وداعاً ميجي

[abdo_2812]

السلام عليكم ورحمة الله وبركاته

في ظروف غامضة اتخذت قراراً ببيع عربيتي الميجان 2008
العربية كانت كويسة ومفيهاش أي مشكلة باستثناء إنها في الفترة الأخيرة طلمبة البنزين بدأت تقطع معايا واكتشفت إن الفيشة بتاعتها سايحة وبالتالي أنا محتاج طلمبة كاملة لأن الفيشة اللي في الهاوسنج كانت سايحة برضو

للأسف مالقيتش طلمبة أصلية في السوق ومفيش غير التركي بـ 450ج عند ميشيل حليم وبصراحة قلقت منها ... سألت في التوكيل لقيتها بـ 2200 ج قبل الضريبة

بصيت لقيت إني محتاج أغير كمان مع الطلمبة فانوس خلفي لأن سائق ميكروباص كسره من قريب وكمان الفوانيس الأمامية كانت بدأت تبقى الإضاءة سيئة جداً لأن الكشافات كانت بقت قديمة وغامقة جداً وبالتالي معناها فانوسين قدام لأني سألت في موضوع تلميع الفانوس وعرفت إنه بيؤثر على جودة الفانوس وممكن الدنيا تبوظ خالص بعد التنظيف (مش عارف مدى صحة الكلام ده)

خلاصة الأمر أنا لقيت إن عربيتي محتاجة في حدود 4000ج إلى 5000ج مصاريف وأنا مش بحب أسيب حاجة في العربية بدون ما أعملها (ده حاصل معايا في العربية دي بالذات مش عارف ليه لكن عموما أنا كنت حاببها جدا وبالتالي مكنتش بسيب فيها مسمار !!!) وبالتالي أنا مش هستنى وهعمل كل الحاجات دي

في نفس الوقت العربية عاملة 175000 كم، وبالتالي متوقع تطلب صيانة أكتر في حاجات مش متوقعة وأنا مش عاوز أخسر فيها مبلغ كبير خصوصا إني صارف عليها في حدود 10000 ج من ساعة ما جبتها لحد الآن وكنت لسه جايبلها طقم كاوتش كونتيننتال ألماني مامشيتش عليه 5000 كم، وبصيت على الأسعار وحالة السوق لقيت إن أنا هخسر المبلغ ده لا محالة لو حطيته في العربية خصوصاً إني كنت ممكن أحتاج أبيعها في أي وقت ومكنتش عاوز فلوسها تخسر !!


فجأة لقيتني صليت استخارة وببيع العربية ... بلغت تاجر بتعامل معاه (بيكشفلي على أي عربية أشتريها وكده)

في ظرف 3 أيام العربية اتباعت - مش تقيلة خالص أهي ولا حاجة زي ما بيقولوا - واتباعت بمنتهى السرعة

المهم دلوقتي يارجالة، ايه رأيكم ؟؟؟
أنا خايف أجيب ميجان مستعملة تاني لأن أكيد هاتكون محتاجة مصاريف على الأقل في العفشة، انتم عارفين الشوارع عندنا والسواقين بسم الله ماشاء الله يهينوا أمتن عربية في مصر !!!

وفي نفس الوقت بفكر أغير لأوبل أسترا مثلاً نفس الموديل أو حاجة في نفس الفئة

طبعاً مش هعرف أركب كوري وياباني تاني بعد الميجان للأسف !!
جربت أركب عربيات زي الماتريكس والإلنترا والكلام ده لقيت إني مستحيل أمتلك العربيات دي ... ببساطة مش هعرف أركبها ومعرفتش أتأقلم معاها وانتم أكيد فاهمني !!!

في النهاية أنا طالب رأيكم واقتراحاتكم ونصائحكم في الموضوع ده ومش عارف ليه ماسألتكمش قبل ما أعمل العملة دي لكن على كلٍ قدر الله وماشاء فعل ولعله خير

[Amr_Moh]

لعله خير

[MohammedAladel]

والله لو حضرتك بعتها عشان مصاريفك عليها مفيش عربية ملاكى هتريحك فى المصاريف بالصورة اللى حضرتك عايزها إلا لو هتركب عربية أقل من ميجان فى كل حاجة

وبعدين فيه قطع غيار كتير استيراد برا التوكيل وجديدة أصلية هتؤدى الغرض ومش هتقصر معاك

ألف مبروك وربنا يرزقك بأحسن منها

بس لو انت عايز عربيات عملية واعتمادية وفى كل حتة ميكانيكية ييبقى كورولا لانسر بومة الكلام المألوف دا

انا لو مكانك ممكن أفكر فى شارك مستعملة

أنا مش هتكلم فى زيرو لأن الأسعار مبالغ فيها جدا

[MohammedAladel]

بالنسبة لعفشة العربية أنا شايف أنها ممتازة حتى فى الطرق المكسرة عمرها طويل واعتمادية مش زى ما الناس بيقولوا

[hilal]

أنصحك ميتسوبيشي لانسر البومة ، بس أهم شيء تكون حالتها كويسة عشان المصاريف

[shawkylotfy]

كنت هات الطلمبة بالعوامة بالفيشة استيراد اصلى مش هتكلفك 1000 ج

[janjon1978]

from my point of view
mazda3 , civic , impreza
all are Japanese made .. all have good stability as Megan
i have Mazda 3 2008 95000 km from zeroo with no single trouble .. very reliable car
and by the way very stable car .. had the same suspension as ford focus
also look on Octavia if you like European cars .. it is very reliable car also

[تامر.محمد]

رأيي كنت تخليك بعربيتك
الفوانيس يا تلمعها طالما البديل انك تغيرهم او تجيب جديد مش اصلي و خلاص
و الطلمبة شوفها استيراد

أنصحك ميتسوبيشي لانسر البومة ، بس أهم شيء تكون حالتها كويسة
عشان المصاريف

فرق الركوبة شااااااااااااااسع

[SoFiMaN]

بعتها بكام؟

[SoFiMaN]

بعتها بكام؟

[gawad_ahmed]

انصحك بعد الميجان هات اوكتافيا فعلا عربية هايلة

[horas3000]

ملكش الا الفلوينس كده