويه

[ossamayoussef]

مساء الفل ياشباب
انا في الحقيقه عايز اسأل عن سعه تانك البنزين في اللوجان
هو في الكتالوج مكتوب 50 لتر تقريبا

بالنسبه لى اول مره فولت لما استلمت العربيه وكان اللمبه منوره اخدت 58.5 لتر!!!
بعد 650 كم اللمبه نورت تاني فولت في محطه تانيه 48 لتر
بعد كمان 525 كم دخلت فولت فى محطه تالته وكان لسه فيه شرطه فى مؤشر البنزين يعني اللمبه لسه مطفيه وفولت 55.5 لتر !!!!!!

اعتقد انه فيه سرقه بتحصل في طلمبات البنزين

ارجو من الأخوه اللوجانويه المساعده في معرفه السعه الحقيقيه للتانك

والف شكر مقدما

[amr123]

بص يا باشا المفروض انها 50 لتر

انا فولتها اول ما استلمتها و قلت لعامل المحطة يوقف تعبية لما المايكنة توقف من نفسها يعني و يفضلش يزود بنفسه لحد ما يشوف البنزين قرب يدلق من التانك و في المرة دي خدت 50.5 لتر بالظبط ...و الحقيقة بعده بقيت بقول للعامل يحط 50 بالظبط بدل ما قوله فول

اتمنى اكون افادتك ...قولى بالمناسبة صوت الموتور عندك عالي برده ؟

[hesham_tawfiq]

هو التانك 50 لتر فعلا وانا لما بفول بحط 48 - 47 لتر تقريبا. وكل اللى انت قلته معقول فيما عدا انك حطيت 55.5 لتر ولسه فيه شرطه على المؤشر.
المفروض ان الشرطه دى يعنى فيها حوالى 5-6 لتر لسه !!! فمش عارف فيه كمان الاحتياطى اد ايه
متهيألى انك تسستم نفسك على تفويله بخمسين وتراقب كل مره لحد ماتعرف بالظبط التانك بياخد اد ايه

[ossamayoussef]

شكرا على الردود
بالنسبه لصوت الموتور هو مسموع داخل الصالون بس مش لدرجه الازعاج
عموما انا لسه نازل من ماروتي فأكيد اي موتور تاني جانبها يبقى مالهوش صوت

[amr123]

عادي يا افندم ...اعتقد معظم مالكي لوجان كده
انا نازل من شاهين ...استاذ هشام من 128 اعتقد ...
بس ده بردو مش معناه اننا نتجاهب ده الا اذا كان هو ده النظام يعني هى العربية كده يبقى ملهاش حل
لما نشوف لحد الصيانة هيحصل ايه