ارجو ابداء الرأي من مالكي الميجان..

[t4r3k]

السلام عليكم
اخواني مالكي الميجان انا كان معايا اوبل استرا موديل 2000 و لسه بايعها
للتغيير و اركب حاجة اجدد شوية دلوقتي انا حصرت اختياراتي في سيارتين
1-رينو ميجان 2005
2-ميتسوبيشي لانسر 2004 \2005
بالنسبة للميجان فانا مبهور بيها جدا و مقتنع بيها افخم واشيك و اوبشنز كتيير برستيج تاني خالص عن اللانسر بس اللانسر عربية اعتمادية سمعتها حلوة و مريحة بردو في نفس الوقت و سعر اعادة بيعها معروف
انا بصراحة محتار هل لو جبت ميجان هتعب معاها ؟ ولا لا و اجيب لانسر واريح دماغي علشان الكلام الكتير اللي علي العربية الميجان
- ملحوظة- انا مش بيفرق معايا السي سي 1300 مثلا لو لانسر من 1600 في الميجان
كمان انا بحب العربية اللي يكون فيها اوبشنز كتيير و الميجان ما شاء الله فيها كل ما اتمناه و زياده كمان
ياريت تفيدوني يا جماعه لاني عايز اشتري في اقرب وقت و مش عايز اجيب عربية انا مش مستريحلها (اللانسر)او اجيب عربية مستريحلها و بحبها بس الكلام عليها كتير و ممكن تتعبني ماديا و معنويا (الميجان)

[Rsarabia]

لأ مدام الحكاية انك مش مستريح للانسر و حابب الميجان هات ميجان و متجيبش لانسر لان واضح ان حضرتك فاهم ميزة دى و ميزة دى بس الراحة النفسية احسن حاجة اختار دايما اللى انت ميال له وبالنسبة للميجان هى مش وحشة اوى برده هى منتشرة شوية اه مش زى لانسر بس لما تحب تغير حاجة هتلاقى قطع غيار و لما تحب تصلح حاجة هتلاقى اللى يحصلها و لما تيجى تبيع هتلاقى ناس برده يشترو :)

[t4r3k]

اولا .. شكرا ليك
ثانيا .. انا فعلا مايل للميجان اكتر من الانسر عشان عربية حاسس اني هلاقى فيها اللى عايزه والاقى فيها نفسي وانا بحب جدا الفخامة اللى فى العربية ومن جوا بالذات .. فلاقيت الحاجات دي فى الميجان .. بس موضوع اعادة البيع دا مقلقني .. والكمبيوتر دا انا معجب بيه بشدة بس بيحصله مشاكل مثلا ..
لاني كان معايا الاسترا وحاجات الكهرباء اللى فيها دي تكنولوجيا متقدمة وحلوه بس متعبة بالنسبه للاصلاحات
ياريت الافادة من الجميع لاني فعلا متحير
وشكرا ليكم

[Ahmed Selim]

الخلاصة هنا

http://www.nilemotors.net/Nile/showpost.php?p=376187&postcount=6

ربنا يوفقك أن شاء الله

[t4r3k]

شكرا ليك ياباشا ... انا قريت اللي حضرتك بعته طول اليل عايش فى القسم دا وصاحيلة من بدري اهه المهم .. اني برضه حاسس بقلق .. معلش عشان انا مريت مع الاسترا بشويه حاجات فى وقت البيع فا دا مخليني مش عايز اتسرع .. فياريت لو حضرتك فاضي نتقابل مثلا واتكلم معاك شويه .. مش هاخد من وقتك كتير ان شاء الله بس عشان افهم كل حاجه وابقى مستريح ان شاء الله
معلش هوا طلب تقيل بس دا حسن ظني بالناس بتاعة المنتدي الاعزاء
فى امان الله ومنتظر الرد

[Ahmed Selim]

يا باشا مفيش مشكلة

أن شاء الله فةيه مقابلة لأصحاب الرينو عامة النهاردة فى On The Run الرحاب عند بوابة 13 الساعة 5 عصراً
لو حضرتك تحب تشرفنا

لو مش هينفع معاك أنا هيبقى صعب معايا النهاردة بس ممكن بكره أن شاء الله

أنا ببقى موجود فى الشغل فى الجيزة من 9 الصبح الى 6 بعد الظهر وبعد كده ببقى فى مدينة نصر

شوف اللى يريحك وقولى

لو حضرتك تحب تيجى المقابلة النهاردة هتقعد مع أكتر من واحد معاه ميجان وتشوف كل الأراء الموجودة

لو تحب تيجى أبعتلى رقم تليفونك على الخاص
رابط المقابلة أهو لمتابعته لو تحب تشرفنا

http://www.nilemotors.net/Nile/showthread.php?t=31947&page=16

[t4r3k]

الف شكر ليك يا باشا ..
انا بعتلك رقمي على الخاص .. منتظر مكلمتك ان شاء الله

[t4r3k]

ياريت اللى عندة رأي او ودجهة نظر ميبخلش عليا بيها لحسن انا الحمد لله يعتبر معايا الفلوس ومستني الاوكي وهنزل اجيب ان شاء الله تعالي ..

[أبو عبدالله]

ياريت اللى عندة رأي او ودجهة نظر ميبخلش عليا بيها لحسن انا الحمد لله يعتبر معايا الفلوس ومستني الاوكي وهنزل اجيب ان شاء الله تعالي ..

بص يا اخي الكريم
من الأخر

أولا انت ميال للميجان وده هيأثر على ارتياحك بعد كده للعربيه اللي هتشتريها
فياريت نعرف ايه النقط الحاسمة بالنسبة لأختيارك يعني ايه اللي انت مثلا مش عاوزه خالص في العربيه

ومن حيث اللي حصلك للأسترا في البيع فانا شايف ان الميجان ليست ببعيده عن ذلك في اعادة البيع برضه

الميجان مشاكلها من وجهة نظري
قطع غيار وصيانة عالية جدا
مع عمر افتراضي لقطع الغيار قليل بالنسبة للأسعار
بعض المشاكل التي تظهر من اي كمبيوتر محمل بكثير من الأوبشن

وانصحك بكثرة الأستخارة لكي ترزق الخير ان شاء الله

[momoneer]

هى المشكله تتلخص انك لو روحت لأى معرض هيقولك بلاش الميجان و حقيقى معرفش ليه!!!!!

[Ahmed Selim]

بص يا اخي الكريم
من الأخر

أولا انت ميال للميجان وده هيأثر على ارتياحك بعد كده للعربيه اللي هتشتريها
فياريت نعرف ايه النقط الحاسمة بالنسبة لأختيارك يعني ايه اللي انت مثلا مش عاوزه خالص في العربيه

ومن حيث اللي حصلك للأسترا في البيع فانا شايف ان الميجان ليست ببعيده عن ذلك في اعادة البيع برضه

الميجان مشاكلها من وجهة نظري
قطع غيار وصيانة عالية جدا
مع عمر افتراضي لقطع الغيار قليل بالنسبة للأسعار
بعض المشاكل التي تظهر من اي كمبيوتر محمل بكثير من الأوبشن

وانصحك بكثرة الأستخارة لكي ترزق الخير ان شاء الله

تانى يا أبو عبدالله ؟؟؟ :)
يا باشا مين اللى قال لسعادتك أن قطع غيارها الميكانيكية غالية قوى كده ؟ ومين اللى قاللك أن عمر قطع غيارها الأفتراضى قليل بالنسبة للسعر ؟؟؟؟

دى بعض أسعار التيريوس 2007 من مشاركة حضرتك اللى عاملها
فلتر زيت =================== 42.72 جنيه مصري
فلتر هواء =================== 159 جنيه مصري
تيل فرامل امامي ================ 390 جنيه مصري
سير المجموعة ================ 99 جنيه مصري
طلمبة الميه ================== 617.4 جنيه مصري

من هنا http://www.nilemotors.net/Nile/showthread.php?t=7041

ودى أسعار اللانسر 2007 من مشاركة أعضاء منتدى ميتسوبيشى

1- تيل الفرامل أمامي ب 300 جنيه في التوكيل غير المصنعييه
2- فلتر البنزين في التوكيل ب 450 جنيه غير المصنعيه
3- فلتر زيت في التوكيل ب 42 جنيه
من هنا http://www.nilemotors.net/Nile/showthread.php?t=1241

ودى أسعار نظيرتها فى الميجان

* تيل فرامل أمامى ------------------------------- 340.00 جم
* تيل فرامل خلفى -------------------------------- 230.00 جم
* فلتــــر هـــــــواء ------------------------------- 110.00 جم
* فلتر بنـــــــــزيــن ------------------------------- 60.00 جم
* فلتــــــر زيــــــت -------------------------------- 50.00 جم
* فلتــــــر تكييــــف --------------------------------125.00
* طلمبة مياه-------------------------------------560 جم

و موضوع أن قطع الغيار بتعيش ولا لأ ده موضوع ميقدرش يحكم عليه غير أصحاب العربية بس

[t4r3k]

الف شكر للأستاذ أحمد .. والله انا اتشرفت بمقابلة بعض الناس بتاعت القسم والله كنت مبسوط جدا وحقيقي أستفدت .. وان شاء الله سأنضم قريبا ولكن انا فى فترة التفكير .. وياريت اى حد عنه اى إضافة لايبخل بها ان شاء الله ..
وشكر خاص للأستاذ أحمد وايمن ورامي ومحمد وعمرو ...
وجزاكم الله خيرا

[momo10000]

يا جماعه ارجوكم رجاء خاص جدا

ياريت بعد اذن الجميع مع احترامي .... يبقي الحكم علي العربيه من خلال الناس اللي

ركباها وعارفها كويس ... وخاصة ان تقريبا كل ملاك الميجان في نايل موتوز

فاهمين كويس اية الفرق بين الميجان وبقية السيارات.

[megane_man]

أخي الفاضل مشاكل الميجان معروفة وموجودة في موديلات 2005 و2006 والتوكيل بيحلها فحضرتك لازم تتأكد من العربية في التوكيل لو كانت حصل فيها مشاكل هتبقي أتعملت ولو محصلش يبقي إن شاء الله مش هتحصل لأن المشاكل كانت بتحصل في الفترة الأولي وياريت حضرتك تسوق الميجان وتسوق اللآنسر وتشوف الفرق الرهيب بينهم في النعومة والراحة انا لي صديق ركب معايا وهو عنده لانسر أرتاح في عربيتي أكثر وأخي عنده لانسر لما بسوقها بحس انها مش مريحة لأن كراسيها واطية والعربية واطية بس في ملحوظة لازم تقتنع 100 في 100 بأي عربية عاوز تشتريها علشان مترجعش تندم وبالنسبة لأعادة البيع ده نصيب وأي عربية ليها الي غاويها انا كان معايا 127 بتاعت المدام حبينا نبعها علشان تجيب ‘ربية مكيفة قعدت حوالي شهر أو أكثر مش فاكر لأني مكنتش لاقي السعر الي كنت عاوزه فأي عربية حسب سعرها الي انت عارضه أخوي حب يبيع الانسر سمع ارقام غريبة فمرضاش يبيعها فسيبك من موضوع أعادة البيع دى تساهيل بتاع ربنا أعمل أستخارة وتوكل علي الله وهات الي يريحك والي يخليك مستمتع وانت راكبها وحاسس انك مميز مش كل من هب ودب راكبها

[momo10000]

الله يفتح عليك يا باشا