اغير كاوتش بريدجستون ولا ميشلان؟

[SoFiMaN]

سلام عليكم
هغير الكاوتش بتاعي و هو كان ميشلان الماني و بصراحة ممتاز و رغم الطرق اللي بروحها بس تقريبا عمره ما اتخرم و اعتقد ده بسبب انه ناعم مش ناشف.. دلوقتي قدامي بريدجستون اسباني gr-90 او ميشلان ايطالي و الاتنين تقريبا نفس السعر.. ايه رأيكم ؟ للعلم الكاوتش للميجان اللي هو 16

[Mamoud salah H]

انا لسة جايب بيرللي 15 ب 550 الفردة وممتاز جدا

[solly1979]

الميشلان انعم بكتير من ال 2 بس علشان البلالين خليك فى البردجستون او البريلى
انا لسه مغير فردتين بريلى 6000 w قدام زى الفل ما شاء الله بس ناشفين شويه

[wael-mohamed]

لو السعر مش فارق اوي غير الى كونتيننتال فردة جميلة جدا وطرية جدا وناعمة بصراحة واحد صحبي مركبها في الاكتافيا ذي الفل

[Amr_Moh]

المشلان حكايه عن تجربه في الميجان ٧٥٠٠٠ كم

[amr_mabd]

برجستون sport my-02 حلوه جدا و سبتها عالي و فراملها جمدا و محترمه انا لسه جايب 4 فرد الفرده ب 777 بس أندونيسي

[saint2011]

أنا برشح لحضرتك الميشلان ثم الكونتيننتال غير كده لأ

[aw2100]

فية كاوتش toyo proxes يابانى كاوتش ثابت على الأرض فى المية والتراب وهادى جدا وارخص من البريدجستون ودى شكل النقشة !!

http://www.toyo.co.uk/tire/pattern/proxes-cf1

[SoFiMaN]

غيرت الحمدلله لبريدجستون تورينزا اسباني سعرها 850جنيه)ده سعرها قبل ما تغلى لان سعرها الحالي 999جنيه( و فعلا ملهاش صوووت نهائي و ثابتة الحمدلله

[gawad_ahmed]

انا لسه مغير من 4 شهور بكنتنتال ممتاز سعر 15 560جنية

[MohammedAladel]

كونتنتال أرخص من ميشلان وبريدجستون وكاوتش ممتاز ... بس النسخ السبورت منه غالية
الشائع اللى هو ....... premium أجنابه ضعيفة شوية بس هو كاوتش ممتاز فعلا وأداؤه محترم
الفردة بتتراوح من 600 ل 650 ل 16
ألف مبروك